ភ្នំពេញ៖ លោកស្រី Angelina Jolie បានមកបំពេញបេសកកម្មការងារ នៅឧទ្យានជាតិអង្គរ កាលពីថ្ងៃទី២០ដល់ថ្ងៃទី២១ ខែកុម្ភៈ ឆ្នាំ២០២២ និងបានចូលរួមពិធីសម្ពោធជាផ្លូវការនៃ កម្មវិធីចិញ្ចឹមឃ្មុំសម្រាប់ស្ត្រី (Women for Bees) ក្រោមកិច្ចសហការជាមួយ អង្គការយូណេស្កូ និងសម្របសម្រួលដោយ អាជ្ញាធរជាតិអប្សរា។
![](https://dap-news.com/wp-content/uploads/2022/02/5380AC8C-20CC-47D9-B259-00647EA24DD0.jpeg)
យោងតាមហ្វេសប៊ុក អាជ្ញាធរជាតិអប្សរា នៅថ្ងៃទី២២ កុម្ភៈបានឲ្យដឹងថា កម្មវិធីចិញ្ចឹមឃ្មុំនេះមាន គោលបំណងជួយអភិរក្សប្រភេទឃ្មុំ Apis cerana និង Apis dorsata ដែលមានដើមកំណើតនៅក្នុងឧទ្យានអង្គរ លើកកម្ពស់ការចិញ្ចឹមឃ្មុំប្រកបដោយចីរភាព និងពង្រឹងសមត្ថភាពស្ត្រីក្នុងការរកប្រាក់ចំណូល សម្រាប់ផ្គត់ផ្គង់ក្នុងគ្រួសារ និងសហគមន៍របស់ពួកគេ។
![](https://dap-news.com/wp-content/uploads/2022/02/A0C9AF45-856D-4511-9C53-E0571A6DB34D.jpeg)
សូមបញ្ជាក់ថា លោកស្រី Angelina Jolie គឺជាស្ថាបនិកនៃគម្រោង UNESCO-GUERLAIN “Women for bees” ដែលឧបត្ថម្ភដោយក្រុមហ៊ុន GUERLAIN។
![](https://dap-news.com/wp-content/uploads/2022/02/D4A360C0-2426-44B8-9206-F927F9F59676.jpeg)
ក្នុងបេសកកម្មនេះ លោកស្រី Angelina Jolie បានទៅទស្សនាប្រាសាទអង្គរវត្តផងដែរ។ ការបង្ហាញវត្តមានដ៏សំខាន់ក្នុងបេសកកម្ម របស់ខ្លួននៅពេលនេះ តារាហូលីវូដរូបនេះ ក៏បានជួយផ្សព្វផ្សាយ តំបន់រមណីយដ្ឋានអង្គរ ទៅកាន់ពិភពលោក ថែមមួយកម្រិតទៀត ពិសេសក្នុងអំឡុងពេលវិបត្តិជំងឺកូវីដ១៩ ដើម្បីបញ្ជាក់ថា កម្ពុជាជាគោលដៅទេសចរណ៍ ប្រកបដោយសុវត្តិភាព ៕
![](https://dap-news.com/wp-content/uploads/2022/02/58DDE3ED-B019-4FC7-9C72-E98DEBAF488F.jpeg)
![](https://dap-news.com/wp-content/uploads/2022/02/2E344535-43F2-42EC-9F17-3A83297BC311.jpeg)
![](https://dap-news.com/wp-content/uploads/2022/02/8690AE96-661A-4422-AADB-7AD21928584F.jpeg)
![](https://dap-news.com/wp-content/uploads/2022/02/B90FCF4D-FF1E-48BC-8DFE-87EFA6D97747.jpeg)
![](https://dap-news.com/wp-content/uploads/2020/08/1-1.png)