ព័ត៌មានអន្តរជាតិ

កីឡាករបាល់បោះល្បីអាមេរិក Kobe Bryant និងកូនស្រី រួមទាំងមនុស្ស ៧នាក់ទៀត ធ្លាក់ឧទ្ធម្ភាគចក្រស្លាប់ នៅរដ្ឋ California

BBC៖ កីឡាករបាល់បោះល្បីរបស់អាមេរិក លោក Kobe Bryant និងកូនស្រីឈ្មោះ Gianna ស្ថិតក្នុងចំណោមមនុស្ស ៩ នាក់ដែលបានស្លាប់ នៅក្នុងឧប្បត្តិហេតុ ធ្លាក់ឧទ្ធម្ភាគចក្រមួយនៅទីក្រុង Calabasas រដ្ឋ California ។

យោងតាមសារព័ត៌មាន BBC ចេញផ្សាយកាលពីថ្ងៃទី២៦ ខែមករា ឆ្នាំ២០២០ បានឱ្យដឹងថា លោក Bryant អាយុ ៤១ ឆ្នាំ បានធ្វើដំណើរ តាមឧទ្ធម្ភាគចក្រឯកជនមួយ នៅពេលវាបានធ្លាក់និងផ្ទុះឆេះ។

ប៉ូលីសប្រចាំតំបន់ LA និយាយថា នៅក្នុងឧប្បតិហេតុធ្លាក់នេះ មិនមានអ្នកនៅរស់ទេ។ របាយការណ៍ដំបូង បានបង្ហាញថា មនុស្ស ៥ នាក់នៅលើយន្តហោះ។

Bryant ដែលជាម្ចាស់ជើងឯក NBA ៥ សម័យ ត្រូវបានគេចាត់ទុកថា ជាកីឡាករម្នាក់ ក្នុងចំណោមកីឡាករឆ្នើមបំផុត នៅក្នុងប្រវត្តិសាស្ត្រ។

ការសម្តែងការសោកសង្រេងពីតារាល្បីៗ និងតារាកីឡាជាច្រើន បាននិងកំពុងធ្វើឱ្យមនុស្សជាច្រើន សម្តែងការភ្ញាក់ផ្អើល ចំពោះមរណភាពភ្លាមៗរបស់គាត់។

NBA បានចេញសេចក្តីថ្លែងការណ៍មួយ ដោយនិយាយថា វា “ត្រូវបានបំផ្លិចបំផ្លាញ ដោយការស្លាប់ដ៏សោកសៅ របស់ Kobe Bryant និងកូនស្រី Gianna ដែលមានអាយុ ១៣ ឆ្នាំ៕ ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top