ព្រុចសែល៖ និយតករហិរញ្ញវត្ថុអឺរ៉ុប មានការខឹងសម្បារចំពោះការដោះស្រាយ របស់អាជ្ញាធរសហរដ្ឋអាមេរិក ចំពោះវិបត្តិ Silicon Valley Bank (SVB) នេះបើយោងតាមកាសែតអង់គ្លេស Financial Times ។
និយតករអ៊ឺរ៉ុបមួយចំនួន បានចោទប្រកាន់ ជាឯកជនទៅលើអាជ្ញាធរសហរដ្ឋអាមេរិកពី “ការហែកសៀវភៅច្បាប់ សម្រាប់ធនាគារដែលបរាជ័យ ដែលពួកគេបានជួយ ក្នុងការសរសេរ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ដកស្រង់ពីមន្ត្រីជាន់ខ្ពស់តំបន់អឺរ៉ូ កាសែតនេះបានចុះផ្សាយថា និយតករអឺរ៉ុប មានការភ្ញាក់ផ្អើលចំពោះ “អសមត្ថភាពទាំងស្រុង” របស់អាជ្ញាធរសហរដ្ឋអាមេរិក។
កាសែត Financial Times បានឲ្យដឹងថា ប្រជាជនអឺរ៉ុប មិនសប្បាយចិត្តជាពិសេស ចំពោះការសម្រេចចិត្តរបស់អាជ្ញាធរសហរដ្ឋអាមេរិក ក្នុងការគ្របដណ្តប់លើអ្នកដាក់ប្រាក់បញ្ញើក្នុងធនាគារ SVB ទាំងអស់ ដែលអាច “ធ្វើឱ្យខូចដល់របបដែលបានព្រមព្រៀងជាសកល”៕ ប្រែសម្រួល ឈូក បូរ៉ា
