បរទេស៖ សេតវិមានបានបញ្ជាឱ្យទីភ្នាក់ងារស៊ើបការណ៍សម្ងាត់រួមគ្នាតាមរយៈការស្ទាក់ចាប់ នៃការទំនាក់ទំនង ការរាយការណ៍ពីប្រភពមនុស្ស រូបភាពផ្កាយរណប និងទិន្នន័យផ្សេងទៀត ដើម្បីកំណត់ថាតើប្រទេសចិន និងអង្គការសុខភាពពិភពលោកបានលាក់បាំងនូវអ្វីដែលពួកគេបានដឹងអំពីការរីករាលដាលនៃជំងឺឆ្លងវីរុស នោះដែរឬទេ។ នេះបើតាមមន្រ្តីអាមេរិក បច្ចុប្បន្ន និងអតីត ដែលបានដឹងអំពីបញ្ហានេះបានប្រាប់ NBC News ។
យោងតាមសារព័ត៌មាន NBC News ចេញផ្សាយកាលពីថ្ងៃទី២៩ ខែមេសា ឆ្នាំ២០២០ បានឱ្យដឹងថា មន្រ្តីម្នាក់ដែលបានដឹងដោយផ្ទាល់ជាមួយបញ្ហានេះបាននិយាយថា “ការទទួលខុសត្រូវ” ជាក់លាក់មួយ ដែលស្វែងរកព័ត៌មានអំពីការផ្ទុះឡើងនៃជំងឺនេះ ត្រូវបានបញ្ជូនទៅទីភ្នាក់ងារសន្តិសុខជាតិ និងទីភ្នាក់ងារស៊ើបការណ៍សម្ងាត់ការពារជាតិដែលរួមមានមជ្ឈមណ្ឌលជាតិសម្រាប់ការស៊ើបការណ៍វេជ្ជសាស្ត្រ។ CIA បានទទួលការណែនាំស្រដៀងគ្នាដែរ។ នេះបើយោងតាមមន្រ្តីបច្ចុប្បន្ននិងអតីតដែលស្នឹតនឹងបញ្ហានេះ។
នៅពេលសួរអំពីការស៊ើបអង្កេតកាលពីថ្ងៃពុធ លោកប្រធានាធិបតី ដូណាល់ត្រាំ បានប្រាប់អ្នកសារព័ត៌មានថា លោកបានទទួលព័ត៌មាននេះហើយ។
លោកបាននិយាយថា “វាមកហើយ ហើយខ្ញុំទទួលបានព័ត៌មានមួយចំនួនរួចហើយ” ហើយយើងមិនសប្បាយចិត្តអំពីវាទេហើយយើងគឺជាអ្នកបរិច្ចាគដ៏ធំបំផុតដល់អង្គការសុខភាពពិភពលោក សុខភាពពិភពលោកហើយពួកគេបានបំភាន់ពួកយើង … ឥលូវនេះពួកគេគឺជាសរីរាង្គបំពង់របស់ប្រទេសចិន។ នោះជាវិធីដែលខ្ញុំបានមើលឃើញ។ ដូច្នេះយើងកំពុងមើលហើយយើងកំពុងរកមើល និងយើងកំពុងមើល” ។
មន្ត្រីអង្គការសុខភាពពិភពលោកបាននិយាយថា ពួកគេបានផ្តល់ពេលវេលាគ្រប់គ្រាន់ដល់ពិភពលោកក្នុងការឆ្លើយតបទៅនឹងការព្រមានដំបូងរបស់ពួកគេអំពីវីរុសនេះ។ ចំណែកមន្ត្រីចិនបានរិះគន់អ្វីដែលពួកគេពិពណ៌នាថា ជាការឆ្លើយតបដែលពន្យាពេលដោយលោក ដូណាល់ ត្រាំ៕ប្រែសម្រួលៈ ណៃ តុលា
