បរទេស៖ ប្រតិបត្តិករបណ្តាញអគ្គិសនីរបស់រដ្ឋកាលីហ្វ័រញ៉ា សហរដ្ឋអាមេរិកបានប្រកាសអាសន្នថាមពល ដោយព្រមានថា វាអាចបង្កើតការដាច់ចរន្តអគ្គិសនី ដើម្បីទប់ស្កាត់ការកើនឡើងនៃតម្រូវការ ដែលបានឈានដល់កម្រិតខ្ពស់បំផុតគ្រប់ពេល ខណៈដែលអ្នកស្រុកបានដំឡើងម៉ាស៊ីនត្រជាក់ ដើម្បីគេចពីរលកកំដៅដែលមិនធ្លាប់មានពីមុនមក។
យោងតាមសារព័ត៌មាន RT ចេញផ្សាយនៅថ្ងៃទី៧ ខែកញ្ញា ឆ្នាំ២០២២ បានឱ្យដឹងថា ប្រតិបត្តិករប្រព័ន្ធឯករាជ្យរដ្ឋកាលីហ្វ័រញ៉ា (ISO) បានចេញការប្រកាសអាសន្នកម្រិត៣ កាលពីយប់ថ្ងៃអង្គារដោយនិយាយថា ការផ្គត់ផ្គង់អគ្គិសនីកំពុងចាប់ផ្តើម “ដំណើរការទាបនៅចំពោះមុខការឡើងកំដៅ និងតម្រូវការ” ហើយថាវាអាចនឹងមានការដាច់ភ្លើង។
ទីភ្នាក់ងារនេះបាននិយាយថា “ប្រសិនបើចាំបាច់ ISO អាចបញ្ជាឧបករណ៍ប្រើប្រាស់ឱ្យចាប់ផ្តើមបង្វិលការដាច់ចរន្តអគ្គិសនីដើម្បីរក្សាស្ថេរភាពនៃបណ្តាញអគ្គិសនី” ដោយបន្ថែមថា តម្រូវការអគ្គិសនីខ្ពស់បំផុតនៅថ្ងៃអង្គារត្រូវបានគេរំពឹងថានឹងលើសពី ៥២ ០០០ មេហ្គាវ៉ាត់ ដែលជាប្រវត្តិសាស្ត្រថ្មីខ្ពស់គ្រប់ពេលវេលាសម្រាប់បណ្តាញអគ្គិសនី។
រដ្ឋាភិបាលរដ្ឋកាលីហ្វ័រញ៉ាបានចាត់វិធានការបន្ទាន់ផ្សេងទៀត ដើម្បីដោះស្រាយរលកកំដៅខ្លាំងក្នុងរយៈពេលប៉ុន្មានថ្ងៃថ្មីៗនេះ រួមទាំងកិច្ចខិតខំប្រឹងប្រែងដើម្បីបង្កើនផលិតកម្មថាមពល និងការពារបណ្តាញអគ្គិសនី ដោយការិយាល័យអភិបាលខេត្ត Gavin Newsom បានព្រមានអំពី “សីតុណ្ហភាពឡើងដល់បីខ្ទង់ ដែលត្រូវបានព្យាករណ៍រហូតដល់ថ្ងៃសុក្រ” ៕ប្រែសម្រួលៈ ណៃ តុលា
