ព័ត៌មានអន្តរជាតិ

អ្នកវិភាគ៖វត្តមានទ័ពអាមេរិក នៅស៊ីរី នឹងធ្វើឲ្យអស្ថេរភាព ជាជាងសន្តិភាព

ដាម៉ាស៖ទីភ្នាក់ងារចិនស៊ិនហួ ចេញផ្សាយនៅថ្ងៃព្រហស្បតិ៍នេះបានសរសេរថា មានការលើកឡើងជាច្រើនពីសំណាក់អ្នកជំនាញនយោបាយក្នុងស្រុករបស់ស៊ីរីអំពីវត្តមានរបស់កងកម្លាំងរបស់អាមេរិកនៅក្នុងប្រទេសរបស់ខ្លួន គឺជារឿងដែលមិនល្អនោះឡើយ។

អ្នកជំនាញទាំងនោះបានមើលឃើញថាវត្តមានរបស់កងកម្លាំងសហរដ្ឋអាមេរិកដោយមិនមានទទួលស្គាល់ដោយរដ្ឋាភិបាលរបស់ស៊ីរី តាំងតែពីឆ្នាំ២០១៤នោះគឺមិនបានឆ្លុះបញ្ចាំងអំពីសន្តិភាពនោះឡើយ ប៉ុន្តែវានឹងអាចបង្កើនទៅអស្ថេរភាពនៅក្នុងប្រទេសជំនួសវិញ ប៉ុណ្ណោះ។

នៅក្នុងប្រទេសស៊ីរីការឈ្លានពានរបស់អាមេរិកគឺផ្អែកតែទៅលើឡេសដែលខ្លួនតែងតែនិយាយថា ក្នុងគោលបំណងដើម្បីប្រយុទ្ធប្រឆាំង ទៅនឹងក្រុមជ្រុលនិយម IS ដែលកន្លងមកត្រូវបានគេមើលឃើញថាបានកើតឡើង ដោយសារ តែលុកលុយរបស់អាមេរិកនៅក្នុងប្រទេសអ៊ីរ៉ាក់ កាលពីឆ្នាំ២០០៣។

ក្រៅពីនោះពួកអ្នកជំនាញបានបញ្ជាក់ទៀតថា មិនមានអ្វីជាអាថ៍កំបាំងឡើយដែរថាអាមេរិក គឺជាអ្នកគាំទ្រពីក្រោយទៅដល់កងកម្លាំងប្រយុទ្ធខុសច្បាប់ឃឺដដែលកំពុងមានវត្តមាននៅក្នុងប្រទេសស៊ីរី ដើម្បីបង្កើតទៅជាតំបន់ស្វ័យភាពមួយ៕ ប្រែសម្រួល៖ស៊ុនលី


បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top