DAP News

លោក ប៉ា ងួនទៀង ៖ លោក អ៊ូ ច័ន្ទរ័ត្ន ជាអ្នកជំរុញ និងនៅពីក្រោយឆាក ការបង្កើតបក្សថ្មី

ភ្នំពេញ ៖ មនុស្សស្និតស្នាល របស់លោក កឹម សុខា គឺលោក ប៉ា ងួនទៀង ដែលបច្ចុប្បន្ន ជាប្រធានមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) បានបង្ហាញការជឿជាក់ថា លោក អ៊ូ ច័ន្ទរ័ត្ន ដែលធ្លាប់ជាអតីតមន្រ្តីជាន់ខ្ពស់ របស់គណបក្សសង្រ្គោះជាតិ ហើយដែលបានសុំសិទ្ធិធ្វើនយោបាយ ឡើងវិញនោះ គឺជាអ្នកជំរុញ...

កម្ពុជា ត្រៀមខ្លួន​ជាស្រេច ធ្វើកិច្ចសហប្រតិបត្តិការ ជាមួយ ប៉ាគីស្ថាន ដើម្បីពង្រឹងមិត្តភាព

ភ្នំពេញ ៖ សម្តេច សាយ ឈុំ ប្រធានព្រឹទ្ធសភា បានបញ្ជាក់ថា កម្ពុជាត្រៀមខ្លួនជាស្រេច ធ្វើកិច្ចសហប្រតិបត្តិការ ជាមួយ ប៉ាគីស្ថាន ដើម្បីរួមចំណែក ក្នុងពង្រឹងពង្រីកទំនាក់ទំនង មិត្តភាព សាមគ្គីភាព។ ក្នុងជំនួបពិភ្សាការងារ ជាមួយលោក អាមយ៉ាត អាលី ស្ស៊ា (Amjad Ali...

កម្លាំងអាវុធហត្ថ រាជធានីភ្នំពេញ បង្ក្រាបជនល្មើស៥ក្រុម ឃាត់ខ្លួន រហូតដល់២៨នាក់

ភ្នំពេញ ៖ របាយការណ៍សមត្ថកិច្ច នៅថ្ងៃទី១៣ ខែធ្នូ នេះ បង្ហាញថា រយៈពេល១យប់១ថ្ងៃ ថ្ងៃទី១២ ខែធ្នូ កម្លាំងអាវុធហត្ថរាជធានីភ្នំពេញ បានស្រាវជ្រាវពួនស្ទាក់ ដោយបង្ក្រាបបានជនល្មើស ចំនួន៥ក្រុម និង ជនសង្ស័យចំនួន២៨នាក់ ។ តាមរបាយការណ៍ប្រចាំថ្ងៃ ដែលអាវុធហត្ថរាជធានីភ្នំពេញ បានកត់ត្រា បង្ហាញថា ចាប់ពីម៉ោង១៦៖០០នាទី...

ឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀន នៅផ្ទះសំណាក់ពីរផ្សេងគ្នា!

ពោធិ៍សាត់ ៖ មុខសញ្ញាជួញដូរ ចែកចាយគ្រឿងញៀន និង ប្រើប្រាស់ ត្រូវបានកម្លាំង នគរបាលក្រុងពោធិ៍សាត់ ឃាត់ខ្លួនបានជាបន្តបន្ទាប់ ចំនួន៩ នាក់ នៅថ្ងៃទី ១២ ខែ ធ្នូ ឆ្នាំ ២០១៩ នៅក្នុងផ្ទះសំណាក់ពីរផ្សេងគ្នា និងរឹបអូសវត្ថុតាង រួមមានម្សៅក្រាមពណ៏សចំនួន ៥២ កញ្ចប់...

លោក ស៊ូ សុជាតិ៖ វិស័យមូលបត្រ មានការកើនឡើង គួរកត់សម្គាល់

ភ្នំពេញ៖ អគ្គនាយកនៃគណៈកម្មការមូលបត្រកម្ពុជា លោក ស៊ូ សុជាតិ បានថ្លែងអះអាងថា ក្នុងឆ្នាំ២០១៩នេះ វិស័យមូលបត្រមានការកើនឡើងគួរឲ្យកត់សម្គាល់ បើធៀបទៅនឹងឆ្នាំ២០១៨ ។ ក្រោយបញ្ចប់សិក្ខាសាលាផ្សព្វផ្សាយស្តីពី “វិស័យមូលបត្រ និងប្រសិទ្ធភាព ក្នុងការផ្សព្វផ្សាយព័ត៌មាន ក្នុងសម័យសេដ្ឋកិច្ចឌីជីថល និងការប្រកួតប្រជែងសរសេរ អត្ថបទព័ត៌មានក្នុងវិស័យមូលបត្រកម្ពុជា” សម្រាប់អ្នកសារព័ត៌មានលើកទី១០ នៅថ្ងៃទី១៣ ខែធ្នូ ឆ្នាំ២០១៩ លោក...

ក្រុមហ៊ុនផលិត ស្រាបៀរកម្ពុជា ប្រកាសជាថ្មី ម្តងទៀតថា ក្រវិលកំប៉ុងទាំងចាស់ និងថ្មីប្ដូររង្វាន់ បានដូចធម្មតា ដដែល

ភ្នំពេញ ថ្ងៃទី១២ខែធ្នូ ឆ្នាំ២០១៩ លោកឧកញ៉ា លាង ពៅ (ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស បានប្រកាសជាថ្មីម្តងទៀតនៅថ្ងៃនេះថា « រាល់ក្រវិលកំប៉ុងស្រាបៀរកម្ពុជា ទាំង ចាស់ និង ថ្មី រង្វាន់តូច ឬ រង្វាន់ធំ ក្រុមហ៊ុននៅតែ បន្តប្តូរជូនអតិថិជន...

កម្ពុជាបើកសម្ពោធ តាំងពិព័រណ៌ បង្ហាញ យន្តហោះចម្បាំង និងឧទ្ធម្ភាគចក្រ

ភ្នំពេញ៖ កម្ពុជានៅព្រឹកថ្ងៃទី១៣ ខែធ្នូ ឆ្នាំ២០១៩នេះ បានបើកការ តាំងបង្ហាញពិព័រណ៌ យន្តហោះចម្បាំង យន្តហោះខ្នាតតូច ឧទ្ធម្ភាគចក្រ និងបង្ហាញស្នាដៃ បច្ចេកវិទ្យា ការសរសេរកូដ វិស្វកម្ម និងវិទ្យាសាស្រ្តថ្មីអស្ចារ្យ របស់សិស្សនិសិ្សតកម្ពុជា ជាច្រើនទៀតផងដែរ ។ កម្មវិធីនេះ ធ្វើឡើង៣ថ្ងៃ ជាប់គ្នាចាប់ពីថ្ងៃទី ១៣ ១៤...

អភិបាលរាជធានីភ្នំពេញ ប្រកាសផែនការថ្មី កាត់បន្ថយប្រើប្រាស់ ភេសជ្ជៈផ្អែមនៅ តាមសាលារៀន

ភ្នំពេញ ៖ លោក ឃួង ស្រេង អភិបាលរាជធានី ភ្នំពេញនៅព្រឹកថ្ងៃទី១៣ ខែធ្នូ ឆ្នាំ២០១៩ បានប្រកាសថា រដ្ឋបាលរាជធានីភ្នំពេញ អនុវត្តការកាត់បន្ថយ ការទទួលទានភេសជ្ជៈ ផ្អែមនៅតាមសាលារៀន ដែលជាផ្នែកមួយ នៃភាពជាដៃគូ ដើម្បីសុខុមាលភាពទីក្រុង ដែលជាបណ្តាញពិភពលោក ដ៏ល្បីល្បាញ នៃទីក្រុងចំនួន៧០ ដែលប្តេជ្ញាសង្រ្គោះជីវិត ដោយការទប់ស្កាត់ជំងឺមិនឆ្លង...

នាវាបរទេសមួយគ្រឿង​ នាំភ្ញៀវទេសចរ ចម្រុះជាតិសាសន៍ជិត ២ពាន់នាក់ ចូលទស្សនាកម្សាន្ត​ នៅព្រះសីហនុ

ភ្នំពេញ៖​ នៅព្រឹកថ្ងៃទី១៣​ ធ្នូនេះ​ នាវាទេសចណ៍ SUN PRINCESS បាននាំភ្ញៀវទេសចរបរទេស ចម្រុះជាតិសាសន៍ជិត២.០០០នាក់ ចូលចតកំពង់ផែអន្តរជាតិក្រុងព្រះសីហនុ ដើម្បីធ្វើទស្សនកិច្ច នៅព្រះរាជាណាចក្រកម្ពុជា រយៈពេលមួយថ្ងៃ មុននឹងចាកចេញទៅកាន់ប្រទេសថៃ ។ នេះបេីយោងតាម​ AKP​ ។  នាវា SUN PRINCESS  មានសញ្ជាតិ Bermuda មានបណ្តោយប្រវែង ២៦៤.៣០ម៉ែត្រ ទទឹង ៣២.២០ម៉ែត្រ ជម្រៅទឹក៨.២០ម៉ែត្រ បាននាំភ្ញៀវទេសចរបរទេសចំនួន ១.៩៧៧នាក់ ស្រី ១.០៦៨នាក់ មាន ២៦សញ្ជាតិ និងមាននាវិកសរុបចំនួន ៨៤៦នាក់ស្រី ១៣២នាក់ មាន ៥០សញ្ជាតិ។ នាវា SUN PRINCESS បាននាំភ្ញៀវទេសចរបរទេសជិត ២.០០០នាក់ ចាកចេញពីប្រទេសវៀតណាម ចូលចតកំពង់ផែអន្តរជាតិក្រុងព្រះសីហនុ កាលពីវេលាម៉ោង៦ និង ៣០នាទី ព្រឹកថ្ងៃទី១៣ ខែធ្នូ ឆ្នាំ២០១៩នេះ ហើយនាវាមានគម្រោងចាកចេញពីកំពង់ផែអន្តរជាតិក្រុងព្រះសីហនុ នៅវេលាម៉ោង ១៦ល្ងាច ថ្ងៃដដែលឆ្ពោះទៅកាន់ប្រទេសថៃ  ។ ភ្ញៀវទេសចរបរទេសធ្វើដំណើរ កម្សាន្តតាមតំបន់រមណីយដ្ឋាននានាក្នុងក្រុងព្រះសីហនុ ទីប្រជុំជនផ្សារ តំបន់មាត់សមុទ្រ និងតំបន់នេសាទទំនប់រលក ស្ថិតក្នុងសង្កាត់លេខ១ ក្រុងព្រះសីហនុ៕

OPPO គ្រោងវិនិយោគ ទឹកប្រាក់ 7 កោដិដុល្លារ អាមេរិក ក្នុងការបង្កើត និងអភិវឌ្ឍន៍ ប្រព័ន្ធអេកូឡូស៊ី 5G & 6G

ព្រឹត្តិការណ៍ OPPO INNO DAY 2019 ក្រោមប្រធានបទ “ភាពច្នៃប្រឌិតឥតព្រំដែន” ត្រូវបានប្រារព្ធឡើងជាផ្លូវការ នៅទីក្រុងសិនជិន ប្រទេសចិន កាលពីដើមសប្តាហ៍នេះ។ ដំបូង OPPO បានពន្យល់អំពីគម្រោងវិធានការ របស់ខ្លួន នាយុគសម័យសមាហរណកម្មនៃបណ្តាញទំនាក់ទំនង ដ៏ឆ្លាតវៃ បន្ទាប់មក ក៏បានបង្ហាញ នូវផលិតផល ទំនើបៗ ជាច្រើន...

ប៉ាគីស្ថាន៖ មេធាវីមួយក្រុម ចូលអុកឡុកគ្រូពេទ្យ ក្នុងមន្ទីរពេទ្យ បណ្តាលឱ្យអ្នកជំងឺ ៤នាក់ស្លាប់

ញូដេលី៖ អ្នកជំងឺចំនួន ៤ នាក់បានស្លាប់ នៅក្នុងមន្ទីរពេទ្យមួយក្នុងទីក្រុងឡាហ័រ ប្រទេសប៉ាគីស្ថានកាលពីថ្ងៃពុធ បន្ទាប់ពីមេធាវីមួយក្រុម បានចូលទៅអុកឡុក បន្ទប់សង្គ្រោះបន្ទាន់។ អ្នកជំងឺស្ថិតក្នុងស្ថានភាពធ្ងន់ធ្ងរ ហើយត្រូវទុកចោល ដោយគ្មានការយកចិត្តទុកដាក់។ យោងតាមសារព័ត៌មាន Sputnik ចេញផ្សាយកាលពីថ្ងៃទី១១ ខែធ្នូ ឆ្នាំ២០១៩ បានឱ្យដឹងថា មេធាវីជាច្រើនដែលកាន់ដំបង បានបង្ខំឱ្យបើកទ្វារវិទ្យាស្ថាននៃជំងឺបេះដូង Punjab (PIC)...

ទីបំផុតពិភពលោក មានវត្តមានក្រុមហ៊ុន ដែលមានតម្លៃទីផ្សាដល់ទៅ ២ពាន់ពាន់លានដុល្លារ ជាលើកដំបូងហើយ

បរទេស: ទូរទស្សន៍ CNN ចេញផ្សាយ នៅថ្ងៃព្រហស្បតិ៍ ទី១២ ខែធ្នូនេះបានសរសេរថា ភាគហ៊ុនរបស់អារ៉ាប៊ីសាអូឌីត នៅថ្ងៃនេះបានកើនឡើងខ្ពស់ ២ពាន់ពាន់លានដុល្លារ ជាលើកដំបូងនិងមិនធ្លាប់មាននៅលើពិភពលោក។ Aramco ជាក្រុមហ៊ុនផលិតប្រេងដ៏ធំរបស់រដ្ឋក្រោមការដឹកនាំដោយផ្ទាល់ ដោយព្រះមហាក្សត្រ នៃប្រទេសព្រះអង្គ Mohammed bin Salman។ ប្រភពដដែលបានសរសេរទៀតថា ភាគហ៊ុននេះត្រូវបានគេមើលឃើញថា បានកើនឡើងដល់ទៅ ១០ភាគរយ...

អាមេរិក​ ទទូចដល់កូរ៉េខាងជើង​ ឱ្យចូលរួមកិច្ចចរចានុយក្លេអ៊ែរឡើងវិញ​ ដោយប្តេជ្ញារកវិធីសាស្រ្ដបត់បែន

វ៉ាស៊ីនតោន៖​ សហរដ្ឋអាមេរិក​ បានជំរុញឱ្យកូរ៉េខាងជើង​ វិលត្រឡប់ទៅរកកិច្ចចរចាការ រំសាយអាវុធនុយក្លេអ៊ែរ​ ដែលត្រូវបានជាប់គាំងក្នុងពេលជជែកដេញដោលគ្នា នៅឯក្រុមប្រឹក្សាសន្តិសុខរបស់អង្គការសហប្រជាជាតិ​ កាលពីថ្ងៃពុធដោយនិយាយថាទីក្រុងវ៉ាស៊ីនតោន​ បានត្រៀមខ្លួនដើម្បី “បត់បែន” នៅក្នុងដំណើរការនេះ​ ខណៈពេលដែលព្រមានប្រឆាំង នឹងសកម្មភាពបង្កហេតុនានា។ ឯកអគ្គរដ្ឋទូតសហរដ្ឋអាមេរិក ប្រចាំនៅអង្គការសហប្រជាជាតិលោកស្រី Kelly Craft បានលេីកឡេីងថា“ យើងបានត្រៀមលក្ខណៈដើម្បីបត់បែន តាមវិធីដែលយើង ឈានដល់បញ្ហានេះ ហើយយើងទទួលស្គាល់...

សម្តេចតេជោ អនុញ្ញាតឲ្យឧបនាយករដ្ឋមន្រ្តីប្រចាំការ នៃប្រទេសវៀតណាម ចូលជួបសម្តែងការគួរសម និងពិភាក្សាការងារ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាព្រឹកថ្ងៃទី១៣ ខែធ្នូ ឆ្នាំ២០១៩នេះ បានអនុញ្ញាតឲ្យលោក ជឿង ហ័រប៊ីញ ឧបនាយករដ្ឋមន្រ្តីប្រចាំការ នៃសាធារណរដ្ឋសង្គមនិយមវៀតណាម ចូលជួបសម្តែងការគួរសម និងពិភាក្សា​ការងារ ។

ក្រុមយោធាណូវែលសេឡង់ ទាញយកសាកសពបាន ៦នាក់ ក្រោយរងគ្រោះដោយ បន្ទុះភ្នំភ្លើងនៅកោះ White Island

វ៉ាកាតាណេ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី១៣ ខែធ្នូ ឆ្នាំ២០១៩ ថា នៅថ្ងៃសុក្រនេះ ក្រុមការងារដែលសុទ្ធសឹង ជាយោធារបស់ ប្រទេសណូវែលសេឡង់ បានទាញយកសាកសពចំនួន ៦នាក់ ចេញពីទីតាំងនៃការបន្ទុះភ្នំភ្លើង នៅលើដែនកោះ White Island ។ ប៉ូលិសបាននិយាយដូច្នេះថា បេសកកម្មមួយត្រូវបានអនុវត្តន៍...

ប្រធានព្រឹទ្ធសភា ទទួលជួបឯកអគ្គរដ្ឋទូត ប៉ាគីស្ថាន

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃទី១៣ ខែធ្នូ ឆ្នាំ២០១៩ បានអនុញ្ញាតឱ្យលោក អាមយ៉ាត អាលី ស្ស៊ា (Amjad Ali sher) ឯកអគ្គរដ្ឋទូតវិសាមញ្ញ និងពេញសមត្ថភាពនៃ សាធារណរដ្ឋអ៊ីស្លាមប៉ាគីស្ថាន ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងជម្រាបលា...

ក្រុមហ៊ុន Cellcard បើកសម្ពោធ យុទ្ធនាការ សប្បុរសធម៌ ក្នុងឱកាស បុណ្យណូអែល

ភ្នំពេញ៖ថ្ងៃសុក្រទី ១៣ ខែធ្នូ ឆ្នាំ ២០១៩ ថ្ងៃនេះក្រុមហ៊ុន Cellcard បានបើកសម្ពោធ និងផ្សព្វផ្សាយជាពិសេស ក្នុងឱកាសបុណ្យណូអែល ដើម្បីរៃអង្គាសថវិកាសម្រាប់កម្មវិធីសប្បុរសធម៌ របស់អង្គការមិត្តសំឡាញ់ ក្នុងការជួយយុវជនដែលជួបការលំបាក នៅតាមដងផ្លូវ ឲ្យបានចូលមកសិក្សាវិញ។ ក្រុមហ៊ុន Cellcard បានកំណត់គោលដៅក្នុងការប្រមូលថវិកា ឲ្យបាន ២ម៉ឺនដុល្លារ ពីយុទ្ធនាការសប្បុរសធម៌ ក្នុងឱកាសបុណ្យណូអែលនេះ...

កូរ៉េខាងជើងថា អាមេរិកគ្មានអ្វីឱ្យខ្លួនឡើយ ទោះបីការចរចាបន្តទៅមុខ

បរទេស៖ ការលើកឡើងនេះកើតឡើង បន្ទាប់ពីមានសេចក្តីថ្លែងការណ៍ របស់ឯកអគ្គរដ្ឋទូតសហរដ្ឋអាមេរិក ប្រចាំអង្គការសហប្រជាជាតិលោក Kelly Craft នៅឯកិច្ចប្រជុំក្រុមប្រឹក្សា សន្តិសុខអង្គការសហប្រជាជាតិស្តីពី ការមិនរីកសាយអាវុធដែល រដ្ឋាភិបាលទីក្រុងវ៉ាស៊ីនតោន បានត្រៀមខ្លួនដើម្បីមានភាពបត់បែន នៅក្នុងកិច្ចពិភាក្សានុយក្លេអ៊ែរ ជាមួយរដ្ឋាភិបាលទីក្រុងព្យុងយ៉ាង។ យោងតាមសារព័ត៌មាន Sputnik ចេញផ្សាយនៅថ្ងៃទី១២ ខែធ្នូ ឆ្នាំ២០១៩ បានឱ្យដឹងថា ទីភ្នាក់ងារព័ត៌មានកណ្តាលកូរ៉េ (KCNA)...

ក្នុងឱកាស ខួប១៥ឆ្នាំ មជ្ឈមណ្ឌលថែទាំរថយន្ត ឆាយ ហ៊ាង​ ផ្តល់ជូនការបញ្ចុះតម្លៃ១៥% រហូតដល់បំណាច់ឆ្នាំ គ្រប់សាខា

ក្នុងឱកាសគំរប់ខួប១៥ ឆ្នាំ និងដើមបីអបអរ បុណ្យណូអែល និងឆ្លងឆ្នាំសកល ខាងមុខនេះ​ មជ្ឈមណ្ឌលថែទាំរថយន្ត​ ឆាយ ហ៊ាង ធ្វើការផ្តល់ជូន កម្មវិធីពិសេស រាល់ការប្តូរប្រេងម៉ាស៊ីនរថយន្ត លោកអ្នកនឹងទទួលបាន ការបញ្ចុះតម្លៃ ១៥% ភ្លាមៗ គ្រាន់តែ Like និង Share Page (ផេក)...

នាយករដ្ឋមន្រ្តីវៀតណាម ស្នើឱ្យយោធារក្សា ការប្រុងប្រយ័ត្ន និងការពារអធិបតេយ្យភាព បូរណភាពទឹកដី ជាពិសេសនៅសមុទ្រ

ហាណូយ៖ នាយករដ្ឋមន្រ្តីវៀតណាម លោក ង្វៀន ស៊ុនហ្វុក កាលពីថ្ងៃច័ន្ទបានកោតសរសើរ ការអនុវត្តការងាររបស់ ក្រសួងការពារជាតិពេញមួយឆ្នាំ ក្នុងការផ្តល់ដំបូន្មាន ជាយុទ្ធសាស្ត្រដល់បក្ស និងរដ្ឋ លើបញ្ហាទាក់ទងនឹងយោធា ក៏ដូចជាដោះស្រាយប្រកបដោយប្រសិទ្ធភាពនូវកាលៈទេសៈផ្សេងៗ។ យោងតាមសារព័ត៌មាន Vietnam News ចេញផ្សាយកាលពីថ្ងៃទី១០ ខែធ្នូ ឆ្នាំ២០១៩ បានឱ្យដឹងថា មេដឹកនាំរូបនេះបាននិយាយថានៅពេលដែលពិភពលោក ចូលក្នុងបដិវត្តឧស្សាហកម្មទី...

ប្រេសិតចិនប្រចាំ នៅអង្គការសហប្រជាជាតិ និយាយថា ក្រុមប្រឹក្សាសន្តិសុខចាំបាច់ក្នុងការ បន្ធូរបន្ថយទណ្ឌកម្ម លើកូរ៉េខាងជើង

បរទេស៖ ឯកអគ្គរដ្ឋទូតចិន ប្រចាំនៅអង្គការសហប្រជាជាតិ លោក Zhang Jun បាននិយាយថា វាជារឿងចំាបាច់ ដែលក្រុមប្រឹក្សាសន្តិសុខអង្គការសហប្រជាជាតិ ត្រូវធ្វើការបន្ធូរបន្ថយទណ្ឌកម្មលើប្រទេសកូរ៉េខាងជើង ក្នុងគោលបំណងគាំទ្រដល់កិច្ចពិភាក្សាគ្នា រវាងទីក្រុងព្យុងយ៉ាងនិងសហរដ្ឋអាមេរិក និងទប់ស្កាត់ស្ថានភាពផ្ទុយគ្នា។ តាមសេចក្តីរាយការណ៍ លោក បាននិយាយប្រាប់ក្រុមប្រឹក្សាសន្តិសុខដូច្នេះថា “វាចាំបាច់ណាស់ ដែលក្រុមប្រឹក្សានេះ ចាត់វិធានការ និងអំពាវនាវឲ្យមានបទប្បញ្ញតិ្តផ្ទុយគ្នា នៅក្នុងសេចក្តីសម្រេចពាក់ព័ន្ធសាធារណរដ្ឋ ប្រជាធិបតេយ្យប្រជាមានិតកូរ៉េ...

សហជីព សង្ឃឹមថា រាជរដ្ឋាភិបាល នឹងរកច្រកចេញ ដើម្បីបញ្ចៀស ការព្យួរ EBA

ភ្នំពេញ៖ លោក ប៉ាវ ស៊ីណាប្រធានសម្ព័ន សហជីពចលនាកម្មករ បានបង្ហាញក្តីសង្ឃឹមថា ទំរាំដល់ខែកុម្ភៈ ឆ្នាំ២០២០ ខាងមុខនេះរាជរដ្ឋាភិបាលកម្ពុជា នឹងរកច្រកចេញឃើញ ដើម្បីបញ្ចៀស ពីការព្យួរប្រព័ន្ធអនុគ្រោះ ពន្ធគ្រប់ប្រភេទ(EBA)។ នៅខែកុម្ភៈ ខាងមុខនេះ សហភាពអឺរ៉ុប នឹងផ្អាកEBAជា បណ្តោះអាសន្ន ប្រសិនរកឃើញថា រាជរដ្ឋាភិបាលរំលោភសិទ្ធិមនុស្ស ។ នៅថ្ងៃ១២ ធ្នូនេះ ក្រសួងការបរទេសកម្ពុជា បានឆ្លើយតបចំពោះរបាយការណ៍ របស់គណៈកម្មការអឺរ៉ុប ទាក់ទងនិង នីតិវិធី នៃករដកប្រព័ន្ធអនុគ្រោះពន្ធ ជាបណ្តោះអាសន្ន EBA ដែលសហភាពអឺរ៉ុប ផ្តល់ឲ្យកម្ពុជា។ ក្នុងសេចក្តីថ្លែងការណ៍នេះ រាជរដ្ឋាភិបាល បានបង្ហាញថា អាចផ្តល់ផលប៉ះពាល់សង្គម ដល់កម្មករ-កម្មការិនី ប្រមាណជិត១លាននាក់ និងផលប៉ះពាល់ ដោយប្រយោល ដល់ក្រុមគ្រួសារសាច់ញាតិ របស់កម្មករនិយោជិត ដែលរស់នៅពឹងផ្អែក លើប្រាក់ឈ្នួល របស់ពួកគាត់ ។  ប៉ុន្តែករណីនេះ លោក ប៉ាវ ស៊ីណាលើកឡើងថា នេះ នៅមិនទាន់ រាប់បញ្ចូលប្រជាពលរដ្ឋ ដែលប្រកបមុខរបរផ្ទាល់ខ្លួន រាប់សែននាក់ ផ្សេងទៀត ដែលទាញផល ចេញពីវិស័យកាត់ដេរ ។ លោកថា ទោះជាយ៉ាងណា ទំរាំដល់ ខែកុម្ភៈ ឆ្នាំ២០២០ ខាងមុខ ខ្ញុំសង្ឃឹមថា រាជរដ្ឋាភិបាល និងស្វះស្វែងរកច្រក ចរចាបន្ថែមទៀតជាមួយភាគីពាក់ព័ន្ធ ជាពិសេស សហភាពអឺរ៉ុប ដើម្បីបញ្ចៀស ផលប៉ះពាល់ ដែលអាចកើតមានឡើង រយៈពេលយូរ ដល់ពលរដ្ឋខ្មែរ  ក្នុងករណី EBA ត្រូវបានព្យួរ “៕

ព្រឹកស្អែក កម្ពុជា នឹងតាំងបង្ហាញ យន្តហោះចម្បាំង និងឧទ្ធម្ភាគចក្រ

ភ្នំពេញ៖ កម្ពុជា នឹងបើកការតាំងបង្ហាញ យន្តហោះចម្បាំង យន្តហោះខ្នាតតូច ឧទ្ធម្ភាគចក្រ និងអ្វីដែលពិសេស ជាងនេះទៅទៀតនោះ ក៏មានចូលរួម ដាក់តាំងបង្ហាញស្នាដៃបច្ចេកវិទ្យា ការសរសេរកូដ វិស្វកម្ម និងវិទ្យាសាស្រ្តថ្មីអស្ចារ្យ របស់សិស្សនិសិ្សតកម្ពុជាជាច្រើនទៀតផងដែរ។ កម្មវិធីនេះ ធ្វើឡើង៣ថ្ងៃ ជាប់គ្នាចាប់ពីថ្ងៃទី ១៣ ១៤ ១៥ ធ្នូ នៅទីតាំងមូលដ្ឋានទ័ពអាកាស ពោធិចិនតុង ភ្នំពេញ៕

ចំណូលគយ ប្រមូលបាន ៣,០១៣ លានដុល្លារ លើសផែនការកំណត់

ភ្នំពេញ៖ គិតមកទល់ថ្ងៃទី៩ ខែធ្នូ ឆ្នាំ២០១៩ ចំណូលដែល បានមកពីរដ្ឋាករគយប្រមូលបាន ៣,០១៣ លានដុល្លារ លើសផែនការប្រមាណ ៧៥៨ លានដុល្លារ(ស្មើនឹង៣ ៣.៥% ) ខណៈគម្រោងផែនការកំណត់ ត្រូវប្រមូលឲ្យបាន ២,២៦០ លានដុល្លារ ។នេះបើតាមការប្រកាស របស់សម្តេចតេជោ ហ៊ុន សែន ក្នុងបណ្តាញទំនាក់ទំនងសង្គមហ្វេសប៊ុក...

ទូតសុឆន្ទៈ WURKZ កីឡាករ Gabriel Jesus ដាក់ ៣គ្រាប់ម្នាក់ឯង ក្នុងការប្រកួត Premiere League Champions បង្កើតប្រវត្តិសាស្រ្តថ្មីនាយប់ម៉ិញ

ជាមោទកភាពរបស់កីឡាករ Gabriel Jesus របស់ក្រុម Manchester City ដែលរកគ្រាប់បាល់ ដ៏មានតម្លៃ ៣គ្រាប់តែម្នាក់ឯង ក្នុងការប្រកួតជាមួយក្រុម Dinamo Zagreb របស់ប្រទេសក្រូអាត ក្នុងព្រឹត្តិការណ៍ប្រកួត Premiere League Champions កាលពីយប់ម៉ិញ។ គ្រាប់បាល់ទាំង 3 នេះ គឺត្រូវបានស៊ុតបញ្ចូលទី ផ្ទួនៗគ្នាតែម្តង ដោយកីឡាករ Gabriel Jesus និង 1គ្រាប់ទៀតដោយសមាជិកក្រុមរបស់ខ្លួន  បន្ទាប់ពីគូប្រកួត របស់ពួកគេបាននាំមុខ១គ្រាប់ នៅនាទីទី១០។ លទ្ធផលជាប្រវត្តិសាស្រ្តនេះ បានធ្វើឱ្យ Gabriel Jesus ក្លាយជាកីឡាករ វ័យក្មេងជាងគេបំផុត របស់ប្រេស៊ីល ដែលរកគ្រាប់បាល់សរុប១០គ្រាប់ ក្នុងព្រឹត្តិការណ៍ Champions League។ ហើយប្រវត្តិសាស្រ្តថ្មីនេះបធ្វើអោយអ្នកតំណាង ភេសជ្ជៈប៉ូវកម្លាំងវើក WURKZ សប្បាយចិត្តក្រៃលែង និងកោតសរសើរ ចំពោះជ័យជម្នះ របស់ក្រុម  Manchester City ដែលជាដៃគូផ្លូវការ របស់ភេសជ្ជៈប៉ូវកម្លាំង វើក WURKZ នៅប្រទេសកម្ពុជា។ គួរជម្រាបថា នៅវេលាម៉ោង ១១ យប់ ថ្ងៃទី ១៥ ខែធ្នូនេះ ក្រុមបាល់ទាត់ Manchester City នឹងត្រៀមប្រកួតក្នុងព្រឹត្តិការណ៍English Premiere League ជាមួយក្រុមបាល់ទាត់ Asernal ដូច្នេះសម្រាប់អ្នកគាំទ្រក្រុមបាល់ទាត់ Manchester City ទាំងអស់អាចរង់ចាំទស្សនាការប្រកួតនេះបាននៅលើកញ្ចក់ទូរទស្សន៍ CTN, MYTV, និង CNC ផងដែរ៕

ការបញ្ជាទិញគ្រឿង ម៉ាស៊ីន របស់ជប៉ុន​ ធ្លាក់ចុះ​ ៦ភាគរយ នៅខែតុលា

តូក្យូ៖​ ទិន្នន័យរបស់រដ្ឋាភិបាល បានបង្ហាញនៅថ្ងៃព្រហស្បតិ៍នេះថាការបញ្ជាទិញគ្រឿងម៉ាស៊ីន ក្នុងវិស័យឯកជនរបស់ជប៉ុន​ បានធ្លាក់ចុះ ៦ភាគរយ​ នៅក្នុងខែតុលា​ ពីខែមុនដែលជាខែទី ៤ ដែលការបញ្ជាទិញនេះបានធ្លាក់ចុះ។  យោងតាមការិយាល័យខុទ្ទកាល័យ បានឱ្យដឹងថាការបញ្ជាទិញ​ ដែលមិនរាប់បញ្ចូលទំនិញ​ សម្រាប់កប៉ាល់​ និងពីឧបករណ៍ប្រើប្រាស់ដោយសារតែ ភាពមិនចុះសម្រុងរបស់ពួកគេមានចំនួនសរុប ៧៩៨,៨ ពាន់លានយ៉េន (៧,៣៦ ពាន់លានដុល្លារ) ។ ការធ្លាក់ចុះនៃការបញ្ជាទិញ...

សម្តេចតេជោ៖ កម្ពុជាទាក់ទាញ និងជាទីទុកចិត្តនៃ ក្រុមហ៊ុន វិនិយោគ បរទេស ខណៈជប៉ុន វិនិយោគជាង ៤០០លានដុល្លារ

ភ្នំពេញ៖សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានថ្លែងអំណរអរគុណក្រុមហ៊ុន មីនីបៀ នៃប្រទេសជប៉ុន ដែលបាននឹងកំពុងវិនិយោគ ជាមួយទំនុកចិត្តខ្ពស់លើទឹកប្រាក់ ប្រមាណជាង ៤០០ លានដុល្លារនៅកម្ពុជា ដែលបានផ្តល់ការងារដល់កម្មករជាង ៧ពាន់នាក់ ។នេះបើតាមហ្វេសប៊ុកសម្តេចមុននេះបន្តិច។ សម្តេចថា ចំនួននេះនឹងកើន រហូតដល់២ម៉ឺននាក់ ក្នុងពេលឆាប់ៗខាងមុខ នៅពេលដែល ក្រុមហ៊ុនចាប់ផ្តើមផលិត ឧបករណ៍ហ្គេមកំសាន្ត PSP...

អាមេរិកប្រាប់ អង្គការ សហប្រជាជាតិ ខ្លួនត្រៀមខ្លួន ធ្វើការបត់បែន ក្នុងកិច្ចពិភាក្សា កូរ៉េខាងជើង និងព្រមាន ប្រឆាំង ការបង្កហេតុ

រទេស៖ប្រេសិតសហរដ្ឋអាមេរិកប្រចាំនៅអង្គការ សហប្រជាជាតិ នៅថ្ងៃពុធសប្ដាហ៍នេះ បាននិយាយប្រាប់ថា សហរដ្ឋអាមេរិក ត្រៀមខ្លួនជាស្រេច ដើម្បីបោះជំហានច្បាស់លាស់ ឆ្ពោះទៅរកកិច្ចព្រមព្រៀងមួយ ដែលមានគោលដៅឲ្យកូរ៉េខាងជើងបោះបង់ចោល កម្មវិធីនុយក្លេអ៊ែនិងមីស៊ីល ប៉ុន្តែក្រុមប្រឹក្សា សន្តិសុខត្រូវតែត្រៀមធ្វើការឆ្លើយតប ទៅនឹងការបង្កហេតុណាមួយ។  ឯកអគ្គរដ្ឋទូតសហរដ្ឋអាមេរិក លោកស្រី Kelly Craft បាននិយាយដូច្នេះថា “យើងនៅតែត្រៀមខ្លួនជាស្រេច ដើម្បីចាត់វិធានការក្នុងដំណើរស្មើភាព និងបោះជំហានជាក់លាក់ជាបន្តបន្ទាប់ ឆ្ពោះទៅរកកិច្ចព្រមព្រៀងនេះ យើងបានត្រៀមខ្លួនធ្វើការបត់បែន ក្នុងវិធីដែលយើងខិតចូលទៅជិតបញ្ហានេះ ហើយយើងទទួលស្គាល់ពីតម្រូវការចាំបាច់ សម្រាប់កិច្ចព្រមព្រៀងស្មើភាព ដែលដោះស្រាយក្តីព្រួយបារម្ភរបស់គ្រប់ភាគីទាំងអស់”។  គួរបញ្ជាក់ថា ក្រុមប្រឹក្សាសន្តិសុខអង្គការសហប្រជាជាតិ ដែលមាន១៥ប្រទេសជាសមាជិក បានជួបប្រជុំគ្នានៅថ្ងៃពុធសប្ដាហ៍នេះតាមសំណើរបស់ សហរដ្ឋអាមេរិក ស្របពេលមានក្តីព្រួយបារម្ភកើនឡើងជាអន្តរជាតិថា ប្រទេសកូរ៉េខាងជើង អាចនឹង បន្តធ្វើតេស្តនុយក្លេអ៊ែ ឬក៏មីស៊ីលវាយប្រហារចម្ងាយឆ្ងាយ ដែលបានផ្អាកចាប់តាំងពីឆ្នាំ២០១៧មក ព្រោះតែកិច្ចពិភាក្សាលុបបំបាត់ នុយក្លេអ៊ែរវាងទីក្រុងព្យុងយ៉ាងនិងទីក្រុងវ៉ាស៊ីនតោន បានជាប់គាំង៕ ប្រែសម្រួល៖ប៉ាង កុង 

ឆ្នាំ២០១៩ កម្ពុជាលើវិថី នៃមោទនភាពជាតិ និងភាពជឿជាក់ លើអនាគត របស់ខ្លួន (វីដេអូ)

បើករថយន្តឲ្យគេសុខៗ រកគុកទាល់ តែឃើញ!

ភ្នំពេញ៖ សមត្ថកិច្ចជំនាញនៃការិយាល័យ ស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ នៅថ្ងៃទី១២ ខែធ្នូឆ្នាំ២០១៩ បានបញ្ជូនជនសង្ស័យ ១នាក់ ទៅតុលាការ ពាក់ព័ន្ធករណី លួចរថយន្ត ដើម្បីផ្តន្ទាទោសតាមច្បាប់។ ជនសង្ស័យឈ្មោះ  សឹម គង់ ភេទប្រុស អាយុ ២៧ឆ្នាំ ត្រូវកម្លាំងមូលដ្ឋាន អាវុធហត្ថខណ្ឌទួលគោក បានឃាត់ខ្លួន កាលពីថ្ងៃទី០៩ខែធ្នូឆ្នាំ២០១៩ វេលាម៉ោង១៦:០០នាទី បន្ទាប់ពីសមត្ថកិច្ច បានទទួលពាក្យបណ្តឹងពីជនរងគ្រោះ ពាក់ព័ន្ធករណីលួច រថយន្ត។ ក្រោយពេលឃាត់ខ្លួនបាន ជនសង្ស័យ ខាងលើ បានសារភាពប្រាប់សមត្ថកិច្ចអាវុធហត្ថឲ្យដឹងថា រាល់ថ្ងៃរូបខ្លួនជាអ្នកបើកបររថយន្តឲ្យថៅកែចិន  មានទីតាំងផ្លូវ១៩៥៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។  នៅថ្ងៃកើតហេតុ ថៅកែ បានប្រើរូបគេឲ្យទៅបើករថយន្ត ០១គ្រឿង ម៉ាក Starex ពណ៍ស មិនចាំស្លាកលេខ ជូនភ្ញៀវរបស់គាត់ទៅព្រលានយន្តហោះ ក្រោយដាក់ភ្ញៀវរួច រូបគេបានជិះរថនយន្តនោះ ទៅជួបមិត្តភ័ក្តិ ឈ្មោះ សេង នៅម្តុំផ្ទះសំណាក់ គូរូ ខាងកើតអង់តែនទួលគោក ហើយពួកគេទាំង ០២នាក់ បានជិះរថយន្តជាមួយគ្នា ក្នុងបំណងរកកន្លែងជក់ថ្នាំញៀន លុះពេលជិះដល់ផ្លូវស្ងាត់ម្តុំវិទ្យាល័យ ឥន្ទ្រទេវី ឈ្មោះ សេង ក៏បានបបួលរូបគេ ឲ្យលក់រថយន្តនោះ ព្រមទាំងបានយកកាំភ្លើងខ្លីមកគម្រាមរូបគេ និងបានយកថ្នាំ ងងុយដេក បង្ខំឲ្យរូបគេផឹករហូតសន្លប់បាត់ស្មារតី ពេលដឹងខ្លួនវិញរូបគេនៅក្នុងពេទ្យកាល់ម៉ែត្រ ក៏ស្រាប់តែសមត្ថកិច្ចអាវុធហត្ថមកឃាត់ខ្លួនតែម្តង។  ជនសង្ស័យ ខាងលើ បានបន្ថែមទៀតថា រូបគេប្រើប្រាស់គ្រឿងញៀន រយៈពេល០១ឆ្នាំមកហើយ។