បរទេស៖ ប្រភពមួយបានប្រាប់ VnExpress ថា ពិព័រណ៍រថយន្តប្រចាំឆ្នាំដ៏ធំបំផុត របស់វៀតណាម នឹងមិនត្រូវបានប្រារព្ធឡើង នៅក្នុងខែតុលាឆ្នាំនេះទេ ដោយសារតម្រូវការធ្លាក់ចុះ។
យោងតាមសារព័ត៌មាន VN Express ចេញផ្សាយកាលពីថ្ងៃទី១៧ ខែមីនា ឆ្នាំ២០២៣ បានឱ្យដឹងថា អ្នកតំណាងនៃម៉ាករថយន្តអាល្លឺម៉ង់មួយបាននិយាយថា “ទីផ្សាររថយន្តបានឆ្លងកាត់រយៈពេលស្ងប់ស្ងាត់ រហូតមកដល់ពេលនេះនៅឆ្នាំនេះ ដោយសារតែការធ្លាក់ចុះ នៃតម្រូវការ និងការប្រកួតប្រជែងម៉ាក្រូសេដ្ឋកិច្ច” ដោយពន្យល់ថា ស្លាកបង្ហាញតម្លៃដ៏ធំសម្រាប់ព្រឹត្តិការណ៍នេះបានរំខានអ្នករៀបចំ។ ប្រភពដដែលបានបន្តថា កម្មវិធីនេះ អាចនឹងត្រលប់មកវិញនៅឆ្នាំ ២០២៤។
Vietnam Motor Show ជាធម្មតាត្រូវបានប្រារព្ធឡើងនៅត្រីមាសចុងក្រោយ ដើម្បីជំរុញការលក់ក្នុងកំឡុងខែចុងក្រោយនៃឆ្នាំ ហើយរហូតដល់បុណ្យចូលឆ្នាំវៀតណាម ដែលជាថ្ងៃបុណ្យជាតិដ៏សំខាន់បំផុត របស់ប្រទេសវៀតណាម។ តេត ឬ ចូលឆ្នាំវៀតណាម ឆ្នាំថ្មី ជាធម្មតាធ្លាក់ក្នុងពីរខែដំបូងនៃឆ្នាំបន្ទាប់។
កាលពីឆ្នាំមុន កម្មវិធីនេះ បានទាក់ទាញអ្នកទស្សនាជិត ២៣៦ ៩៧០ នាក់ ដែលបានទិញរថយន្តជិត ២ពាន់ គ្រឿង។
អ្នកជំនាញជាច្រើនបាននិយាយថា ឆ្នាំ ២០២៣ នឹងក្លាយជាឆ្នាំដ៏លំបាកសម្រាប់ទីផ្សាររថយន្ត ដោយសារអត្រាការប្រាក់ខ្ពស់ និងអតិផរណា បានធ្វើឱ្យតម្រូវការរថយន្តធ្លាក់ចុះ។
សមាជិក នៃសមាគមក្រុមហ៊ុនផលិតរថយន្តវៀតណាម បាននិយាយថា ការលក់របស់ពួកគេ បានធ្លាក់ចុះជិត ២៥ភាគរយ ពីមួយឆ្នាំទៅមួយឆ្នាំមកត្រឹម ៤០ ៣៥៤ គ្រឿងក្នុងរយៈពេលពីរខែដំបូងនៃឆ្នាំ ២០២៣៕ ប្រែសម្រួលៈ ណៃ តុលា
