DAP News

ពលករខ្មែរមកពីថៃ ឆ្លងជំងឺកូវីដ១៩ថ្មី ម្នាក់ទៀតហើយ

ភ្នំពេញ៖  ក្រសួងសុខាភិបាលអះអាងថា បានរកឃើញស្ត្រីជាពលករខ្មែរ មកពីថៃ បានឆ្លងជំងឺកូវីដ១៩ម្នាក់ បន្ថែមទៀត និងគ្មាបករណី ព្យាបាលជាសះស្បើយ។ យោងតាមសេចក្តី ប្រកាសព័ត៌មាន របស់ក្រសួងសុខាភិបាល នៅថ្ងៃទី៤មករា ឆ្នាំ២០២១បានឲ្យដឹងថាអ្នកឆ្លងជាស្ត្រីជនជាតិខ្មែរអាយុ ២១ឆ្នាំ មានអាសយដ្ឋានស្នាក់នៅភូមិកូនភ្នំ ឃុំអូរអណ្តូង ស្រុកសាលាក្រៅ ខេត្តប៉ៃលិន បានធ្វើដំណើរមកពីថៃ មកដល់កម្ពុជានៅថ្ងៃទី១ ខែមករា ឆ្នាំ២០២១។  ក្រសួងបន្តថា លទ្ធផលធ្វើតេស្តវត្ថុសំណាករបស់ស្ត្រីរូបនេះ ផ្តល់ដោយវិទ្យាស្ថានប៉ាស្ទ័រគឺវិជ្ជមានវីរុស កូវីដ -១៩ ហើយបច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តប៉ៃលិន។ សូមជម្រាបថា គិតមកដល់ថ្ងៃ៤ មករា កម្ពុជាមានអ្នកឆ្លងជំងឺកូវីដ១៩សរុបចំនួន៣៨២(ស្រី១០៤នាក់ និងបុរស ២៧៧នាក់) អ្នកព្យាបាលជាសះស្បើយចំនួន៣៦២ នាក់(ស្រី៨៦នាក់ និងបុរស២៧៦នាក់) អ្នកកំពុងសម្រាកព្យាបាលចំនួន២០នាក់(ស្រី១៩នាក់និងបុរស១នាក់)៕

រុស្ស៊ី ចាក់ថ្នាំវ៉ាក់សាំង ការពារជម្ងឺកូវីដ១៩ ឲ្យដល់ប្រជាជន ជាង៨សែននាក់

បរទេស៖ រដ្ឋមន្ត្រីសុខាភិបាលរុស្ស៊ី លោក Mikhail Murashko បាននិយាយនៅថ្ងៃសៅរ៍ថា មនុស្សជាង៨សែននាក់ នៅក្នុងប្រទេសរុស្ស៊ី បានទទួលថ្នាំវ៉ាក់សាំងប្រឆាំងនឹងមេរោគកូរ៉ូណា ហើយថ្នាំវ៉ាក់សាំងជាង១,៥លានដូសត្រូវបានគេបញ្ជូនចេញសម្រាប់ចែកចាយចាក់ជូនប្រជាជន។ ប្រទេសរុស្ស៊ី ដែលបានចុះបញ្ជីថ្នាំវ៉ាក់សាំង Sputnik V របស់ខ្លួន កាលពីដើមខែធ្នូនោះ  គឺមានចំនួនករណីឆ្លងជម្ងឺកូវីដ១៩ ខ្ពស់បំផុតលំដាប់ទី៤លើពិភពលោក ហើយនឹងកំពុងតែដាក់ក្តីសង្ឃឹមខ្ពស់ លើថ្នាំវ៉ាក់សាំងមួយចំនួន ដែលខ្លួនមានគម្រោងនឹងផលិតចេញ។  តាមសេចក្តីរាយការណ៍ពីទីភ្នាក់ងា...

សម្ដេចតេជោ ហ៊ុន សែន ទទួលបានចៅស្រីម្នាក់ បន្ថែមទៀត ដែលជាចៅទី២២

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី៣ ខែមករា ឆ្នាំ២០២១នេះទទួលបានចៅ ស្រីម្នាក់ទៀតដែលជាចៅទី២២និងអាច ជាចៅចុងក្រោយ ប្រសិនបេីពុំមានកូនរបស់សម្ដេចណា មួយចង់បានកូន បន្ថែមទៀត នោះទេ។ តាមរយៈបណ្ដាញទំនាក់ទំនងសង្គមហ្វេសប៊ុក សម្ដេចតេជោ បានសរសេរយ៉ាងដូច្នេះថា «ថ្ងៃទី៣មករា២០២១នេះខ្ញុំនិងភរិយាទទួលបានចៅ ស្រីម្នាក់ទៀត ដែលជាចៅទី២២និងអាច ជាចៅចុងក្រោយ ប្រសិនបេីពុំមានកូនណាមួយចង់បានកូន...

ចិន មានអ្នកឆ្លងជំងឺ កូវីដ១៩ថ្មី ចំនួន២៤នាក់

ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី០៣ ខែមករា ឆ្នាំ២០២១ថា ក្រុមអាជ្ញាធរសុខាភិបាលជាតិ បានឲ្យដឹងនៅថ្ងៃអាទិត្យនេះថា ប្រទេសចិន ត្រូវបានគេរាយការណ៍ថា មានករណីថ្មីនៃជំងឺកូវីដ១៩ គិតត្រឹមថ្ងៃសៅរ៍មានចំនួន២៤នាក់បន្ថែមទៀត ដែលលើសពីថ្ងៃមុន ដែលមានចំនួន២២នាក់ ។ គណៈកម្មាធិការសុខាភិបាលជាតិ បានឲ្យដឹងនៅក្នុងសេចក្តីប្រកាសមួយថា ១៦នាក់ក្នុងចំណោមអ្នកឆ្លងជំងឺជាអ្នកនាំចូលដែលមកពីបរទេស ។ ក្នុងចំណោមនោះមាន០៨នាក់ជាអ្នកឆ្លងជំងឺក្នុងស្រុក...

ចូលរួមសោកស្តាយ! ក្រុមគ្រូពេទ្យ ឥណ្ឌូនេស៊ី សរុប ២៣៧នាក់ បាត់បង់ជីវិត ដោយសារវីរុសកូរ៉ូណា

ហ្សាការតា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៣ ខែមករា ឆ្នាំ២០២១ថា សមាគមគ្រូពេទ្យឥណ្ឌូនេស៊ី បានឲ្យដឹងកាលពីថ្ងៃសៅរ៍ថា ប្រទេសឥណ្ឌូនេស៊ី បានកត់ត្រា ដែលមានស្លាប់បន្ថែមទៀតចំនួន៥២នាក់ដោយសារជំងឺកូវីដ១៩ ក្នុងចំណោមក្រុមគ្រួពេទ្យនៅក្នុងខែធ្នូ ដែលនាំឲ្យតួលេខនៃអ្នកស្លាប់សរុបកើនឡើងដល់២៣៧នាក់ ។ តួលេខនេះខ្ពស់ជាងខែវិច្ឆិកា និងខែតុលា នៅគ្រាដែលចំនួនអ្នកស្លាប់មានចំនួន៣២នាក់ និង២៤នាក់ប៉ុណ្ណោះ ។ ក្នុងចំណោមអ្នកស្លាប់ទាំង២៣៧នាក់ ដែលជាក្រុមគ្រូពេទ្យ នៅក្នុងខែធ្នូ ចំនួន១០១នាក់ត្រូវបានគេរាយការណ៍មកថា...

កើនទៀតហើយ! ចក្រភពអង់គ្លេស មានអ្នកឆ្លងជំងឺកូវីដ១៩ ប្រចាំថ្ងៃកើនឡើងខ្ពស់

ឡុងដ៏៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៣ ខែមករា ឆ្នាំ២០២១ថា តួលេខផ្លូវការបានប្រកាសឲ្យដឹងកាលពីថ្ងៃសៅរ៍ថា ពលរដ្ឋបន្ថែមទៀតចំនួន៥៧.៧២៥នាក់ នៅចក្រភពអង់គ្លេស បានរកឃើញលទ្ធផលវិជ្ជមានកូវីដ១៩ ដែលធ្វើឲ្យចំនួនអ្នកឆ្លងជំងឺប្រចាំថ្ងៃខ្ពស់បំផុត នៃអ្នកឆ្លងវីរុសកូរ៉ូណា ចាប់តាំងពីមានជំងឺឆ្លងរាតត្បាតកើតឡើងនៅក្នុងប្រទេស ។ ទិន្នន័យបានបង្ហាញថា សរុបករណីនៃអ្នកឆ្លងវីរុសកូរ៉ូណា នៅក្នុងប្រទេសនាពេលបច្ចុប្បន្នមានចំនួន២.៥៩៩.៧៨៩នាក់ ។ តួលេខបានបង្ហាញទៀតថា អ្នកស្លាប់បន្ថែមទៀតមានចំនួន៤៤៥នាក់ ក្នុងអំឡុងពេល២៨ថ្ងៃ នៃការរកឃើញលទ្ធផលវិជ្ជមាន ដែលនាំឲ្យចំនួនអ្នកស្លាប់សរុបនៅចក្រភពអង់គ្លេស...

ប្រេស៊ីល មានអ្នកស្លាប់ដោយសារ ជំងឺកូវីដ១៩ កើនឡើងដល់លើស ១៩៥.០០០នាក់ បន្ទាប់ពីមានអ្នកស្លាប់ បន្ថែម ជាង៣០០នាក់

សៅប៉ូឡូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៣ ខែមករា ឆ្នាំ២០២១ថា ក្រសួងសុខាភិបាលបានរាយការណ៍ឲ្យដឹង កាលពីថ្ងៃសៅរ៍ថា ប្រទេសប្រេស៊ីល បានចុះក្នុងបញ្ជីដែលមានអ្នកស្លាប់ បន្ថែមទៀតចំនួន៣១៤នាក់ ដោយសារជំងឺកូវីដ១៩ ដែលនាំឲ្យចំនួនអ្នកស្លាប់បានកើនឡើងដល់១៩៥.៧២៥នាក់ ។ ក្រសួងក៏បានឲ្យដឹងថា មានករណីថ្មីចំនួន១៥.៨២៧នាក់ដែលបានរាយការណ៍ឲ្យដឹង ដែលនាំឲ្យចំនួនអ្នកឆ្លងជំងឺសរុប កើនឡើងដល់៧.៧១៦.៤០៥នាក់ ។ រដ្ឋសៅប៉ូឡូ ជារដ្ឋដែលមានពលរដ្ឋរស់នៅច្រើនបំផុត របស់ប្រទេស ដែលបានចុះបញ្ជីមានអ្នកស្លាប់ចំនួន៤៦.៨០៨នាក់...

ទូកដឹកអ្នកដំណើរ ២០នាក់ មួយគ្រឿងបាត់ខ្លួន នៅក្បែរឆ្នេរហ្វ្លរីដា

បរទេស៖ទូរទស្សន៍ BBC ចេញផ្សាយនៅថ្ងៃអាទិត្យនេះ បានឲ្យដឹងថាបេសកកម្មមួយរបស់ក្រុមអ្នកឃ្លាំមើលឆ្នេរសមុទ្ររបស់ អាមេរិកបានចាប់ផ្តើមដំណើរការក្រោយទទួលបានព័ត៌មាន អំពីការបាត់ខ្លួននៃទូកដឹកអ្នកដំណើរប្រមាណជា២០នាក់មួយគ្រឿងនៅចន្លោះ ពីឆ្នេរសមុទ្រនៃកោះបាហាម៉ាសនិងឆ្នេរសមុទ្រ នៃរដ្ឋហ្វ្លរីដា។ ប្រភពដដែលបានបញ្ជាក់ដែរថាទូកដែលមាន ផ្ទុកអ្នកដំណើរ២០នាក់ បានធ្វើដំណើរចេញពីកោះបាហាម៉ាសឆ្ពោះទៅកាន់ឆ្នេរសមុទ្រ នៃរដ្ឋហ្វ្លរីដា កាលពីថ្ងៃចន្ទនិងគួរតែធ្វើដំណើរ ទៅដល់គោលដៅ នៅថ្ងៃអង្គារ។ ការតាមស្វែងរកបានធ្វើឡើងអស់រយៈពេល៨៤ម៉ោង នៅក្នុងចន្លោះផ្ទៃដល់ទៅ៤៤ ០៣០គីឡូម៉ែត្រការ៉េ។ អជ្ញាធរបានជូនដំណឹងទៅដល់បងប្អូន និងក្រុមគ្រួសាររួចរាល់ហើយខណៈដែល ការតាមស្វែងរកហាក់ដូចជាមិនមានលទ្ធផល លើសពីនេះឡើយ៕...

ធ្លាក់យន្តហោះធន់តូចមួយគ្រឿង នៅរដ្ឋ Michigan សហរដ្ឋអាមេរិក

បរទេស៖ទីភ្នាក់ងារចិនស៊ិនហួចេញផ្សាយ នៅថ្ងៃអាទិត្យនេះបានឲ្យដឹងថាយន្តហោះខ្នាតតូចមួយគ្រឿងបានជួបហេតុការណ៍ធ្លាក់ទៅចំផ្ទះមួយខ្នង និងបានបង្កទៅជាអគ្គិសភ័យផងនោះ ត្រង់ទីក្រុង Lyon Townshipនៃរដ្ឋ Michigan។ ប្រភពដដែលបានសរសេរទៀតដែរថា ហេតុការណ៍នេះ បានកើតឡើងនៅវេលាម៉ោងប្រមាណជា៤ម៉ោងក្នុងស្រុកហើយក្រុមពន្លត់អគ្គិសភ័យបានធ្វើដំណើរមកដល់ភ្លាមៗ ផងដែរដើម្បីអាចទប់ស្កាត់ការរីករាល ដាលនៃការឆាបឆេះនៅក្នុងតំបន់។ មកដល់ពេលនេះនៅមិនទាន់ មានព័ត៌មានលំអិតអំពីការធ្លាក់នេះ បន្ថែមនោះទេដោយបានត្រឹមដឹងថាគេអាចប្រទះឃើញពីឡុតនៅកន្លែងកើតហេតុហើយ ប៉ុន្តែចំនួនអ្នកធ្វើដំណើរឬប្រភេទយន្តហោះ គឺមិនទាន់ត្រូវបានបញ្ជាក់នៅឡើយ៕ ប្រែសម្រួល៖ស៊ុនលី

ប្រជាជនអ៊ីសា្រអែល ១លាននាក់ ដែលបានចាក់វ៉ាក់សាំងការពារវីរុសរួចហើយគឺមាន ២៤០នាក់ បានធ្វើតេស្តបញ្ជាក់ថា មានវីរុសកូវីដ១៩ទៅវិញ

បរទេស៖ ការចាក់ថ្នាំបង្ការរោគដ៏ធំប្រឆាំងវីរុសកូវីដ១៩ បានចាប់ផ្តើមនៅក្នុងប្រទេសអ៊ីស្រាអែល នៅចុងខែធ្នូ ដោយមានលោកនាយករដ្ឋមន្រ្តី នេតាន់យ៉ាហ៊ូ និងលោកប្រធានាធិបតី លោក រីវលីន បានទទួលវ៉ាក់សាំងវ៉ាក់សាំងដំបូងគេ។ រហូតមកដល់ពេលនេះប្រជាជនអ៊ីស្រាអែលប្រមាណមួយលាននាក់បានទទួលថ្នាំបង្ការនេះ។ យោងតាមសារព័ត៌មាន Sputnik ចេញផ្សាយនៅថ្ងៃទី២ ខែមករា ឆ្នាំ២០២១ បានឱ្យដឹងថា ក្នុងចំណោមអ្នកដែលត្រូវបានចាក់វ៉ាក់សាំងប្រឆាំងវីរុសកូវីដ១៩ ឬ វីរុសកូរ៉ូណា នៅអ៊ីស្រាអែល គឺមានមនុស្សចំនួន...

ថៃ៖ អ្នកជំងឺកូវីដ១៩ ម្នាក់ទៀតស្លាប់ និងរកឃើញអ្នកឆ្លងថ្មីក្នុងសហគមន៍ ២១៤នាក់ទៀត

បរទេស៖ ការស្លាប់មួយបន្ថែមទៀតទាក់ទងនឹងវីរុសកូវីដ១៩នៅប្រទេសថៃ បាននាំឱ្យអ្នកស្លាប់ដោយសារវីរុសនេះកើនឡើងដល់ ៦៤នាក់ ខណៈនៅថ្ងៃសៅរ៍ ថៃ បានរកឃើញអ្នកឆ្លងវីរុសចំនួន ២១៦នាក់ ក្នុងនោះ អ្នកឆ្លងក្នុងសហគមន៍មានចំនួន ២១៤នាក់ ដែលនាំឱ្យមានករណីឆ្លងសរុបក្នុងប្រទេសនេះ កើនឡើងដល់ ៧.៣៧៩ នាក់ ។ យោងតាមសារព័ត៌មាន Bangkok Post ចេញផ្សាយនៅថ្ងៃទី២ ខែមករា ឆ្នាំ២០២១...

ស្ថានីយទូរទស្សន៍ CNC ប្រកាសការប្រកួត កីឡាគុនខ្មែរ “អ្នកប្រយុទ្ធគុនខ្មែរ ម៉ាទ្រីដ” ចាប់ផ្តើម ពីថ្ងៃត្រង់ ថ្ងៃទី៣ មករាតទៅ

ភ្នំពេញ៖ ស្ថានីយទូរទស្សន៍ CNC បានសហការ ជាមួយសហព័ន្ធ កីឡាប្រដាល់គុនខ្មែរ ប្រកាសធ្វើការសន្និសិទកាសែត នាព្រឹកថ្ងៃទី៣ ខែមករា ឆ្នាំ ២០២១ ស្ថានីយទូរទស្សន៍CNC ដោយមានអ្នកប្រដា ល់ជើងខ្លាំងកម្ពុជាជាច្រើនរូប ណាត់ជួបគ្នា លើសង្វៀន អ្នកប្រយុទ្ធគុនខ្មែរ “ម៉ាទ្រីដ” របស់ស្ថានីយទូរទស្សន៍ CNC ដើម្បីបង្អួត កណ្តាប់ដៃដាក់គ្នា...

ក្រុមអូរបរ័ល្បឿនលឿន ឧកញ៉ា ទៀ វិចិត្រ សង្គ្រោះជនរងគ្រោះ៤នាក់ ដែលជួបហេតុការណ៍ លិចទូកនៅក្នុងសមុទ្រ

ក្រុងកោះរ៉ុង៖ក្រុមអូរបរ័ល្បឿនលឿនរបស់លោកឧកញ៉ា ទៀ វិចិត្រ បានជួយសង្គ្រោះ ជនរងគ្រោះចំនួន៤នាក់ ដែលជួបហេតុការណ៍លិចទូកនៅក្នុងសមុទ្រ ត្រង់ចំណុច ឃ្លងកោះថាស និងកោះដែកគោល កាលពីម៉ោងជាង ៥ ព្រឹកព្រលឹមថ្ងៃទី ០៣ ខែ មករា ឆ្នាំ ២០២១ ។ សមត្ថកិច្ចឲ្យដឹងថា ទូកដែលលិចនេះជាទូកដឹកសំរាម ចេញដំណើរពីចំណុចផែ ៥២...

ល្បិចបន្លំលួចគ្រប់គ្រងគណនី បណ្តាញទំនាក់ទំនងសង្គម WhatsApp Telegram ឬ Facebook!

ភ្នំពេញ៖ នៅប៉ុន្មានថ្ងៃនេះយើងសង្កេតឃើញថា មានករណីបន្លំលួចគ្រប់គ្រងគណនីបណ្តាញទំនាក់ទំនងសង្គម តួយ៉ាងដូចជាកម្មវិធី WhatsApp Telegram ឬកម្មវិធី Facebook ជាដើម។នេះបើយោងតាមនាយកដ្ឋានព័ត៌មានវិទ្យានៃក្រសួងមហាផ្ទៃ។ បន្ទាប់ពីការសិក្សាស្រាវជ្រាវលើសេចក្តីរាយការណ៍របស់ជនរងគ្រោះ ក្រុមការងារបច្ចេកទេស បានរកឃើញថា៖ ករណីលួចគណនីភាគច្រើនបង្កឡើងដោយសារការប្រើប្រាស់ល្បិចបន្លំ ច្រើនជាងការលួចដោយប្រើប្រាស់បច្ចេកទេសចម្លងមេរោគ។ដំណើរការនៃការលួចគ្រប់គ្រងគណនី៖ ឧក្រិដ្ឋជនធ្វើការ Login ចូលកម្មវិធី WhatsApp ឬកម្មវិធី Telegram ដោយប្រើប្រាស់លេខទូរស័ព្ទជនរងគ្រោះ (ចំពោះកម្មវិធី...

ឥណ្ឌាប្រកាសទទួលស្គាល់វ៉ាក់សាំង AstraZeneca នឹងប្រើប្រាស់ជាបន្ទាន់

បរទេស៖ យោងតាមការបញ្ជាក់របស់សារព័ត៌មានបរទេសនៅថ្ងៃសៅរ៍នេះ បានឲ្យដឹងថាប្រទេសឥណ្ឌាបានប្រកាសជាផ្លុវការហើយថាបានទទួលស្គាល់ចំពោះសមត្ថភាពរបស់វ៉ាក់សាំង AstraZeneca នៃសកលវិទ្យា Oxford របស់ចក្រភពអង់គ្លេស។ ការប្រកាសទទួលស្គាល់នេះ ត្រូវបានគេមើលឃើញថាបានក្លាយទៅជាការត្រួសត្រាយផ្លូវសម្រាប់ AstraZeneca ក្នុងការធ្វើយុទ្ធនាការចាក់វ៉ាក់សាំងនៅក្នុងប្រទេស ដែលមានប្រជាជនច្រើនជាងគេបំផុតទី២ លើលោក។ មានន័យផងដែរថា វ៉ាក់សាំងនេះនឹងក្លាយទៅជាវ៉ាក់សាំងទី១ ហើយដែលត្រូវបានទទួលស្គាល់ដោយឥណ្ឌា និងក្លាយជាវ៉ាក់សាំងសម្រាប់ប្រើប្រាស់ ក្នុងយុទ្ធនាការចាក់វ៉ាក់សាំង ជាបន្ទាន់ក្នុងពេលដែលប្រទេសនេះ ត្រូវបានគេរាយការណ៍ថាមានករណី ឆ្លងច្រើនបំផុតបន្ទាប់ពីសហរដ្ឋអាមេរិកខណៈ ដែលវ៉ាក់សាំងចំនួន៣...

បារាំង៖ មនុស្សរាប់ពាន់នាក់ ប្រឆាំងនឹងបម្រាមចូលរួមក្នុងពិធីជប់លៀង ដ៏ធំមួយរំលងអាធ្រាត្រ

បរទេស៖ ទូរទស្សន៍ BBC ចេញផ្សាយនៅថ្ងៃសៅរ៍នេះ បានឲ្យដឹងថាមនុស្សប្រមាណជាជាង២៥០០នាក់ នៅបារាំងបាននាំគ្នាចុលរួមក្នុង កម្មវិធីជប់លៀង ខុសច្បាប់មួយខណៈដែលប្រទេសកំពុងព្យាយាម ប្រយុទ្ធប្រឆាំងយ៉ាងខ្លាំងទៅ នឹងការរីករាលដាលនៃកូវីដ១៩។ ប្រភពដដែលបានសរសេរទៀតដែរថាព្រឹត្តិការណ៍នេះ បានធ្វើឡើងនៅក្នុងឃ្លាំង Lieuron ក្បែរទៅនឹងទីក្រុង Rennes ហើយវាបានចាប់ ផ្តើមឡើង តាំងតែពីថ្ងៃព្រហស្បតិ៍មកដល់ថ្ងៃសៅរ៍នេះ មិនទាន់បញ្ចប់នៅឡើយ។ យោងតាមការប្រកាសរបស់ប៉ូលីសបានឲ្យដឹងទៀត ដែរថាក្រុមអ្នកដែលចូលរួមនៅក្នុងពិធីជប់លៀងនេះ មានប្រភពភាគច្រើនជាអ្នកធ្វើ...

អាមេរិកនិងកូរ៉េខាងត្បូង កំពុងយកចិត្តទុកដាក់ ចំពោះសហសមយុទ្ធ

 បរទេស៖ យោងតាមសេចក្តីរាយការណ៍ សហរដ្ឋអាមេរិកនិងប្រទេសកូរ៉េខាងត្បូង បានពិភាក្សាគ្នាអំពីគម្រោងសម្រាប់សមយុទ្ធយោធាដ៏មានសក្ដានុពល ប៉ុន្តែភាគីទាំងពីរមានការព្រួយបារម្ភ ស្តីអំពីការជះឥទ្ធិពលរបស់សមយុទ្ធយោធានោះ លើប្រទេសកូរ៉េខាងជើង។  ទីភ្នាក់ងារសារព័ត៌មាន News 1 បានរាយការណ៍ថា សហរដ្ឋអាមេរិកនិងប្រទេសកូរ៉េខាងត្បូង បានធ្វើសមយុទ្ធយោធាយ៉ាងតិចបំផុតចំនួនពីរលើក ក្នុងពេលមួយឆ្នាំ នៅមុនពេលមានការរាតត្បាតឆ្លងមេរោគកូរ៉ូណា នៅក្នុងខែមីនា និងខែសីហា ហើយនៅក្នុងឆ្នាំ២០២០ ការហ្វឹកហាត់សម្រាប់ទីបញ្ជាការកងកម្លាំងចម្រុះ ត្រូវបានផ្អាក និងមានត្រឹមតែសមយុទ្ធទ្រង់ទ្រាយតូចប៉ុណ្ណោះ ធ្វើឡើងនៅចុងខែសីហា។  នៅថ្ងៃព្រហស្បតិ៍សប្ដាហ៍នេះ មន្ត្រីយោធាសហរដ្ឋអាមេរិកនិងប្រទេសកូរ៉េខាងត្បូង ក៏បានផ្លាស់ប្តូរមតិយោបល់គ្នា ស្តីពីការហ្វឹកហាត់ជាមួយវិធីដែលនឹងមិនបង្កហេតុដល់ប្រទេសកូរ៉េខាងជើង នេះបើតាមការចេញផ្សាយរបស់ទីភ្នាក់ងារសារព័ត៌មានកូរ៉េខាងត្បូង MBN។ ទីក្រុងព្យុងយ៉ាងនាពេលថ្មីៗនេះបានអះអាងថា សហសមយុទ្ធយោធា គឺជាការត្រៀមសម្រាប់ការឈ្លានពាន៕ 

សាលាក្រុងបាងកក បិទអាជីវកម្ម ចំនួន២៥ប្រភេទ អំឡុងផ្ទុះការចម្លងវីរុស ក្នុងសហគមន៍

បរទេស៖ សាលាក្រុងបាងកក បានប្រកាសបិទអាជីវកម្មចំនួន ២៥ ប្រភេទ រួមទាំងកន្លែង កម្សាន្តផងដែរ ដែលមានប្រសិទ្ធិភាពចាប់ពីថ្ងៃទី ២ មករាតទៅ ដើម្បីទប់ស្កាត់ការរីករាលដាលនៃវីរុស Covid-19 ។  យោងតាម សារព័ត៌មាន Bangkok  Post ចេញផ្សាយនៅថ្ងៃទី២ ខែមករា ឆ្នាំ២០២១ បានឱ្យដឹងថា បាលក្រុងបាងកកលោក Aswin Khwanmuang បានចុះហត្ថលេខាលើបទបញ្ជាមួយកាលពីថ្ងៃសុក្រ ដើម្បីបិទអាជីវកម្មចំនួន ២៥ ប្រភេទជាបណ្តោះអាសន្ន ដែលនឹងការប្រមូលផ្តុំមនុស្សជាច្រើន។  កន្លែងដែល រងផលប៉ះពាល់ រួមមាន៖ កន្លែងកម្សាន្តដូចជាហាងស្រាបារ និងសួនទឹក និងសួនកម្សាន្តកន្លែងកម្សាន្តកន្លែងកុមារ  ហាងលក់អាហារ និងមណ្ឌលអាហារ និងកន្លែងមួយចំនួនទៀត មិនអាចអនុញ្ញាតឱ្យទទួលទានគ្រឿងស្រវឹងបានទេ។ ហាងកាត់សក់ឬជាងកាត់សក់ត្រូវកំណត់ពេលវេលាផ្តល់សេវាកម្មដល់អតិថិជន និងមិនអនុញ្ញាតឱ្យអតិថិជនរង់ចាំនៅក្នុងហាងរបស់ពួកគេឡើយ៕

ចិន បដិសេធការសុំចរចា របស់កោះតៃវ៉ាន់ និងថា កោះតៃវ៉ាន់ ប្រើល្បិចថោកទាប

បរទេស៖ ប្រទេសចិនបានច្រានចោលការផ្តល់ជូននូវកិច្ចពិភាក្សាថ្មីបំភុតរបស់កោះតៃវ៉ាន់ ដោយចិនបានចោទប្រកាន់រដ្ឋាភិបាលក្រុងតៃប៉ិ ការស្វែងរកការប្រឈមមុខជាមួយរដ្ឋាភិបាលទីក្រុងប៉េកាំង ចំពេលដែលកោះនេះស្វះស្វែងដើម្បីទទួលបានឯករាជ្យ។ យោងតាមសារព័ត៌មាន Sputnik ចេញផ្សាយនៅថ្ងៃទី២ ខែមករា ឆ្នាំ២០២១ បានឱ្យដឹងថា ការិយាល័យកិច្ចការកោះតៃវ៉ាន់របស់ប្រទេសចិនបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា ចាប់តាំងពីឆ្នាំ ២០១៦ មក គណបក្សរីកចម្រើនប្រជាធិបតេយ្យ (DPP) ដែលកំពុងកាន់អំណាចរបស់កោះនេះ បានបន្តបង្កភាពតានតឹងតាមរយៈការស្វែងរកឯករាជ្យដោយប្រឈមមុខនឹងដីគោក (ចិន) នៅគ្រប់វេននិងបង្កើតការប្រឈមមុខដាក់គ្នាដោយចេតនាឆ្លងកាត់ច្រកសមុទ្រតៃវ៉ាន់។ ការិយាល័យបន្តថា « ពួកគេបាននិយាយម្តងទៀតអំពីអ្វីដែលគេហៅថា“ ការសន្ទនា” ប៉ុន្តែតើវាអាចមកពីណា? យើងជំរុញឲ្យអាជ្ញាធរ DPP បញ្ឈប់ការប្រើល្បិចថោកទាបទាំងនេះ ដើម្បីបោកប្រាស់ប្រជាជន»។ សូមជម្រាបថា សេចក្តីថ្លែងការណ៍នេះបានធ្វើឡើងប៉ុន្មានម៉ោងបន្ទាប់ពីប្រធានាធិបតីកោះតៃវ៉ាន់លោកស្រី Tsai Ing-wen បានសង្កត់ធ្ងន់ថា រដ្ឋាភិបាលក្រុងតៃប៉ិត្រៀមខ្លួនធ្វើការចរចាប្រកបដោយអត្ថន័យជាមួយរដ្ឋាភិបាលទីក្រុងប៉េកាំងដោយឈរលើមូលដ្ឋានស្មើភាពគ្នាប្រសិនបើអាជ្ញាធរចិនបង្ហាញពីឆន្ទៈក្នុងការទុកនូវអ្វីដែលលោកស្រី Tsai បានពិពណ៌នាថាជាការប្រឈមមុខដាក់គ្នា៕

ហ្វីលីពីន នឹងហាមឃាត់ អ្នកដំណើរ មកពីសហរដ្ឋអាមេរិក ក្រោយពីដឹងថា ជំងឺកូវីដ១៩មាន វីរុសក្លាយពូជ នៅផ្លរីដា

ម៉ានីល៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងកាលពីរាត្រីថ្ងៃទី០១ ខែមករា ឆ្នាំ២០២១ថាអ្នកនាំពាក្យ របស់លោកប្រធានាធិបតី Rodrigo Duterte បានលើកឡើងកាលពីថ្ងៃសុក្រថា បន្ទាប់ពីមានករណីឆ្លងជំងឺ ច្រើនឡើងៗ ដោយសារវីរុសវីរុសកូរ៉ូណាក្លាយពូជថ្មីដែលបានរកឃើញនៅរដ្ឋផ្លរីដា ប្រទេសហ្វីលីពីន នឹងធ្វើការហាមឃាត់អ្នកដំណើរជាជនបរទេសដែលមកពីសហដ្ឋអាមេរិក ដែលមានប្រសិទ្ធិភាពចាប់ពីថ្ងៃទី០៣ ខែមករា ។ លោក Harry Roque អ្នកនាំពាក្យរបស់លោកប្រធានាធិបតីហ្វីលីពីន បានលើកឡើងក្នុងសេចក្តីប្រកាសមួយថា ការហាមប្រាមក្នុងការធ្វើដំណើរ នឹងគិតរហូតដល់ថ្ងៃទី១៥ ខែមករា ដោយផ្តោតសំខាន់លើអ្នកទៅកាន់សហរដ្ឋអាមេរិកក្នុងអំឡុងពេល១៤ថ្ងៃ នៅពេលមកដល់ទឹកដីហ្វីលីពីនវិញ ។ វិធានការបន្ថែម សម្រាប់ការរឹតត្បិត លើការធ្វើដំណើរដែលក្រុងម៉ានីល បានប្រកាសកាលពីថ្ងៃអង្គារ ជាការផ្តួចផ្តើមដំបូងគ្របដណ្តប់លើអ្នកដំណើរទាំងឡាយដែលមកពីបណ្តាប្រទេសចំនួន១៩ និងតំបន់ជាច្រើនទៀត ហើយចាប់ផ្តើមមានប្រសិទ្ធិភាពនៅពាក់កណ្តាល អធ្រាតថ្ងៃទី២៩ ខែធ្នូ ៕

រាជរដ្ឋាភិបាល សម្រេចសាងសង់ ព្រលានយន្តហោះថ្មី ខ្នាតតំបន់ នៅមណ្ឌលគិរី

ភ្នំពេញ ៖ រាជរដ្ឋាភិបាលកម្ពុជា សម្រេចអនុញ្ញាតឲ្យសាងសង់ ព្រលានយន្តហោះថ្មីខ្នាតតំបន់ នៅខេត្តមណ្ឌលគិរី។ នេះបើយោងតាមលិខិត របស់គណៈរដ្ឋមន្រ្តី ចុះថ្ងៃទី៣១ ខែធ្នូ ឆ្នាំ២០២០។ ជាមួយគ្នានេះ រាជរដ្ឋាភិបាលបានជ្រើសរើសយក ក្រុមហ៊ុន Power china International Group ធ្វើជាដៃគូឯកជន ក្នុងការសិក្សា និងអភិវឌ្ឍន៍គម្រោង សាងសង់...

គ្រោះបាក់ដី នៅណ័រវេសន៍ បណ្តាលឲ្យស្លាប់ម្នាក់ និងមនុស្សចំនួន០៩នាក់ នៅបន្តបាត់ខ្លួន

អូស្លូ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី០២ ខែមករា ឆ្នាំ២០២១ថា ក្រុមអាជ្ញាធរបាននិយាយថា កាលពីថ្ងៃសុក្រ ក្រុមអ្នកជួយសង្គ្រោះ បានរកឃើញសាកសពចំនួន០១នាក់ និងបន្តស្វែងរកមនុស្សចំនួន០៩នាក់ផ្សេងទៀតដែលបន្តបាត់ខ្លួន បន្ទាប់ពីមានហេតុការណ៍បាក់ដាក់ហូរច្រោះកប់ដោយល្បាប់ភក់មកលើលំនៅដ្ឋានជាច្រើននៅភូមិ Norwegian ។ គេបានដឹងថា មានបាត់ស្រុតពីតំបន់កូនភ្នំ នៅ Ask ចម្ងាយប្រមាណ២៥គីឡូម៉ែត្រស្ថិតនៅភាគឦសាននៃរដ្ឋធានី អូស្លូ...

គ្រោះរញ្ជួយដី កម្រិត៥,១រ៉ិចទ័រ វាយប្រហារភាគនីរតី នៃប្រទេសរុស្ស៊ី

ប៉េកាំង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០២ ខែមករា ឆ្នាំ២០២១ថា គ្រោះរញ្ជួយដីមួយកម្រិត៥,១រ៉ិចទ័រ វាយប្រហារភាគនីរតី នៃប្រទេសរុស្ស៊ី ។ យោងតាមទីភ្នាក់ងារស្ទង់ទិន្នន័យ និងភូមិសាស្ត្រសហរដ្ឋអាមេរិក (USGS)បានឲ្យដឹងថា គ្រោះរញ្ជួយដីមួយកម្រិត៥,១រ៉ិចទ័រ អង្រួននៅចម្ងាយ៧គីឡូម៉ែត្រស្ថិតនៅភាគនីរតីនៃក្រុង Gedzhukh ប្រទេសរុស្ស៊ី នៅវេលាម៉ោង០១និង០៥នាទីម៉ោងសកល នៅថ្ងៃសៅរ៍នេះ ។ ចំណុចកណ្តាលនៃគ្រោះរញ្ជួយដីនេះ មានជម្រៅ១០គីឡូម៉ែត្រ ហើយតាមការវាយតម្លៃបឋមឃើញថា...

ប្រេស៊ីល មានអ្នកស្លាប់ ដោយសារជំងឺកូវីដ១៩ សរុបលើសពី១៩៥.០០០នាក់

សៅប៉ូឡូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០២ ខែមករា ឆ្នាំ២០២១ថា ក្រសួងសុខាភិបាលបានឲ្យដឹងកាលពីថ្ងៃសុក្រថា ចំនួនអ្នកស្លាប់ដោយសារជំងឺកូវីដ១៩នៅប្រេស៊ីល សរុបបានកើនឡើងដល់១៩៥.៤១១នាក់ បន្ទាប់ពីមានអ្នកស្លាប់បន្ថែមទៀតចំនួន៤៦២នាក់ គិតក្នុងរយៈពេល២៤ម៉ោងកន្លងទៅនេះ ។ ទន្ទឹមនឹងនេះដែរ ការធ្វើតេស្តបានរកឃើញថា មានករណីថ្មីចំនួន២៤.៦០៥នាក់ ដែលនាំឲ្យចំនួនអ្នកឆ្លងជំងឺ សរុបកើនឡើងដល់៧.៧០០.៥៧៨នាក់ ។ ប្រេស៊ីល ជាប្រទេសជាប់លំដាប់លេខ២ ដែលមានអ្នកស្លាប់ដោយសារជំងឺកូវីដ១៩ច្រើនជាងគេបំផុតលើពិភពលោក បន្ទាប់ពីសហរដ្ឋអាមេរិក និងជាប់លំដាប់លេខ៣...

ក្រសួងការបរទេស អាមេរិក ហាមឃាត់មិនឲ្យ ធ្វើពាណិជ្ជកម្ម ជាមួយធនាគារ គុយបា BFI

បរទេស៖ ក្រសួងការបរទេសសហរដ្ឋអាមេរិក នៅថ្ងៃសុក្រសប្ដាហ៍នេះ បានបន្ថែមធនាគារពាណិជ្ជរបស់ប្រទេសគុយបា ទៅក្នុងបញ្ជីហាមឃាត់របស់ខ្លួន ដោយនិយាយថា ខ្លួននឹងទប់ស្កាត់យោធារបស់ប្រទេសគុយបា មិនឲ្យទទួលបានអត្ថប្រយោជន៍ ពីប្រតិបត្តិការហិរញ្ញវត្ថុនោះទេ។  ក្រសួងការបរទេសអាមេរិក តាមសេចក្តីរាយការណ៍ បានដាក់ធនាគារ Banco Financiero International S.A. ចូលក្នុងបញ្ជីហាមឃាត់គុយបា ចាប់ផ្តើមក្នុងដើមខែមករានេះ ដោយហៅវាថាជាធនាគារ ពាណិជ្ជគ្រប់គ្រងដោយយោធាគុយបា ដែលទទួលបានផលប្រយោជន៍ដោយផ្ទាល់ ពីប្រតិបត្តិការហិរញ្ញវត្ថុធ្វើឲ្យប៉ះពាល់ដល់ប្រជាជនគុយបា។ ...

សម្តេចតេជោ ចេញវាយកូនគោលក្រោយខាន ហាត់ប្រាណជាង១ខែ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា នៅព្រឹកថ្ងៃទី៣ ខែមករា ឆ្នាំ២០២០នេះ បានចេញវាយកូនគោល ក្រោយខានហាត់ប្រាណជាងមួយខែ។ សម្តេចថា ក្រោយខានហាត់ប្រាណធ្វើឲ្យទម្ងន់ឡើងពី ៧៧ដល់ ៨២ គីឡូក្រាម។ សម្តេចបន្តថា ដូច្នេះបន្ទាប់ពីបិទបញ្ចប់ព្រឹត្តិការណ៍ ២៨ វិច្ឆិកានិង ចូលឆ្នាំសកលថ្មី ២០២១...

ក្រសួង រកឃើញ ពលករខ្មែរ មកពីថៃ ឆ្លងជំងឺកូវីដ១៩ថ្មី ២នាក់បន្ថែម

ភ្នំពេញ៖ ក្រសួងសុខាភិបាលបានឲ្យដឹងនៅថ្ងៃទី៣ ខែមករា ឆ្នាំ២០២១ថា បានរកឃើញស្ត្រីពលករខ្មែរមកពីធ្វើការប្រទេសថៃ បានឆ្លងជំងឺកូវីដ១៩ ចំនួន២នាក់ និងមិនមានករណីព្យាបាលជាសះស្បើយនោះទេ។ យោងតាមសេចក្តីប្រកាសព័ត៌មានបានឲ្យដឹងយ៉ាងដូច្នេះថា ករណីវិជ្ជមានវីរុសកូវីដ១៩ថ្មី ជាពលករបានធ្វើដំណើរពីថៃ មកដល់កម្ពុជានៅថ្ងៃ៣១ ធ្នូ ហើយលទ្ធផលធ្វើតេស្តវត្ថុសំណាករបស់បុគ្គលទាំង២នាក់ ផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ គឺ វិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺត្រូវបាន ដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តបាត់ដំបង។ ក្រសួងក៏បានឲ្យដឹងទៀតថា ជាមួយគ្នានេះក៏មិនមានករណីជាសះស្បើយទេ។ ...

ក្រសួងសុខាភិបាល ប្រកាសថាមាន ពលករខ្មែរម្នាក់ មកពីប្រទេសថៃ ធ្វើចត្តាឡីស័ក ក្នុងខេត្តត្បូងឃ្មុំស្លាប់ក្នុងបន្ទប់ទឹកដោយសារដួល បោកក្បាលនឹង ចានបង្គន់

ឆ្នាំ២០២០ តម្លៃផលិតផល កសិកម្មសរុប ក្រៅពីស្រូវមាន ជាង ៤,៤៩ ពាន់លានដុល្លារ

ភ្នំពេញ៖ លោកវេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានថ្លែងថា ផលិតផលកសិកម្មសរុបលើផ្នែកដំណាំក្រៅពីស្រូវសម្រេចបានក្នុងឆ្នាំ២០២០ គិតជាប្រាក់មានតម្លៃជាង ៤,៤៩ ពាន់លានដុល្លារ ខណៈការនាំចេញមា២,១៧ ពាន់លានដុល្លារ។ បើតាមលោក វេង សាខុន បង្ហាញក្នុងហ្វេសប៊ុកនាថ្ងៃទី២ ខែមករា ឆ្នាំ២០២១បន្តថា ក្នុងនោះដំណាំដំឡូងមី សម្រាប់នាំចេញ សរុប មានចំនួន ៧...

គ្រាប់កាំភ្លើងបាញ់ ចំយន្តហោះ ០៣គ្រឿង នៅលីបង់ ចំថ្ងៃអបអរឆ្នាំថ្មី

ប៊ែរ៉ាត់៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០២ ខែមករា ឆ្នាំ២០២១ថា បណ្តាញទូរទស្សន៍ក្នុងស្រុកឈ្មោះ LBCI បានរាយការណ៍ថា គ្រាប់កាំភ្លើងដោយចៃដន្យត្រូវបានគេបាញ់ ដើម្បីអបអរឆ្នាំថ្មីនៅប្រទេសលីបង់ បានបាញ់ចំលើយន្តហោះចំនួន០៣គ្រឿង របស់ក្រុមហ៊ុនអាកាសចរណ៍ មជ្ឈឹមបូព៌ា (MEA) នៅឯព្រលានយន្តហោះប៊ែរ៉ាត់ កាលពីថ្ងៃសុក្រ ។  យន្តហោះមួយក្នុងចំណោមយន្តហោះទាំងនោះ ត្រូវបានទទួលដោយក្រុមហ៊ុន MEA ។ វាត្រូវបានគេសន្មត់ថា...