ព័ត៌មានអន្តរជាតិ

ជប៉ុន គ្រោងនឹងបញ្ជូនជើង ហោះហើរជម្លៀសលើកទី២ ទៅកាន់ទីក្រុងវូហាន នៅយប់ថ្ងៃពុធនេះ

តូក្យូ៖ មន្ត្រីរដ្ឋាភិបាលបានឲ្យដឹងថា ប្រទេសជប៉ុនគ្រោង នឹងបញ្ជូនជើងហោះហើរលើកទី ២ នៅយប់ថ្ងៃពុធនេះ ទៅកាន់ទីក្រុងវូហាន ដែលជាបេះដូងនៃការផ្ទុះវីរុសដ៏សាហាវ ដើម្បីជម្លៀសប្រជាជនរបស់ខ្លួន ដែលមានបំណង ត្រឡប់ទៅស្រុកវិញ។

យន្តហោះនេះអាចចាកចេញ ពីប្រទេសជប៉ុនប្រហែលម៉ោង ៨ យប់។ ជើងហោះហើរជម្លៀសចេញដំបូងទៅកាន់ទីក្រុងវូហាន ដោយនាំជនជាតិជប៉ុនប្រមាណ ២០០ នាក់ត្រឡប់មកទីក្រុងតូក្យូវិញ នៅព្រឹកថ្ងៃពុធនេះ។

គួរបញ្ជាក់ថា នៅទូទាំងពិភពលោកមេរោគឆ្លង ប្រភេទថ្មីនេះបានឆ្លងដល់មនុស្សជាង ៦០០០ នាក់ហេីយ។ វីរុសចុងក្រោយត្រូវបានគេជឿថា បានចាប់ផ្តើមរីករាលដាលកាលពីចុងឆ្នាំមុន នៅទីក្រុងវូហាន នៃរដ្ឋធានីហ៊ឺប៊ី ចម្ងាយប្រហែល ១.០០០ គីឡូម៉ែត្រខាងត្បូងទីក្រុងប៉េកាំង។ ទីក្រុងនេះ គឺជាមជ្ឈមណ្ឌលពាណិជ្ជកម្មដ៏ធំមួយ ដែលមានប្រជាជនចំនួន ១១ លាននាក់៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top