ព័ត៌មានអន្តរជាតិ
ឱនភាពពាណិជ្ជកម្មរបស់ កូរ៉េខាងត្បូង កើនឡើងដល់ ១០ពាន់លានដុល្លារ ក្នុងរយៈពេល២០ថ្ងៃដំបូងដើមខែសីហា
សេអ៊ូល៖ ទិន្នន័យការិយាល័យគយបានបង្ហាញនៅថ្ងៃចន្ទនេះថា ឱនភាពពាណិជ្ជកម្មរបស់ប្រទេសកូរ៉េខាងត្បូងបានកើនឡើងដល់ ១០ពាន់លានដុល្លារអាមេរិកក្នុងរយៈពេល ២០ ថ្ងៃដំបូងនៃខែសីហា ដោយសារកំណើននៃការនាំចូលលឿនជាងការនាំចេញ។ ឱនភាពពាណិជ្ជកម្មឈានដល់ ១០,២២ពាន់លានដុល្លារក្នុងរយៈពេលពីថ្ងៃទី០១-២០ ខែសីហា កើនឡើងពីឱនភាពចំនួន ៣,៥៨ពាន់លានដុល្លារ ដែលកើនឡើងក្នុងរយៈពេលដូចគ្នានៃឆ្នាំមុន នេះបើយោងតាមសេវាគយកូរ៉េ។ ប្រទេសនេះបានរាយការណ៍ពីឱនភាពពាណិជ្ជកម្មក្នុងរយៈពេល ៤ខែចុងក្រោយនេះ ជាមួយនឹងឱនភាពចំនួន ២,៤៨ពាន់លានដុល្លារក្នុងខែមេសា ១,៦ពាន់លានដុល្លារក្នុងខែឧសភា ២,៤៩ពាន់លានដុល្លារក្នុងខែមិថុនា និង ៤,៨ពាន់លានដុល្លារក្នុងខែកក្កដា។...
