បរទេស៖The Bloomberg នៅថ្ងៃពុធ ទី២២ ខែមករានេះ បានឲ្យដឹងថា អាជ្ញាធរនៃ ប្រទេសរុស្ស៊ី បាននិងកំពុងចាប់ផ្តើមការងារ ពង្រឹងការត្រួតពិនិត្យនៅច្រកព្រំដែន ជាមួយប្រទេសចិនឡើងវិញ ដើម្បីការពារកុំអោយមានវីរុសឆ្លង ដែលកំពុងរាតត្បាត នៅក្នុងប្រទេសមួយនេះ។
ជំងឺឆ្លងដ៏អាថ៌កំបាំងនេះ បានបណ្តាលឱ្យមានមនុស្សស្លាប់យ៉ាងតិច ៦ នាក់មកហើយ និងកំពុងមានឆ្លងជំងឺដូចជា បុគ្គលិកពេទ្យជាច្រើននាក់ផងដែរ នៅក្នុងប្រទេសចិន។ វាជាសញ្ញាមួយ ដែលបញ្ជាក់ថាជំងឺនេះ អាចឆ្លងពីមនុស្សម្នាក់ ទៅមនុស្សម្នាក់បាន។ ប្រទេសចិនអះអាងថា ករណីឆ្លងគឺកើនដល់ ២៩១ នាក់កាលហើយពីថ្ងៃអង្គារ ខណៈដែលគណៈកម្មការ សុខភាពជាតិរបស់ខ្លួន បានព្រមានថា នឹងមានហានិភ័យ នៃការរីករាលដាល នៃវីរុសនេះបន្តទៀត។
ទីភ្នាក់ងារសារព័ត៌មាន របស់សហព័ន្ធរុស្ស៊ី RIA បានព្រមានអ្នកធ្វើដំណើរ ចៀសវាងធ្វើដំណើរ ទៅកាន់ទីក្រុងវូហានរបស់ប្រទេសចិន ដែលកំពុងមានការពាក់ព័ន្ធ នឹងការផ្ទុះឡើងនោះឡើយ រហូតដល់ស្ថានភាព មានស្ថេរភាពឡើងវិញសិន៕
ប្រែសម្រួល៖ស៊ុនលី
