ព័ត៌មានអន្តរជាតិ
ធនាគារ ADB អនុម័តហិរញ្ញប្បទានទឹកប្រាក់ជិត ១,៧ ពាន់លានដុល្លារជួយដល់ការសាងសង់ផ្លូវល្បឿនលឿន នៅក្នុងប្រទេសហ្វីលីពីន
ម៉ានីល៖ កាលពីថ្ងៃព្រហស្បតិ៍ ធនាគារអភិវឌ្ឍន៍អាស៊ី ហៅកាត់ថា (ADB) បានឲ្យដឹងថា ខ្លួនបានអនុម័តហិរញ្ញប្បទានដែលមានទឹកប្រាក់រហូតដល់ជិត ១,៧ពាន់លានដុល្លារសហរដ្ឋអាមេរិក ដើម្បីជួយសាងសង់ផ្លូវល្បឿនលឿនចម្ងាយ ៧,៥គីឡូម៉ែត្រដែលធន់នឹងអាកាសធាតុតាមបណ្តោយបឹងដ៏ធំបំផុតរបស់ប្រទេសហ្វីលីពីន ដើម្បីធ្វើការតភ្ជាប់នៅក្នុងតំបន់ ។ គម្រោងបណ្តាញផ្លូវ Laguna Lakeshore Road Network ហៅកាត់ (LLRN) មានគោលបំណងផ្តល់នូវតំណភ្ជាប់ផ្លូវដែលធន់បំផុតនៅក្នុងច្រករបៀងដឹកជញ្ជូនទីក្រុងម៉ានីលស្ដិតនៅភាគខាងត្បូង និងកាត់បន្ថយពេលវេលាធ្វើដំណើររយៈពេលខ្ពស់បំផុតរវាងទីក្រុង Taguig...
