ព័ត៌មានអន្តរជាតិ
ប្រភពពីគណបក្សភឿថៃ ថា ផែនការវិលចូលស្រុកនៅថ្ងៃទី១០សីហានេះ របស់លោក ថាក់ស៊ីន ស៊ីណាវ៉ាត្រា ត្រូវពន្យារពេល
បរទេស៖ ប្រភពពីគណបក្សភឿថៃបាននិយាយកាលពីថ្ងៃព្រហស្បតិ៍ថា ផែនការរបស់អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា ក្នុងការវិលត្រឡប់មកកាន់ប្រទេសថៃវិញ គឺនឹងត្រូវពន្យារពេលរហូតដល់រដ្ឋាភិបាលដឹកនាំដោយគណបក្សភឿថៃ ត្រូវបានបង្កើតឡើង។ យោងតាមសារព័ត៌មាន បាងកក ប៉ុស្តិ៍ របស់ថៃ ចេញផ្សាយនៅថ្ងៃទី៤ ខែសីហា ឆ្នាំ២០២៣ បានឱ្យដឹងថា អតីតនាយករដ្ឋមន្ត្រីដែលត្រូវបានគេជឿថា ជាមេដឹកនាំបក្សភឿថៃ, ដំបូងមានគម្រោងវិលត្រឡប់មកវិញនៅថ្ងៃទី ១០ខែសីហានេះ។ ផែនការវិលចូលស្រុកនេះត្រូវបានប្រកាសដោយកូនស្រីរបស់លោកថាក់ស៊ីន គឺលោកស្រី...
