វ៉ាស៊ីនតោន ៖ លោកប្រធានាធិបតីអាមេរិកលោក ចូ បៃដិនបានប្រាប់សមភាគីអ៊ុយក្រែន លោក Volodymyr Zelensky ថា សហរដ្ឋអាមេរិក នឹងផ្តល់ជំនួយដល់អ៊ុយក្រែន ចំនួន ៥០០លានដុល្លារនៅក្នុង “ជំនួយថវិកាផ្ទាល់” ។
សេតវិមានបានឲ្យដឹងថាលោក បៃដិន បានប្រាប់លោក Zelensky ថាសហរដ្ឋអាមេរិក “មានបំណងផ្តល់ឱ្យរដ្ឋាភិបាលអ៊ុយក្រែននូវជំនួយថវិកាផ្ទាល់ចំនួន ៥០០លានដុល្លារ” តាមការហៅទូរស័ព្ទដែលមានរយៈពេលប្រហែលមួយម៉ោង នេះ បើ យោង តាម អ្នក យក ព័ត៌មាន នៅ សេតវិមាន។
មេដឹកនាំទាំងពីរ បានពិភាក្សាអំពីរបៀប ដែលសហរដ្ឋអាមេរិក កំពុងធ្វើការពេញម៉ោង ដើម្បីបំពេញសំណើជំនួយផ្នែកសន្តិសុខសំខាន់ៗរបស់អ៊ុយក្រែន ផលប៉ះពាល់យ៉ាងធ្ងន់ធ្ងរដែលអាវុធទាំងនោះ មានលើជម្លោះ និងការបន្តកិច្ចខិតខំប្រឹងប្រែងដោយសហរដ្ឋអាមេរិកជាមួយសម្ព័ន្ធមិត្ត និងដៃគូដើម្បីកំណត់សមត្ថភាពបន្ថែមដើម្បីជួយ។ យោធាអ៊ុយក្រែន ការពារប្រទេសរបស់ខ្លួន”។
លោក Zelensky បានឲ្យដឹង នៅលើបណ្ដាញ Twitter បន្ទាប់ពីការហៅទូរស័ព្ទថា លោកនិងលោក បៃដិន “បានចែករំលែកការវាយតម្លៃ អំពីស្ថានភាពនៅលើសមរភូមិ និងនៅតុចរចា ដោយបាននិយាយអំពីការគាំទ្រផ្នែកការពារជាក់លាក់ កញ្ចប់ថ្មីនៃការពង្រឹងទណ្ឌកម្ម ម៉ាក្រូហិរញ្ញវត្ថុ និងជំនួយមនុស្សធម៌” ៕ប្រែសម្រួល ឈូក បូរ៉ា
