លោក ធីម សុធារ៉ា រួមនឹងសហការី បាននាំយកអំណោយរបស់ លោក ឆាយ ឫទ្ធិសែន ទៅចែកជូនបងប្អូនកសិករភូមិគំរូ
ពោធិ៍សាត់÷នៅថ្ងៃទី ៨ ខែ តុលា ឆ្នាំ២០២៥ លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ រួមនឹងសហការី បាននាំយកអំណោយដ៏ថ្លៃថ្លារបស់ លោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ទៅចែកជូនបងប្អូនកសិករភូមិគំរូចំនួន ១០ គ្រួសារ នៅភូមិស្រែល្វា ឃុំត្រពាំងជង(៥គ្រួសារ) និងភូមិកំពង់ក្តី ឃុំរំលេច (៥គ្រួសារ)ស្ថិតនៅក្នុង ស្រុកបាកាន ខេត្តពោធិ៍សាត់ ដែលក្នុងនោះមាន៖ កៅស៊ូក្រាលរងដំណាំ, សំណាញ់ទ្រើង, ទុយោទឹក, ក្បាលដំណទឹក,ទុយោខៀវ pvc34, តំណភ្ជាប់ទុយោ។
ជាមួយគ្នានេះដែរគណៈកម្មការអភិវឌ្ឍន៍ភូមិទាំងពីរភូមិ សូមគោរពថ្លែងអំណរគុណជូនចំពោះលោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ដែលបានផ្តល់សម្ភារៈកសិកម្មដល់ពួកគាត់នាពេលនេះ សម្រាប់ប្រើប្រាស់ក្នុងការដាំដុះដំណាំកសិកម្មដេីម្បីបង្កេីនប្រាក់ចំណូលប្រចាំថ្ងៃនៅក្នុងក្រុមគ្រួសារ ៕
ប្រភព&រូបភាព÷មន្ទីរអភិវឌ្ឍន៍ជនបទខេត្តពោធិ៍សាត់
ដោយ÷ហ៊ុន ធឿន(ដើមអម្ពិល)
