ព័ត៌មានអន្តរជាតិ

ព្រះរាជអាជ្ញាជប៉ុនចេញដីកា ចាប់ខ្លួនលោក Ghosn និងជនជាតិអាមេរិក ៣នាក់ ជុំវិញការរត់គេចខ្លួនរបស់លោក

តូក្យូ៖ ព្រះរាជអាជ្ញាទីក្រុងតូក្យូ បានចេញដីកាចាប់ខ្លួន កាលពីថ្ងៃព្រហស្បតិ៍សប្តាហ៍មុន ចំពោះអតីតប្រធានក្រុមហ៊ុន Nissan លោក Carlos Ghosn ដែលមិនបានបង់ប្រាក់ធានា ខណៈពេលរង់ចាំការជំនុំជម្រះ នៅប្រទេសជប៉ុនហើយ ដែលស្ថិតនៅក្នុងប្រទេសលីបង់នាពេលបច្ចុប្បន្ន នេះបើយោងតាមការចេញផ្សាយ ពីគេហទំព័រជប៉ុនធូដេ។

ជប៉ុនមិនមានសន្ធិសញ្ញា ធ្វើបត្យាប័នជាមួយលីបង់ទេ ដូច្នេះលោកទំនងជាមិនត្រូវបានចាប់ខ្លួនទេ ពីព្រោះប្រទេសលីបង់បានបង្ហាញថា ខ្លួននឹងមិនប្រគល់លោក Ghosn អតីតប្រធានក្រុមហ៊ុន Nissan ឡើយ។

ព្រះរាជអាជ្ញាទីក្រុងតូក្យូ ក៏បានចេញដីកាចាប់ខ្លួនជនជាតិអាមេរិក ៣ នាក់ដែលពួកគេបាននិយាយថាបានជួយ និងរៀបចំផែនការរត់គេចខ្លួនរបស់លោក គឺលោក Michael Taylor លោក George-Antoine Zayek និងលោក Peter Taylor ។ ព្រះរាជអាជ្ញារងលោក Takahiro Saito បានបដិសេធមិននិយាយពីកន្លែង ដែលបុរសទាំង៣ ត្រូវបានគេគិតថា កំពុងស្នាក់នៅ។ លោកបាននិយាយថា Michael Taylor និង George Zayek ត្រូវបានគេសង្ស័យថា បានជួយលោក Ghosn រត់គេចខ្លួនដោយលាក់ខ្លួនគាត់ នៅក្នុងឥវ៉ាន់នៅអាកាសយានដ្ឋានជប៉ុន ហើយបាននាំគាត់ ចូលទៅក្នុងយន្តហោះឯកជន ដើម្បីចាកចេញពីប្រទេស។

លោក Saito នឹងមិននិយាយទេ ប្រសិនបើប្រទេសជប៉ុន បានស្នើសុំឲ្យ អាជ្ញាធរសហរដ្ឋអាមេរិកជួយ ទោះបីជា លោកបាននិយាយថា ជម្រើសទាំងអស់ត្រូវបានគេរុករកក៏ដោយ។ ប្រទេសជប៉ុន និងសហរដ្ឋអាមេរិកមានសន្ធិសញ្ញា ស្តីពីការធ្វើបត្យាប័ន។

Michael Taylor ជាអតីតអ្នកជំនាញខាងបៃតងឯកជន និងសន្តិសុខឯកជន។ លោក Peter Taylor ជាកូនប្រុសរបស់លោក។ រូបភាពសន្តិសុខ ដែលបានចេញផ្សាយមុននេះ បានបង្ហាញថា Zayek និង Taylor កំពុងធ្វើដំណើរ តាមអាកាសយានដ្ឋានអ៊ីស្តង់ប៊ុល ក្នុងពេលតែមួយដែលលោក Ghosn បានឆ្លងកាត់ប្រទេសតួកគី នៅតាមផ្លូវទៅក្រុង Beirut ។

ក្រុមព្រះរាជអាជ្ញាសង្ស័យ លោក Peter Taylor បានជួបជាច្រើនដងជាមួយ Ghosn នៅទីក្រុងតូក្យូ ដោយចាប់ផ្តើមពីខែកក្កដាឆ្នាំមុន ដើម្បីរៀបចំការរត់គេចខ្លួន។ Saito បាននិយាយថា Ghosn ត្រូវបានគេផ្តល់ឲ្យកូនសោរ ទៅបន្ទប់សណ្ឋាគារមួយ នៅអូសាកាក្បែរអាកាសយានដ្ឋាន Kansai ដែល Ghosn បានចាកចេញពី៕ ដោយ៖លី ភីលីព

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top