កូរ៉េខាងជើង បង្ហាញសព្វាវុធចុងក្រោយបំផុត ស្របពេលដែលលោក គីម ជុងអ៊ុន ប្តេជ្ញាប្រឆាំងនឹងការគំរាមកំហែងរបស់អាមេរិក
ព្យុងយ៉ាង៖ ប្រព័ន្ធផ្សព្វផ្សាយរដ្ឋកូរ៉េខាងជេីង បានឧ្យដឹងថា ប្រទេសកូរ៉េខាងជើង បានបើកការតាំងពិពណ៌អាវុធទំនេីបចុងក្រោយបំផុតរបស់ខ្លួននៅទីក្រុងព្យុងយ៉ាង ដោយមេដឹកនាំលោក គីម ជុងអ៊ុន បានប្តេជ្ញាប្រឆាំងនឹងការគំរាមកំហែងរបស់សហរដ្ឋអាមេរិក ដោយការពង្រឹងការអភិវឌ្ឍយោធា និងបច្ចេកវិទ្យារបស់ខ្លួន។
លោក គីម ជុងអ៊ុន បានឧ្យដឹងនៅក្នុងពិធីបើកកម្មវិធី Defence Development-2025 កាលពីថ្ងៃសៅរ៍ថា ព្រឹត្តិការណ៍នេះ “បង្ហាញពីលទ្ធផលថ្មីៗនៃគម្រោងសំខាន់ៗ” ដែលប្រទេសនេះបានអនុវត្ត ដើម្បីដាក់រចនាសម្ព័ន្ធនៃសមត្ថភាពយោធារបស់ខ្លួនលើ “ជើងទម្រដ៏ទំនើប និងជឿនលឿន” ជាមួយនឹង “ការរារាំងនុយក្លេអ៊ែររបស់ខ្លួនជាឆ្អឹងខ្នង” ។
រូបថតដែលចេញផ្សាយដោយទីភ្នាក់ងារសារព័ត៌មានកណ្តាលកូរ៉េផ្លូវការ បានបង្ហាញនូវប្រភេទមីស៊ីលផ្លោងអន្តរទ្វីបរយៈចម្ងាយឆ្ងាយ ដែលអាចបាញ់ទៅដល់សហរដ្ឋអាមេរិក មីស៊ីលនាំផ្លូវ យន្តហោះគ្មានមនុស្សបើក និងរថពាសដែក ក្នុងចំណោមអាវុធ ដែលដាក់តាំង។
មេដឹកនាំកូរ៉េខាងជើង បានរិះគន់សហរដ្ឋអាមេរិក និងកូរ៉េខាងត្បូង ចំពោះការធ្វើសមយុទ្ធជាច្រើនប្រភេទ ដើម្បី “ប្រតិបត្តិនូវសេណារីយ៉ូដ៏គ្រោះថ្នាក់ យោងទៅតាមអ្វីដែលហៅថា គោលការណ៍ណែនាំប្រតិបត្តិការនុយក្លេអ៊ែរ” ។
ជាការឆ្លើយតបទៅនឹងការបង្កើនអាវុធរបស់យោធាអាមេរិក នៅក្នុងប្រទេសកូរ៉េខាងត្បូង “ការព្រួយបារម្ភជាយុទ្ធសាស្រ្តរបស់កូរ៉េខាងជេីង អំពីតំបន់នេះក៏បានកើនឡើងផងដែរ កូរ៉េខាងជេីង បានដាក់ពង្រាយទ្រព្យសម្បត្តិពិសេសរបស់យើងទៅកាន់គោលដៅសំខាន់ៗ ដែលទ្រព្យសម្បត្តិនេះត្រូវបានគេជឿថា បង្ហាញពីមីស៊ីលបាលីស្ទីកដែលមានសមត្ថភាពបំពាក់ក្បាលគ្រាប់នុយក្លេអ៊ែរ។
ក្រុងព្យុងយ៉ាង បានរៀបចំការតាំងពិព័រណ៍ឧបករណ៍ការពារជាតិជាលើកទី៣ ជាប់គ្នា។ ការបង្ហាញចុងក្រោយបង្អស់នេះ ត្រូវបានធ្វើឡើងនៅមុនខួបលើកទី៨០ នៃគណបក្សពលករកូរ៉េដែលកំពុងកាន់អំណាចនៅថ្ងៃសុក្រសប្តាហ៍ក្រោយ នៅពេលដែលប្រទេសនេះត្រូវបានគេរំពឹងថា នឹងរៀបចំព្យុហយាត្រាយោធាទ្រង់ទ្រាយធំ៕
បរទេស៖ កាលពីថ្ងៃទី៥ ខែតុលា តម្លៃ Bitcoin បានឡើងលើស ១២៥.០០០ ដុល្លារ ដែលជាកម្រិតខ្ពស់បំផុតមិនធ្លាប់មាន។
យោងតាមសារព័ត៌មាន VN EXPRESS ចេញផ្សាយនៅថ្ងៃទី៥ ខែតុលា ឆ្នាំ២០២៥ បានឱ្យដឹងថា Bitcoin ត្រូវបានជួញដូរក្រោម ១១០.០០០ ដុល្លារ ក្នុងរយៈពេលពីរខែកន្លងមកនេះ។ ទោះយ៉ាងណាក៏ដោយ រូបិយប័ណ្ណគ្រីបតូដ៏ធំបំផុតរបស់ពិភពលោក Bitcoin នេះ បានឃើញការកើនឡើងនៅក្នុងសប្តាហ៍នេះ។
ចាប់ពីថ្ងៃទី ២៩ ខែកញ្ញា ដល់ថ្ងៃទី ៣ ខែតុលា តម្លៃរបស់ Bitcoin បានកើនឡើងជាង ១០.០០០ដុល្លារ ។ កាលពីថ្ងៃទី៤ Bitcoin មានការកើនឡើងដ៏ធំមួយនៅពេលដែលវាបានបញ្ចប់វគ្គជួញដូរនៅជុំវិញ ១២១.០០០$ ទៅ ១២២.០០០ដុល្លារ ។
រូបិយប័ណ្ណឌីជីថលនេះបានបន្តកើនឡើងជិត 2.75% ដល់ ១២៥.២៤៥ដុល្លារ នៅម៉ោង 12:12នាទីរសៀល, នេះបើយោងតាម Reuters ។ នេះគឺជាតម្លៃខ្ពស់បំផុតដែល Bitcoin មិនធ្លាប់មាន។
ពីមុនតម្លៃខ្ពស់បំផុតនៃរូបិយប័ណ្ណឌីជីថលនេះត្រូវបានកត់ត្រានៅ ១២៤.៤៨០ ដុល្លារនៅពាក់កណ្តាលខែសីហា។ ការកើនឡើងនេះត្រូវបានជំរុញដោយបទប្បញ្ញត្តិបើកចំហកាន់តែច្រើនពីរដ្ឋបាលរបស់ប្រធានាធិបតី Donald Trump ក៏ដូចជាតម្រូវការខ្លាំងពីវិនិយោគិនស្ថាប័ន។
នៅម៉ោងរសៀលថ្ងៃទី៥តុលា តម្លៃរបស់ Bitcoin បានធ្លាក់ចុះបន្តិចមកត្រឹម ១២៤.៧០០ ដុល្លារ។ មូលធនប័ត្រទីផ្សារសរុបនៃរូបិយប័ណ្ណនេះឈានដល់ប្រហែល ២.៤៨៥ ពាន់លានដុល្លារ. នេះបើយោងតាម Coinmarketcap ។ តួលេខនេះបានកើនលើសមូលធននីយកម្មនៃសហគ្រាសធំៗដូចជា Amazon ឬ Meta ជាក្រុមហ៊ុនមេរបស់ Facebook ទៅទៀត៕
ប្រែសម្រួល ឈូក បូរ៉ា
