ដោយ ឈូក បូរ៉ា ប៉េកាំង៖ រដ្ឋាភិបាលចិន និងអង្គការសុខភាពពិភពលោក WHO បានព្រមព្រៀងធ្វេីការងាររួមគ្នា ដេីម្បីការពារពីការរីករាលដាល មរោគឆ្លងប្រភេទថ្មីវីរុសកូរូណា ខណៈចំនួនអ្នកស្លាប់កេីនឡេីងជាង ១០០នាក់ និងឆ្លងជាង ១០០០ករណី នេះបេីយោងតាមការចុះផ្សាយរបស់ទីភ្នាក់ងារសារព័ត៌មាន ក្យូដូជប៉ុន។
ពាក់ព័ន្ធនឹងមរោគឆ្លងដ៏កាចសាហាវ នេះដែរ មានប្រទេសជាច្រេីនកំពុងមមាញឹកធ្វេីការ ជម្លៀសពលរដ្ឋរបស់ខ្លួនចេញពីទីក្រុងវូហាន ដែលជាកន្លែងកណ្ដាលនៃការផ្ទុះមេរោគឆ្លងខាងលេីនេះ។ នៅក្នុងនោះដែរ មន្រ្តីរដ្ឋាភិបាលជប៉ុនម្នាក់បានឲ្យដឹងថាប្រទេសជប៉ុន មានបំណងបញ្ជូនជើងហោះហើរនៅល្ងាចថ្ងៃអង្គារនេះ សម្រាប់ប្រជាជនរបស់ខ្លួនដែលមានបំណងវិលត្រឡប់មកមាតុភូមិវិញពីទីក្រុង Wuhan ដែលជាចំណុចកណ្តាលនៃការផ្ទុះវីរុសដ៏សាហាវនេះ។ យោងតាមការចុះផ្សាយរបស់ទីភ្នាក់ងារសារព័ត៌មាន ក្យូដូជប៉ុន ដោយដកស្រង់សម្ដីមន្ត្រីរូបនោះថា “មិនមានផែនការសម្រាប់ព្រឹកនេះទេ ប៉ុន្តែយើងកំពុងធ្វើការរៀបចំថាតើវាអាចទៅនៅយប់នេះបានឬទេ” ។
រដ្ឋាភិបាលបានឲ្យដឹងកាល ពីថ្ងៃច័ន្ទថាទីក្រុងតូក្យូ សង្ឃឹមថានឹងបញ្ជូនការហោះហើរនៅថ្ងៃអង្គារនេះ ដំបូងបំផុតទៅកាន់ទីក្រុងរបស់ប្រទេសចិន ចំនួន ១១ លាននាក់ដែលស្ថិតនៅក្នុងស្ថានភាពបិទទ្វារជាក់ស្តែងចាប់តាំងពីសប្តាហ៍មុន៕
