បរទេស៖អំពើហិង្សានៅក្នុង ប្រទេសអ៊ីរ៉ាក់ តាមសេចក្តីរាយការណ៍ បានកើនឡើងខ្លាំង នៅរាត្រីថ្ងៃអាទិត្យ និងព្រឹកថ្ងៃចន្ទម្សិលមិញនេះ ស្របពេលតែមានការបន្តធ្វើបាតុកម្ម ប្រឆាំងរដ្ឋាភិបាល បណ្ដាលឲ្យមន្ត្រីអង្គការសហប្រជាជាតិ ស្នើឲ្យបញ្ចប់ អំពើហិង្សានោះ។
ទីភ្នាក់ងារសារព័ត៌មាន UPI បានរាយការណ៍ថា យោងទៅតាមសេចក្តីរាយការណ៍មួយ បានឲ្យដឹងថា តិចបំផុតមានបាតុករចំនួនពីររូប បានស្លាប់បាត់បង់ជីវិត នៅក្នុងដំណើរតវ៉ាប្រឆាំងរដ្ឋាភិបាលនោះ ប៉ុន្តែរដ្ឋាភិបាលនៃប្រទេសអ៊ីរ៉ាក់ មិនបានធ្វើការបញ្ជាក់ ប្រាប់អំពីការស្លាប់នោះទេ។
លោក Jeanine Hennis-Plasschaert ជាតំណាងពិសេស របស់អគ្គលេខាធិការអង្គការ សហប្រជាជាតិ នៅក្នុងប្រទេសអ៊ីរ៉ាក់ នាពេលថ្មីៗនេះ បានបង្ហាញ នូវក្តីព្រួយបារម្ភ ជុំវិញការរំលោភបំពាន សិទ្ធិមនុស្ស ក្នុងដំណើរដោះស្រាយ ជាមួយ ក្រុមបាតុកម្ម ហើយនិងបានស្នើរដ្ឋាភិបាល ឲ្យកិច្ចខិតខំប្រឹងប្រែង បន្ថែមទៀត៕ ប្រែសម្រួល៖ប៉ាង កុង
