ព័ត៌មានអន្តរជាតិ

ចំនួនអ្នកស្លាប់ពី កូរ៉ូណាវីរុសក្នុង ប្រទេសចិន កើនឡើងកាន់តែខ្ពស់ ស្របពេលមាន ការជម្លៀស ប្រជាជន

បរទេស៖ចំនួនអ្នកស្លាប់ ក្នុងប្រទេសចិន បណ្ដាលមកពីវីរុសថ្មី នៅក្នុងថ្ងៃព្រហស្បតិ៍នេះ តាមសេចក្តីរាយការណ៍ បានកើនឡើង ដល់ចំនួន១៧០នាក់ ក្រោយពីមនុស្សចំនួន៣៨នាក់ បានស្លាប់នៅមុនថ្ងៃដែល រដ្ឋាភិបាល នានា ប៉ុនប៉ងជម្លៀសពលរដ្ឋតាមយន្តហោះ ពីប្រទេសចិន ដែលរងការវាយប្រហារ ដោយកូរ៉ូណាវីរុស។

សហរដ្ឋអាមេរិកនិងប្រទេសជប៉ុន បានជម្លៀសពលរដ្ឋខ្លួនរាប់រយនាក់ ចេញពីទីក្រុង Wuhan ស្របពេលដែលប្រទេសអង់គ្លេស នូវែលសេឡង់ និងអូស្ត្រាលី នៅតែកំពុងធ្វើការងារ ដើម្បីនាំយកពលរដ្ឋខ្លួន ចេញពីទីក្រុងមានប្រជាជន១១លាននាក់ ដែលកំពុងតែស្ថិតនៅក្រោមការបិទឲ្យជាប់គាំង សម្រាប់រយៈពេលជិតមួយសប្ដាហ៍។

គួរបញ្ជាក់ថា មន្ត្រីសុខាភិបាលចិន បាននិយាយនៅ ថ្ងៃព្រហស្បតិ៍នេះថា ចំនួនមនុស្ស ឆ្លងវីរុសថ្មីក្នុងប្រទេសចិន បានកើនដល់ចំនួន៧.៧៦៦ករណី គឺកើនខ្ពស់ជាងថ្ងៃពុធជិត ១.៨០០ករណី ហើយតំបន់ ទីបេទើបបានបញ្ជាក់ពីការ ឆ្លងវីរុសនេះ មួយករណីដំបូង៕ ប្រែសម្រួល៖ប៉ាង កុង

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×