បរទេស៖នាយករដ្ឋមន្ត្រី នៃប្រទេសអ៊ុយក្រែន លោក Denys Shmyhal កាលពីថ្ងៃសៅរ៍ម្សិលមិញនេះ បានធ្វើការប្រកាសជាសាធារណៈថា ប្រទេសអ៊ុយក្រែននឹងទទួលបាន ប្រាក់ជំនួយប្រមាណ ជា១,៧ពាន់លានដុល្លារបន្ថែមទៀត ពីអង្គការសប្បុរសធម៍អន្តរជាតិនានា។
លោកបន្តថា៖ជំនួយទាំងនោះ នឹងត្រូវផ្តល់មកឲ្យប្រទេសអ៊ុយក្រែន តាមរយៈមូលនិធិតែមួយគត់ ដែលត្រូវបានបង្កើតឡើងដោយធនាគារអន្តរជាតិសម្រាប់កិច្ចការងារស្តារឡើងវិញ និងការអភិវឌ្ឍ។
គួរឲ្យដឹងដែរថាកញ្ចប់ថវិកាទាំងនោះត្រូវបានគេជឿជាក់ដែរថា ផ្តល់ឲ្យអ៊ុយក្រែនទាំងនោះ នឹងត្រូវយកទៅប្រើប្រាស់ ក្នុងកិច្ចការងារជាពិសេសផ្តោតសំខាន់ លើសេវាសុខាភិបាល ព្រមទាំងកម្មវិធីនានានផ្សេងទៀតផងដែរ។
យោងតាមការបញ្ជាក់ ដោយក្រសួងហិរញ្ញវត្ថុបានឲ្យដឹងថា គិតមកដល់ពេលនេះទៅដល់ចុងឆ្នាំ២០២២ អ៊ុយក្រែនអាចទទួលបានជំនួយសរុបពីបណ្តាប្រទេសលោកខាងលិច ប្រមាណជា២០ពាន់លានដុល្លារមកហើយ៕ ប្រែសម្រួល៖ស៊ុនលី
