ព័ត៌មានជាតិ

ទូតអាមេរិក រិះរកមធ្យោបាយ ជួយប្រតិបត្តិករទេសចរណ៍ នៅសៀមរាប

ភ្នំពេញ៖​ ឯកអគ្គរដ្ឋទូតសហរដ្ឋអាមេរិក ប្រចាំកម្ពុជា លោក ប៉ាទ្រីក មើហ្វី (Partrick Murphy)​ ​ ដែលកំពុងទស្សនកិច្ចនៅខេត្តសៀមរាប បានឱ្យដឹងនៅមុននេះបន្តិចថា កូវីដ បានជះឥទ្ធិពលសេដ្ឋកិច្ចមិនសមាមាត្រលើខេត្តសៀមរាប និងសេដ្ឋកិច្ចដែលផ្អែកលើវិស័យទេសចរណ៍។

តាមរយៈបណ្តាញសង្គមធ្វីតធឺ លោកទូត បានឱ្យដឹងថា  “ខ្ញុំបានពិគ្រោះ ជាមួយប្រតិបត្តិករដែលបំរើការលើវិស័យនេះ អស់រយៈពេលដ៏យូរមកនោះ អំពីលក្ខខណ្ឌក្នុងស្រុក លទ្ធភាពនៃការបើកដំណើរការឡើងវិញ និងរបៀបដែលជំនួយរបស់សហរដ្ឋអាមេរិក អាចជួយស្តារសេដ្ឋកិច្ចកម្ពុជា ឡើងវិញ”។

ផ្ទាំងពាណិជ្ជកម្ម

ការធ្លាក់ចុះនៃចំនួនភ្ញៀវទេសចរ នៅក្នុងខេត្តសៀមរាបនេះ ត្រូវបានគេកត់សម្គាល់ មិន​មែនទើបតែចាប់ផ្តើម នៅក្នុងអំឡុងពេលវិបត្តិជំងឺកូវីដ១៩ រាតត្បាតនៅឆ្នាំ២០២០ និង២០២១នោះទេ​ ប៉ុន្តែវាចាប់ផ្តើមតាំងពីឆ្នាំ២០១៨ មកម្ល៉េះ គ្រាដែលខេត្តព្រះសីហនុ ទាក់ទាញបាននូវភ្ញៀវទេសចរ និងវិយោគិនបរទេស យ៉ាងភ្លូកទឹកភ្លូកដីមកនោះ៕

To Top
×