ព័ត៌មានអន្តរជាតិ

បំផ្ទុះគ្រាប់បែក នៅជិតសាលារៀន ក្នុងទីក្រុងកាប៊ុល សម្លាប់មនុស្សយ៉ាងហោចណាស់ ៤០នាក់ អំឡុងពេលអាមេរិក និងណាតូ កំពុងដកទ័ពចេញ

បរេស៖ ការវាយប្រហារនេះកើតឡើង បន្ទាប់ពីកម្លាំងជើងគោក អាមេរិក និងអង្គារណាតូ បានចាប់ផ្តើមដកទ័ពចេញពីប្រទេសអាហ្វ ហ្គានីស្ថាន កាលពីថ្ងៃទី១ ខែឧសភា ស្របតាមសេចក្តីប្រកាសដែលធ្វើឡើង ដោយប្រធានាធិបតីលោក ចូ បៃឌិន កាលពីខែមុន។

យោងតាមសារព័ត៌មាន Sputnik ចេញផ្សាយនៅថ្ងៃទី៨ ខែឧសភា ឆ្នាំ២០២១ បានឱ្យដឹងថា សារព័ត៌មាន រ៉យទ័រ បានដកស្រង់សំដីមន្ត្រីក្រសួងមហាផ្ទៃអាហ្វហ្គានីស្ថានម្នាក់ដែលនិយាយក្នុងលក្ខខណ្ឌសុំមិនបញ្ចេញឈ្មោះថា យ៉ាងហោចណាស់មនុស្ស ៤០ នាក់ត្រូវបានសម្លាប់នៅក្នុងការបំផ្ទុះជាច្រើននៅជិតសាលាមួយ ក្នុងរដ្ឋធានីកាប៊ុល ប្រទេសអាហ្វហ្គានីស្ថានកាលពីថ្ងៃសៅរ៍។

ការផ្ទុះនេះបានវាយប្រហារស្រុក Dasht-e-Barchi ខណៈដែលអ្នកស្រុកកំពុងដើរទិញឥវ៉ាន់នៅមុនពិធីសាសនា Eid-al-Fitr នៅសប្តាហ៍ក្រោយ ដែលនេះជាការបញ្ចប់នៃខែដ៏ពិសិដ្ឋនៃបុណ្យរ៉ាម៉ាដានរបស់ប្រជាជនម៉ូស្លីម។

សោកនាដកម្មនេះបានកើតឡើងនៅពេលដែលកងទ័ពអាមេរិក និងណាតូ បានចាប់ផ្តើមដកទ័ពចេញពីប្រទេសអាហ្វហ្គានីស្ថានបន្ទាប់ពីការប្រកាសរបស់លោកប្រធានាធិបតី ចូ បៃដិន កាលពីខែមុនថា កងកម្លាំងអាមេរិកនឹងចេញពីប្រទេសនេះ នៅថ្ងៃទី ១១ ខែកញ្ញាដែលជាខួបលើកទី ២០ នៃការវាយប្រហារភេរវកម្ម ១១កញ្ញា៕ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×