ព័ត៌មានជាតិ
វិស័យមីក្រូហិរញ្ញវត្ថុ ចូលរួមសម្រាលបន្ទុកពលរដ្ឋរងគ្រោះ ក្នុងជម្លោះតាមព្រំដែន និងកងទ័ពជួរមុខ
ភ្នំពេញ៖ នៅថ្ងៃទី០៩ ខែតុលា ឆ្នាំ២០២៥ គ្រឹះស្ថានហិរញ្ញវត្ថុ ជាសមាជិករបស់សមាគមមីក្រូហិរញ្ញវត្ថុកម្ពុជា បានរួមគ្នាបរិច្ចាគជាថវិកា ព្រមទាំងសម្ភារៈសុខាភិបាលក្នុង «មូលនិធិគាំទ្រកងទ័ពជួរមុខនិងប្រជាជនជម្លៀសពីលំនៅដ្ឋាន» ដើម្បីចូលរួមសម្រាលបន្ទុកដល់បងប្អូនជនភៀសសឹក និងយោធិនដែលកំពុងឈរជើងនៅសមរភូមិមុខ។ នេះបើយោងតាមសេចក្ដីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជា។ តាមរយៈការចូលរួមរបស់គ្រឹះស្ថានសមាជិក បុគ្គលិកក្នុងវិស័យមីក្រូហិរញ្ញវត្ថុ និងសាធារណៈជន មូលនិធិរបស់សមាគម បានទទួលបានថវិកាបរិច្ចាគសរុបចំនួន ៦៦ ៤៤៧,៧១ដុល្លារអាមេរិច និងសម្ភារសុខាភិបាលចំនួន ៦កេស។ មូលនិធិនេះ...
