DAP News

ប្រធានថ្មី CREA ប្តេជ្ញាចូលរួមជាមួយ រាជរដ្ឋាភិបាល លើកស្ទួយ និងអភិវឌ្ឍវិស័យអចលនទ្រព្យ អោយមានការរីកចំរើន ខ្លាំងក្លាថែមទៀត

ភ្នំពេញៈ លោក ជឹង សុខម៉េង ប្រធានសមាគម អ្នកជំនាញអចលនទ្រព្យកម្ពុជា (CREA) ថ្មី បានថ្លែងកាប្តេជ្ញាចិត្តរបស់ខ្លួន ចូលរួមជារាជរដ្ឋាភិបាល ក្នុងការលើកស្ទួយ និងអភិវឌ្ឍវិស័យអចលនទ្រព្យនៅប្រទេសកម្ពុជា អោយមានការរីកចំរើនខ្លាំងក្លាថែមទៀត ។ លោក ជឹង សុខម៉េង បានការថ្លែងប្តេជ្ញាដ៏មុតមាំរបស់ខ្លួន បន្ទាប់ពីការបោះឆ្នោតជ្រើសរើស តាំងលោកជាប្រធាន CREA ដែលមានបេសកកម្ម...

កូនសត្វផ្សោត អ៊ីរ៉ាវ៉ាឌីមួយក្បាលថ្មី ត្រូវបានកត់ត្រា នៅក្នុងទីជម្រក នៃទន្លេមេគង្គ

ភ្នំពេញ ៖ អង្គការ WWF បានឲ្យដឹងថា កូនសត្វផ្សោតអ៊ីរ៉ាវ៉ាឌីមួយក្បាល ដែលទើបកើតថ្មីនោះ ត្រូវបានកត់ត្រានៅក្នុងទីជម្រកនៃទន្លេមេគង្គ ខេត្ដក្រចេះ។ យោងតាមគេហទំព័រហ្វេសប៊ុករបស់ អង្គការ WWF កាលពីថ្ងៃទី២៨ ខែធ្នូ ឆ្នាំ២០២០ បានបញ្ជាក់ថា ដោយមានការ តាមដានស្ថានភាពសត្វផ្សោតប្រចាំខែ ក្រុមអ្នកជំនាញមកពីរដ្ឋបាលជលផល នៃរាជរដ្ឋាភិបាលកម្ពុជា និងអ្នកវិទ្យាសាស្រ្តនៃអង្គការ WWF...

សាកលវិទ្យាល័យ អាស៊ី អឺរ៉ុប ប្រកាសជ្រើសរើសនិស្សិត ឱ្យចូលសិក្សាថ្នាក់បណ្ឌិត និងអនុបណ្ឌិត ចូលនៅថ្ងៃទី២៧ ខែមករា ឆ្នាំ២០២១ ខាងមុខនេះ

ភ្នំពេញ ៖ សាកលវិទ្យាល័យ អាស៊ី អឺរ៉ុប ប្រកាសជ្រើសរើសនិស្សិត ឱ្យចូលសិក្សាថ្នាក់បណ្ឌិត និងថ្នាក់បរិញ្ញាបត្រជាន់ខ្ពស់ នៅថ្ងៃទី២៧ ខែមករា ឆ្នាំ២០២១ ខាងមុខនេះ, សិក្សាជាមួយសាស្រ្តាចារ្យបណ្ឌិតជាតិនិងអន្តរជាតិល្បីៗ ដែលមានបទពិសោធន៍ និងចំណេះដឹងខ្ពស់។ ទទួលពាក្យចូលសិក្សា ចាប់ពីថ្ងៃជូនដំណឹងនេះ រហូតដល់ថ្ងៃទី២៣ ខែមករា ឆ្នាំ២០២១។ សម្រាប់អ្នកចុះឈ្មោះមុន១០០នាក់ នឹងបញ្ចុះតម្លៃ...

ម្ដាយនាំកូនប្រុស ស្រី មកលេងផ្ទះអុំ ចៃដន្យលង់ទឹកស្លាប់ ទាំង២នាក់ នៅក្រុងស្វាយរៀង

ស្វាយរៀង ៖ ក្មេងប្រុសស្រី២នាក់ បានលង់ទឹកស្លាប់ យ៉ាងអាណោចអាធម្ម ធ្វើឲ្យឪពុកម្តាយស្រែកទ្រហោយំលាន់លឺទ្រហ៊ឹង ពេញភូមិ បន្ទាប់ពីមកលេងផ្ទះអុំ ហើយបានរត់លេង នៅខាងក្រោយ វិទ្យាល័យចេក បណ្ដាលឲ្យលង់ទឹកស្រះ បង្កការភ្ញាក់ផ្អើលតែម្តង។ ហេតុការណ៍គួរឲ្យរន្ធត់នេះ បានកើតឡើងកាលពីវេលាម៉ោង១១និង៣០នាទីថ្ងៃទី២៧ ខែធ្នូ ឆ្នាំ២០២០ ស្ថិតក្នុងភូមិធ្មល់ សង្កាត់ចេក ក្រុងស្វាយរៀង។ សមត្ថកិច្ចនគរបាលក្រុងស្វាយរៀង បានឲ្យដឹងថា...

លោក ពូទីន សម្រេចចិត្ត ចាក់ថ្នាំវ៉ាក់សាំងកូរ៉ូណា

បរទេស៖មន្ត្រីនាំពាក្យ របស់វិមានក្រឹមឡាំង លោក Dmitry Peskov នៅថ្ងៃអាទិត្យម្សិលមិញនេះ បាននិយាយប្រាប់ប៉ុស្តិ៍ ទូរទស្សន៍រដ្ឋរុស្ស៊ីថា ប្រធានាធិបតីរុស្ស៊ី លោក វ្លាឌីមៀរ ពូទីន នឹងចាក់ថ្នាំវ៉ាក់សាំង Sputnik V ប្រឆាំងនឹងមេរោគកូរ៉ូណា ។ ប៉ុស្តិ៍ទូរទស្សន៍ Rossiya 1 TV ដែលដកស្រង់សម្តី...

វ៉េណេស៊ុយអេឡា៖ ការបិទផ្លូវសេដ្ឋកិច្ចរបស់អាមេរិក រារាំងវាពីការផ្តល់មូលនិធិ COVAX

ការ៉ាកាស៖ រដ្ឋមន្រ្តីក្រសួងសុខាភិបាល វ៉េណេស៊ុយអេឡាលោក ខាឡូស អាល់វ៉ារ៉ាដូ បានលើកឡើងថា ការបិទផ្លូវសេដ្ឋកិច្ចដែលបានធ្វើឡើង ដោយក្រុងវ៉ាស៊ីនតោន កំពុងរារាំងវេណេស៊ុយអេឡា ពីការផ្តល់មូលនិធិដល់គំនិតផ្តួចផ្តើម COVAX ដឹកនាំដោយអង្គការសុខភាពពិភពលោក។ មន្ត្រីរូបនេះបានឲ្យដឹងថា ប្រទេសវេណេស៊ុយអេឡា បានផ្តល់ប្រាក់ចំនួន ១៨ លានដុល្លារសហរដ្ឋអាមេរិក ទៅក្នុងមូលនិធិ COVAX ប៉ុន្តែជាលទ្ធផលនៃការរាំងស្ទះប្រទេសនេះ មិនអាចមានលទ្ធភាពផ្ដល់ ធនធានទាំងនោះបាន...

ប្រទេសជាច្រើននៅជុំវិញពិភពលោក បន្ដវិធានការរឹតបន្ដឹង និងបង្កើនល្បឿននៃការចាក់វ៉ាក់សាំង ខណៈករណីជំងឺកូវីដ-១៩ ទម្រង់ថ្មីកំពុងកើនឡើង

ប៉េកាំង៖ បណ្តាប្រទេសនៅជុំវិញពិភពលោក បានរឹតបន្តឹងវិធានការរឹតត្បិតរបស់ពួកគេ និងបង្កើនល្បឿននៃការចាក់វ៉ាក់សាំង បន្ទាប់ពីការឆ្លងវីរុសនេះត្រូវបាន គេរាយការណ៍ថ្មីៗនេះ នៅតាមតំបន់ផ្សេងៗនៃពិភពលោក។ ជំងឺកូវីដ-១៩ បានបន្ដករណីឆ្លងទម្រង់ថ្មី ខណៈពេលដែលការបំបែកឯកត្តកម្ម ពិភពលោកនៃករណីឆ្លងថ្មី បានកើនឡើងដល់ជាង ៨០លាននាក់កាលពីថ្ងៃសៅរ៍ ជាមួយនឹងការស្លាប់មានរហូតដល់ជាង ១,៧ លាននាក់។ នៅថ្ងៃទី ២០ ខែធ្នូ រដ្ឋមន្រ្តីក្រសួងសុខាភិបាល អង់គ្លេសលោក Matt...

ផ្ទុះភ្នំភ្លើងនៅកោះភាគនិរតី ប្រទេសជប៉ុន ភ្នាក់ងារឧតុនិយម ប្រកាសកម្រិតប្រកាសអាសន្ន

តូក្យូ៖ ទីភ្នាក់ងារអាកាសធាតុបាននិយាយថា ភ្នំភ្លើងនៅលើកោះមួយនៅភាគនិរតី នៃប្រទេសជប៉ុន បានផ្ទុះឡើងនៅព្រឹកថ្ងៃច័ន្ទនេះ ដោយព្រមានពីសក្តានុពល នៃការបាក់ធ្លាក់ផ្ទាំងថ្មធំៗ ចូលទៅក្នុងអាកាស ក្នុងចម្ងាយប្រហែល ២គីឡូម៉ែត្រ នៃរណ្តៅភ្នំភ្លើង។ ការផ្ទុះនេះបានកើតឡើង នៅចំណុចក្រហូងភ្នំ Otake នៅកោះ Suwanose នៃខេត្ដ Kagoshima នៅម៉ោង ២ និង ៤៨នាទីព្រឹក...

សម្ដេច ស ខេង ស្នើរដ្ឋបាលរាជធានី-ខេត្ត ចាត់វិធានការឲ្យបានម៉ឺងម៉ាត់ចំពោះ មន្ដ្រីឃុំ-សង្កាត់ ដែលអនុវត្ត មិនប្រក្រតីក្នុងកម្មវិធីឧបត្ថម្ភសាច់ប្រាក់ ជុំទី៤

ភ្នំពេញ ៖ ដើម្បីឲ្យដំណើរការអនុវត្តកម្មវិធី «ឧបត្ថម្ភសាច់ប្រាក់ជូនគ្រួសារក្រីក្រជុំទី៤» ប្រព្រឹត្តទៅដោយ ប្រសិទ្ធភាព តម្លាភាព និងសមធម៌ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានស្នើឲ្យ រដ្ឋបាលរាជធានី-ខេត្ត ត្រូវចាត់វិធានការឲ្យបានម៉ឺងម៉ាត់ចំពោះមន្ត្រីឃុំ-សង្កាត់ ដែលអនុវត្តមិនប្រក្រតីណាមួយ ក្នុងកម្មវិធី ឧបត្ថម្ភសាច់ប្រាក់នេះ។ យោងតាមលិខិតរបស់ ក្រសួងមហាផ្ទៃ នៅថ្ងៃទី២៨ ខែធ្នូ ឆ្នាំ២០២០ សម្ដេចក្រឡាហោម ស ខេង បានឲ្យដឹងថា ការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ ដែលកំពុងកាន់ប័ណ្ណសមធម៌ ក្នុងអំឡុងពេលនៃការរីករាលដាល នៃជំងឺកូវីដ-១៩ របស់រាជរដ្ឋាភិបាលកម្ពុជា គិតចាប់ពីថ្ងៃទី២៥ ខែមិថុនា ឆ្នាំ២០២០ មកដល់ខែធ្នូ ឆ្នាំ២០២០នេះ ដែលមានគ្រួសារក្រីក្រប្រមាណជាង៧០ម៉ឺនគ្រួសារ គិតជាចំនួនប្រជាជនប្រមាណជាង ២,៨លាននាក់ កំពុងបើកប្រា ក់ឧបត្ថម្ភរបស់រាជរដ្ឋាភិបាល។ សម្ដេចក្រឡាហោម បន្ដថា លទ្ធផលជោគជ័យនៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ របស់រាជរដ្ឋាភិ បាលកម្ពុជាក្នុងអំឡុងពេលនៃការរីករាលដាលនៃជំងឺកូវីដ-១៩ ទទួលបាននូវការគាំទ្រ និងកោតសរសើរយ៉ាងធំធេងពី ប្រជាពលរដ្ឋ និងការសាទរពីគ្រប់មជ្ឈដ្ឋាន ជាពិសេសដៃគូអភិវឌ្ឍន៍នានា។ ទន្ទឹមនេះ រាជរដ្ឋាភិបាលកម្ពុជា បានប្រកាសបន្តបើកផ្តល់ការឧបត្ថម្ភសាច់ប្រាក់ជុំទី៤ ចំនួន៣ខែ បន្ថែមទៀត គឺសម្រាប់ខែមករា កុម្ភៈនិងខែមីនា ឆ្នាំ២០២១ ដើម្បីជួយសម្រួលដល់ជីវភាពប្រជាជនកម្ពុជា។ ក្នុងន័យនេះ ដើម្បីឲ្យដំណើរការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រជុំទី៤នេះ ប្រព្រឹត្តទៅប្រកប ដោយប្រសិទ្ធភាព តម្លាភាព និងសមធម៌ សម្ដេចក្រឡាហោម ស ខេង បានស្នើដល់អភិបាលរាជធានី -ខេត្ត ត្រូវយកចិត្តទុកដាក់អនុវត្តនូវ កិច្ចការមួយចំនួនដូចខាងក្រោម៖ ទី១-ត្រូវធ្វើការណែនាំឲ្យបានម៉ឺងម៉ាត់ដល់អាជ្ញាធរមូលដ្ឋាន ជាពិសេស មេភូមិ និងក្រុមប្រឹក្សាឃុំ សង្កាត់ ត្រូវពង្រឹងការបំពេញការងារកំណត់អត្តសញ្ញាណកម្មគ្រួសារក្រីក្រតាមការស្នើសុំក្នុងអំឡុងពេលនៃ ការរីករាលដាលនៃជំងឺកូវីដ-១៩នេះ ឲ្យបានត្រឹមត្រូវ ច្បាស់លាស់ និងខ្ជាប់ខ្លួនបំផុត ហើយត្រូវចៀសវាងឲ្យ ខាងតែបាននូវការយោគយល់ និងយុបឃិតគ្នាដើម្បីដាក់បញ្ចូលក្រុមគ្រួសារ សាច់ញាតិ មិត្តភ័ក្ដិ ឬអ្នកស្គាល់គ្នា ដែលមិនមែនជាគ្រួសារក្រីក្រ និងងាយរងគ្រោះពិតប្រាកដ ដើម្បីទទួលបានប្រាក់ឧបត្ថម្ភនេះ មុនដំណាច់ឆ្នាំ ២០២០ ។ និងទី២-រដ្ឋបាលរាជធានី -ខេត្ត ក្រុង ស្រុក ខណ្ឌ ត្រូវតាមដាន ត្រួតពិនិត្យ និងជំរុញដល់រដ្ឋបាលឃុំ សង្កាត់ ក្នុងការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលនៃការរីករាលដាល នៃជំងឺកូវីដ-១៩ ប្រកបដោយតម្លាភាពគណនេយ្យភាព និងប្រសិទ្ធភាព។ ទន្ទឹមនេះ រដ្ឋបាលរាជធានី- ខេត្ត ត្រូវចាត់វិធានការឲ្យបានម៉ឺងម៉ាត់ចំពោះមន្ត្រីឃុំ សង្កាត់ណាដែលបានអនុវត្តមិនប្រក្រតីណាមួយ ក្នុងកម្មវិធី ឧបត្ថម្ភសាច់ប្រាក់នេះ៕ ដោយ ៖ អេង ប៊ូឆេង

លោក កឹម សុខា ថ្វាយព្រះពរ ព្រះមហាក្សត្រ ​ក្នុងឱកាសចូលឆ្នាំថ្មី​ ឆ្នាំសកល​ ២០២១

ភ្នំពេញ ៖ នៅក្នុងឱកាស​ចូលឆ្នាំថ្មី​ ឆ្នាំសកល​ ២០២១​ នេះលោកកឹម សុខា​ និងភរិយា​ រាជានុញ្ញាត សម្ដែងនូវអំណរសាទរ​ ចូលរួមថ្វាយនូវ ព្រះសព្ទសាធុការពរជ័យ​ បវរសួស្ដី​ សិរីវឌ្ឍនាមហាប្រសេីរ​ ព្រះករុណាព្រះបាទ សម្ដេចព្រះបរមនាថ​ នរោត្ដម​ សីហមុនីព្រះមហាក្សត្រ​កម្ពុជា សូមព្រះអង្គទ្រង់ប្រកបដោយ ព្រះបញ្ញាញាណ​ ព្រះរាជសុខភាពល្អបរិបូណ៍​ ព្រះកាយពលរឹងមាំខ្លាំងក្លា​ ព្រះជន្មាយុយឺនយូរ ជាងរយព្រះវស្សា​ ចាកផុតព្រះរោគាព្យាធិនានា​ និងទ្រង់គង់ប្រថាប់នៅជាម្លប់ ដ៏ត្រជាក់ត្រជុំ ដល់ប្រជានុរាស្ត្រ៕

លោក ប្រាយុទ្ធ ច័ន្ទអូឆា ៖ ថៃ-កម្ពុជា បានធ្វើការ រួមគ្នា កាត់បន្ថយ ផលប៉ះពាល់ ពីជំងឺកូវីដ១៩

ភ្នំពេញ ៖ លោក ប្រាយុទ្ធ ច័ន្ទអូឆា នាយករដ្ឋមន្រ្តីថៃ បានឲ្យដឹងថា នាពេលថ្មីៗនេះ ថៃ-កម្ពុជា ធ្វើការរួមគ្នាកាត់បន្ថយ ផលប៉ះពាល់នៃការរីករាលដាល ជំងឺកូវីដ-១៩ ទៅលើផ្នែក សេដ្ឋកិច្ច-សង្គមរបស់ ដោយបើកផ្លូវ សម្រាប់កិច្ចសហប្រតិ បត្តិការ កាន់តែជិតស្និទ្ធដើម្បីដោះស្រាយ បញ្ហាប្រឈមទាំងក្នុងតំបន់ និងអន្តរជាតិ។ តាមរយៈសារលិខិតផ្ញើជូន សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងឱកាសខួប អនុស្សាវរីយ៍លើកទី៧០ នៃការបង្កើតទំនាក់ទំនងការទូតរវាង ថៃ-កម្ពុជា ដែលចេញផ្សាយ នាពេលថ្មីៗនេះ លោក ប្រាយុទ្ធ ច័ន្ទអូឆា បានថ្លែងថាទំនាក់ទំនងរវាង ថៃ-កម្ពុជា កាន់តែមានភាពរឹងមាំជាងពេល ណាទាំងអស់ ជាមួយនឹងកិច្ចសហប្រតិបត្តិការដ៏ធំទូលាយ និងផលប្រយោជន៍រួមលើគ្រប់វិស័យ។ លោកបញ្ជាក់ យ៉ាងដូច្នេះថា «ថ្មីៗនេះយើង (ថៃ-កម្ពុជា) ក៏បានធ្វើការរួមគ្នា ក្នុងការកាត់បន្ថយ ផលប៉ះពាល់នៃការរីករា លដាលនៃជំងឺកូវីដ-១៩ ទៅលើសេដ្ឋកិច្ច និងសង្គមរបស់យើងផងដែរ ដែលបើកផ្លូវសម្រាប់ កិច្ចសហប្រតិបត្តិការឲ្យ កាន់តែជិតស្និទ្ធថែមទៀតដើម្បីដោះស្រាយបញ្ហាប្រឈមក្នុងតំបន់ និងអន្តរជាតិ នាពេលអនាគត»។ លោកបន្ដថា ជាប្រទេសជិតខាង ជាមិត្តតំបន់ព្រំដែន របស់ ថៃ-កម្ពុជា កំពុងទទួលបាននូវស្ថិរភាព និងសន្តិភាព យូរអង្វែ ងដោយមានពាណិជ្ជកម្ម ឆ្លងដែនរីកចម្រើន ឥតឈប់ឈរ ដែលនាំមកនូវ ការងារបន្ថែម និង បានលើកកម្ពស់ជីវភាពរស់ នៅរបស់ប្រជាជន ថៃ-កម្ពុជា ងឲ្យកាន់តែប្រសើរឡើង។ លោកបន្ថែមថា «ពាណិជ្ជកម្មទ្វេភាគី របស់យើងបានកើនឡើងយ៉ាងលឿន គួរឲ្យកត់សម្គាល់ ពីប្រមាណ៣០០ លានដុល្លារអាមេរិកកាលពី២០ឆ្នាំមុន  មកជាង៩ប៊ីលានដុល្លារអាមេរិក នៅឆ្នាំ២០១៩។ ការវិនិយោគ របស់ថៃនៅ កម្ពុជា បានកើនឡើង ដោយបានរួមចំណែកជាវិជ្ជមានដល់សេដ្ឋកិច្ចកម្ពុជា ស្របពេលដែលសេដ្ឋកិច្ច ថែទទួលបាននូវ អត្ថប្រយោជន៍ យ៉ាងច្រើនពីកម្លាំង ពលកម្មនិងកិច្ចសហប្រតិបត្តិការ សេដ្ឋកិច្ចរបស់ ប្រទេសកម្ពុជា ផងដែរ»។ ជាងនេះទៅទៀត លោកនាយករដ្ឋមន្ដ្រីថៃ ក៏បានបញ្ជាក់ថា ថៃ-កម្ពុជា ក៏បានទទួលនូវវឌ្ឍនភាព ដ៏ល្អប្រសើរក្នុងការត ភ្ជាប់រវាងប្រទេសទាំង ដែលស្តែងចេញ តាមរយៈ ស្ពានមិត្តភាពថៃ-កម្ពុជា (បានណងអៀន-ស្ទឹងបត់) ដែលតភ្ជាប់ខេត្ត ស្រះកែវ និងខេត្តបន្ទាយមានជ័យ និងការស្តារឡើងវិញនូវសេវាកម្ម ផ្លូវដែក ដែលនឹងតភ្ជាប់ សហគមន៍នៃប្រទេសថៃ និងកម្ពុជា ក្នុងពេលឆាប់ៗព្រមទាំងនិងរួមចំណែក ដល់លំហូរពាណិជ្ជកម្ម ប្រកបដោយប្រសិទ្ធភាពបន្ថែមទៀត ចំពោះវិស័យអប់រំ លោកនាយករដ្ឋមន្ដ្រីថៃលើកឡើងថា នៅក្នុងវិស័យអប់រំ វិទ្យាស្ថាន បច្ចេកវិទ្យាកំពង់ឈើទាល និងវិទ្យាស្ថានបច្ចេកវិទ្យា កំពង់ស្ពឺ គឺជាគំរូនៃភាពជោគជ័យសម្រាប់ស្ថាប័នវិជ្ជាជីវៈ ដទៃទៀត ហើយបានផ្តល់ឱកាស ជាច្រើនដល់យុវជន កម្ពុជា ដើម្បីទទួលបានភាពជោគជ័យ។  ជាងនេះទៅទៀត លោក ប្រាយុទ្ធ ច័ន្ទអូឆា នាយករដ្ឋមន្រ្តីថៃ បានលើកឡើងថា ក្នុងឱកាសប្រារព្ធខួបអនុស្សាវរីយ៍ លើកទី៥០ នៃការបង្កើតទំនាក់ទំនង ការទូតរបស់ថៃ-កម្ពុជា និងរយាងទៅលើ វឌ្ឍនភាពដ៏ប្រសើរ ដែលយើងបានបង្កើតឡើងក្នុងនាម ជាអ្នកជិតខាងល្អ និងជា ដៃគូ ក្នុងតំបន់ ក្នុងនាមរាជរដ្ឋាភិបាល និងប្រជាជនថៃ លោកជូនពរយ៉ាងកក់ក្តៅជាទីបំផុត ជូនចំពោះ សម្តេចតេជោ និងប្រជាជនកម្ពុជា ក្នុងឱកាសដ៏វិសេសវិសាលនេះ។ លោកមានជំនឿ យ៉ាងមុតមាំថា មិត្តភាពរវាងថៃ និង កម្ពុជា មានភាពរឹងមាំ និង ឋិតថេរ ហើយប្រជាជនថៃ និង កម្ពុជា ជាពិសេសយុវជនជំនាន់ក្រោយ នឹងបន្តធ្វើការជាមួយ គ្នាឆ្ពោះទៅរកអនាគត ដ៏ត្រចះត្រចង់មួយ ដើម្បីសន្តិភាព វិបុលភាព និងការអភិវឌ្ឍរួមគ្នា៕ ដោយ ៖ អេង ប៊ូឆេង

ក្រុមហ៊ុន​ សច្ចៈប្រផឹធី ​ជម្រុញការ ទិញ-លក់ អចលនទ្រព្យ ឲ្យកាន់តែមាន ប្រសិទ្ធិភាពខ្ពស់ ដល់អតិថិជន ទាំងសងខាង

ភ្នំពេញ៖ តាមរយៈបទពិសោធន៍ និងយកចិត្តទុកដាក់ ភាពស្មោះត្រង់ តម្លាភាព សុច្ចរិតភាព​ប្រកបដោយវិជ្ជាជីវៈ ក្រុមហ៊ុនសច្ចៈប្រផឹធី មានយុទ្ធសាស្រ្តទីផ្សារ​​ ខុសប្លែកពីក្រុមហ៊ុនដ៏ទៃ ដែលជម្រុញដល់ការទិញ លក់ អចលនទ្រព្យអោយកាន់តែ មានប្រសិទ្ធិភាពខ្ពស់ និងធ្វើអោយមាន ការទទួលស្គាល់ ពីសំណាក់អតិថិជន យ៉ាងច្រើនត្រឹមរយៈពេលដ៏ខ្លី ។ ទោះបីជាក្រុមហ៊ុន​ សច្ចៈប្រផឹធី ទើបតែបើកដំណើរការ នៅក្នុងឆ្នាំ២០១៩...

នាយករដ្ឋមន្រ្តីថៃ ផ្ញើលិខិតជូន សម្តេចតេជោ ហ៊ុន សែនក្នុងឱកាសខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតកម្ពុជា-ថៃ

ម៉ារ៉ុក បញ្ជាទិញវ៉ាក់សាំងកូវីដ ៦៥លានដូស ពីចិន និងអង់គ្លេស

បរទេស៖ កាលពីថ្ងៃសៅរ៍ម្សិលមិញនេះ រដ្ឋាភិបាលនៃប្រទេសម៉ារ៉ុក បានប្រកាសបញ្ជាក់ថា ខ្លួនបានធ្វើការបញ្ជាទិញវ៉ាក់សាំង ប្រមាណជា ៦៥លានដូស រួចទៅហើយពីក្រុមហ៊ុនចិន Sinopharm និងក្រុមហ៊ុនអង់គ្លេស AstraZeneca ខណៈដែលព្រះរាជាណាចក្រ អាហ្វ្រិកខាងជើងមួយនេះគឺ ត្រៀមនឹងធ្វើយ៉ាងណាអាច ចាក់វ៉ាក់សាំងទៅលើពលរដ្ឋរបស់ខ្លួនឲ្យបាន ៨០ភាគរយក្នុងពេលខាងមុខ។ លោករដ្ឋមន្ត្រីក្រសួងសុខាភិបាល Khalid Ait Taleb បានបញ្ជាក់អំពីតួលេខនេះនៅក្នុងកិច្ចប្រជុំ គណៈរដ្ឋមន្ត្រីកាលពីថ្ងៃសុក្រ...

ពាណិជ្ជកម្មរវាងអាស៊ាន​ និងសៀងហៃ នៅតែខ្លាំងក្លាដដែលទោះបីកូវីដ

បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃអាទិត្យនេះ បានឲ្យដឹងថា ទោះបីជាស្ថានភាពកូវីដ១៩ នៅបន្តការវាយប្រហារខ្លាំងយ៉ាងណាក្តី ប៉ុន្តែគេជឿជាក់ថាទំនាក់ទំនងពាណិជ្ជកម្មរាងអាស៊ាន និងទីក្រុងសៀងហៃនៅតែមាន ដំណើរការល្អខ្លាំងជាធម្មតា។ តួលេខដែលត្រូវបានបង្ហាញ ដោយគយរបស់សៀងហៃ បានបញ្ជាក់ថា ការនាំចូលទំនិញរបស់សៀងហៃមានទៅដល់ ៥១,៩ពាន់លានដុល្លារ ពីសមាគមន៍ប្រជាជាតិអាស៊ីអាគ្នេយ៍សម្រាប់ពេល ១១ខែ ឆ្នាំ២០២០ពោលគឺកើនឡើងប្រមាណជា ៦,១ភាគរយពីឆ្នាំទៅ ។ ដោយឡែកតួលេខ ក៏បានបង្ហាញដែរថា ទំហំនាំចូលអាស៊ានពីភាគីសៀងហៃវិញ...

កូវីដពូជក្លាយថ្មី របស់ អង់គ្លេស រីករាលដាល ទៅដល់បណ្តាប្រទេសផ្សេងទៀត លើលោក

បរទេស៖ទូរទស្សន៍ BBC  ចេញផ្សាយ នៅថ្ងៃអាទិត្យនេះបានឲ្យដឹងថា ករណីនៃវិរុសកូវីដ ពូជក្លាយ ដែលដំបូងឡើយត្រូវបាន រកឃើញដំបូង នៅក្នុងប្រទេសអង់គ្លេស ពេលនេះកំពុងបានរីករាលដាល ទៅដល់ប្រទេសជាច្រើនទៀត ក្នុងតំបន់អ៊ឺរ៉ុបហើយ បូករួមទាំង កាណាដា និងជប៉ុន ផងដែរ។ ប្រភពដដែល បានសរសេរទៀត ថាការឆ្លងនៅក្នុង ប្រទេសអេស្បាញ ស៊្វីសន ស៊ុយអែត និងបារាំង ក៏ត្រូវបានគេដឹងទៀតថាជាមនុស្ស ដែលបានធ្វើដំណើរ មកពីអង់គ្លេសផង ប៉ុន្តែករណី ដ៏ចម្លែកមួយនៅក្នុង ប្រទេសកាណាដាទៅលើ បុរសប្តីប្រពន្ធ២នាក់គឺនៅមិនទាន់ អាចរកប្រភពឃើញ នៅឡើយ។ ជាការឆ្លើយតបចំពោះ ករណីកូវីដពូជថ្មីនេះ ផងដែរប្រទេសជប៉ុនឯណោះវិញក៏បាន ប្រកាសដាក់បម្រាម មិនឲ្យមានជនបរទេសស្ទើរតែ គ្រប់ប្រទេស ធ្វើដំណើរចូលប្រទេស របស់ខ្លួន ចាប់ពីថ្ងៃចន្ទនេះតទៅហើយ៕ ប្រែសម្រួល៖ស៊ុនលី

សម្ដេចតេជោ ហ៊ុន សែន នឹងអញ្ជើញថ្លែងសារពិសេស ពាក់ព័ន្ធនឹងការបិទបញ្ចប់ ព្រឹត្តិការណ៍សហគមន៍ ២៨វិច្ឆិកា នាព្រឹកស្អែក

ភ្នំពេញ៖ នៅវេលាម៉ោង ៩:០០នាទីព្រឹកថ្ងៃទី២៩ ខែ ធ្នូ ឆ្នាំ ២០២០ស្អែកនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញថ្លែងសារពិសេស ពាក់ព័ន្ធនឹងការបិទបញ្ចប់ ព្រឹត្តិការណ៍សហគមន៍ ២៨វិច្ឆិកា និងចំណុចសំខាន់ៗផ្សេងទៀត ពីក្រុងតាខ្មៅខេត្តកណ្តាល ។ នេះបើយោងតាមទូរទស្សន៍ជាតិកម្ពុជា។ សូមជម្រាបថា គិតត្រឹមព្រឹកថ្ងៃទី២៨...

ស្លូវ៉ាគី ចាប់ផ្តើមចាក់ថ្នាំ វ៉ាក់សាំងការពារ ជម្ងឺកូវីដ១៩

 បរទេស៖ ប្រទេសស្លូវ៉ាគី បានចាប់ផ្តើមចាក់ថ្នាំ បង្កាជម្ងឺកូវីដ១៩ឲ្យប្រជាជនខ្លួន នៅថ្ងៃសៅរ៍សប្ដាហ៍នេះ ស្របពេលដែលប្រទេសនេះ បានចូលរួមក្នុងដំណើរ ជំរុញរួមគ្នារបស់សហភាពអឺរ៉ុប ប្រឆាំងនឹងការរាតត្បាត ឆ្លងជម្ងឺពិភពលោក។  លោក Vladimir Krcmery ជាសមាជិកមួយរូប នៃគណៈកម្មាធិការជម្ងឺឆ្លង របស់រដ្ឋាភិបាល តាមសេចក្តីរាយការណ៍ គឺជាបុគ្គលដំបូងគេបង្អស់ ក្នុងប្រទេស ដែលបានទទួលចាក់ថ្នាំវ៉ាក់សាំងផលិត ដោយក្រុមហ៊ុន Pfizer និងក្រុមហ៊ុន BionTech។ យោងតាមការចេញផ្សាយ របស់ទីភ្នាក់ងារសារព័ត៌មាន Us News នៅថ្ងៃទី២៧ ខែធ្នូ ឆ្នាំ២០២០ ប្រទេសហុងគ្រី ក៏បានចាប់ផ្តើមចាប់ថ្នាំវ៉ាក់សាំងឲ្យប្រជាជនខ្លួនដែរ នៅថ្ងៃសៅរ៍សប្ដាហ៍នេះ មានរយៈពេលមួយថ្ងៃ មុនការចេញថ្នាំវ៉ាក់សាំង នៅក្នុងប្រទេស ដទៃមួយចំនួនទៀត ដែលរួមមានទាំងប្រទេសបារាំង អាល្លឺម៉ង់និង អេស្ប៉ាញ៕ 

ក្រសួងសុខាភិបាល ​ព្យាបាលអ្នកជំងឺកូវីដ១៩ ជាសះស្បើយ៤នាក់ និងគ្មានអ្នកឆ្លងថ្មី

ភ្នំពេញ៖ក្រសួងសុខាភិបាល បានបញ្ជាក់ថា បានព្យាបាលអ្នកឆ្លងជំងឺកូវីដ១៩ជាសះស្បើយ ចំនួន៤នាក់ និងរកមិនឃើញអ្នកឆ្លង ជំងឺកូវីដ១៩នោះទេ។ យោងតាមសេចក្តី ប្រកាសព័ត៌មាន របស់ក្រសួងសុខាភិបាល នៅថ្ងៃទី២៨ខែធ្នូ ឆ្នាំ២០២០​បានឲ្យ​ដឹង​ថា បានព្យាបាលអ្នកឆ្លងជំងឺ កូវីដ១៩ជាសះស្បើយ ចំនួន៤នាក់ ក្នុងនោះ១នាក់ បានជាប់ពាក់ព័ន្ធ នឹងព្រឹត្តិការណ៍សហគមន៍និង៣នាក់ជាអ្នកដំណើរ មកពីក្រៅប្រទេស។ ក្រសួងបានឲ្យដឹងថា អ្នកដែលជាសះស្បើយ ពាក់ព័ន្ធនឹព្រឹត្តិការណ៍សហគមន៍ ជាបុរសជនជាតិខ្មែរ អាយុ៣៥ឆ្នាំ មានអាសយដ្ឋានស្នាក់នៅ សង្កាត់បឹងកេងកង រាជធានីភ្នំពេញបានទៅហាង Zendoសាខាបឹងកេងកង កាលពីថ្ងៃទី២៧ធ្នូឆ្នា២០២០ត្រូវបានព្យាបាលជាសះស្បើយដោយ ទទួលបាន លទ្ធផលតេស្ត អវិជ្ជមានវីរុសកូវីដ-១៩ ចំនួន ០២លើក ត្រូវបានអនុញ្ញាតឲ្យចេញពី មន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។ ចំណែក ករណីជាសះស្បើយចំនួន០៣នាក់ ជាអ្នកដំណើរចូលមកកម្ពុជាដែលមិនមានពាក់ព័ន្ធទៅនឹងព្រឹត្តិការណ៍សហគមន៍២៨វិច្ឆិកាមាន៖ ១.បុរសជនជាតិ ហ្សកដានី អាយុ ៤៧ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ ជាអ្នក ដំណើរមកពីប្រទេសហ្សកដានី បន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី១០ ខែធ្នូ ឆ្នាំ២០២០ ត្រូវ បានព្យាបាល ជាសះស្បើយដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន ២លើក ត្រូវបានអនុញ្ញាតឲ្យ ចេញពីមជ្ឈមណ្ឌលជាតិកំចាត់រោគរបេងនិងហង់សិន រាជធានីភ្នំពេញ។ ២.ស្ត្រីជនជាតិជប៉ុនអាយុ ២៩ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ ជាអ្នកដំណើរមកពី ប្រទេសជប៉ុនបន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី១៣ ខែធ្នូ ឆ្នាំ២០២០ ត្រូវបានព្យាបាលជា សះស្បើយ ដោយទទួលបានលទ្ធផលតេស្ត អវិជ្ជមានវីរុសក្ខវីដ-១៩ ចំនួន ២លើក ត្រូវបានអនុញ្ញាតឲ្យចេញពីមន្ទីរពេទ្យ មិត្តភាពខ្មែរ -សូវៀត រាជធានីភ្នំពេញ។ ៣.ស្ត្រីជនជាតិខ្មែរ-អាមេរិកកាំង អាយុ ៥៥ឆ្នាំ មានអាសយដ្ឋានស្នាក់នៅសណ្ឋាគារមួយ ក្នុងរាជធានីភ្នំពេញ បានធ្វើ ដំណើរមកពីសហរដ្ឋអាមេរិក បន្តជើងហោះហើរ នៅប្រទេសចិន (តៃវ៉ាន់ ) មកដល់កម្ពុជានៅថ្ងៃទី២០ ខែធ្នូ ឆ្នាំ២០២០ ត្រូវបាន ព្យាបាលជាសះស្បើយ ដោយទទួលបានលទ្ធផលតេស្ត អវិជ្ជមានវីរុសកូវីដ-១៩ ចំនួន ២លើក ត្រូវបានអនុញ្ញាតឲ្យចេញពី មជ្ឈមណ្ឌលជាតិកំចាត់រោគរបេង និងហង់សិន រាជធានីភ្នំពេញ។ ជាមួយគ្នានោះដែរ លទ្ធផលធ្វើតេស្តអ្នកប៉ះពាល់ក្នុង ព្រឹត្តិការណ៍សហគមន៍ ២៨វិច្ឆិកា នៅថ្ងៃទី ២៧ ខែធ្នូ ឆ្នាំ២០២០ វិទ្យាស្ថានប៉ាស្ទ័រកម្ពុជាបានធ្វើវិភាគវត្ថុសំណាកដែលទទួលបានចំនួន ៨សំណាក គឺមាន លទ្ធផល អវិជ្ជមានវីរុសកវីដ-១៩ ទាំងអស់។ សរុបអ្នកជំងឺកូវីដ-១៩ ដែលបានរកឃើញពាក់ព័ន្ធ ព្រឹត្តិការណ៍សហគមន៍ ២៨វិច្ឆិកា” ពីថ្ងៃទី២៨ ខែវិច្ឆិកា ឆ្នាំ២០២០មកដល់ថ្ងៃទី២៧ ខែធ្នូ ឆ្នាំ២០២០មានចំនួន ៤១នាក់ (ស្រី ១៩នាក់ និងប្រុស ២២នាក់) ដែលនៅក្នុងចំនួននេះ មានអ្នកជាសះស្បើយ សរុបចំនួន ៣៨នាក់ (ស្រី ១៨នាក់ និងប្រស ២០នាក់)។ សូមជម្រាបថាអ្នក ឆ្លងជំងឺកូវីដ១៩សរុប ទូទាំងប្រទេសមានចំនួន៣៦៤នាក់ បានព្យាបាលជាសះស្បើយ ចំនួន៣៦០នាក់និងកំពុងសម្រាកព្យាបាល នៅមន្ទីពេទ្យចំនួន៤នាក់៕

លោក ហ៊ុន ម៉ាណែត ថ្លែងអំណរគុណ សមាជិក និងសប្បុរសជន ក្នុងឱកាសខួប៨ឆ្នាំ TYDA

ភ្នំពេញ៖ ក្នុងឱកាសខួបទី ៨ ឆ្នាំរបស់សមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ខ្ញុំសូមសម្ដែងនូវការអរគុណ ចំពោះការចូលរួមយ៉ាងសកម្ម របស់សមាជិកសមាជិកា ទាំងអស់នៃសមាគម ដែលបានធ្វើឲ្យសមាគម អាចសម្រេចភារកិច្ច ដ៏ត្រចះត្រចង់ជាច្រើន នៅក្នុងបុព្វហេតុ មនុស្សធម៌ ព្រោះថាជោគជ័យរបស់សមាគម ក្នុង៨ឆ្នាំនេះ មិនអាចសម្រេចបាន បើគ្មានការចូលរួមគាំទ្រ យ៉ាងសកម្មរបស់សមាជិកសមាជិកា សមាគមទាំងអស់ទេ។ នេះបើតាម លោក...

លោក ចូ បៃដិន ព្រមានពីផល់វិបាក ដ៏គ្រោះថ្នាក់មួយ ប្រសិនបើលោក ត្រាំ រារាំងកញ្ចប់ជំនួយ សង្គ្រោះជំងឺកូវីដ-១៩

វ៉ាស៊ីនតោន៖ ប្រធានាធិបតីជាប់ឆ្នោតអាមេរិកលោក ចូ បៃដិន បានព្រមាន អំពីផលវិបាកដ៏សាហាវ ប្រសិនបើប្រធានាធិបតីលោក ដូណាល់ ត្រាំ បន្តពន្យារពេលការចុះហត្ថលេខាលើសេចក្តីព្រាងច្បាប់ ស្តីពីជំនួយសេដ្ឋកិច្ចជំងឺកូវដ-១៩ ដែលអនុម័តដោយសភា។ លោក បៃដិន បានឲ្យដឹងនៅពេល ដែលប្រជាជនអាមេរិករាប់លាននាក់ បានឃើញពីគុណវិបត្ដិនៃភាពគ្មានការងារធ្វើរបស់ពួកគេ បន្ទាប់ពីលោក ត្រាំ បានបោះកញ្ចប់ជំនួយជំងឺរាតត្បាត ដែលបានរង់ចាំជាយូរមកហើយ ទៅជាការសង្ស័យ...

ស៊ូដង់ កាន់កាប់ដីនៅតាម ព្រំដែនជាប់អេត្យូពី

បរទេស៖ រដ្ឋមន្ត្រីព័ត៌មានស៊ូដង់ តាមសេចក្តីរាយការណ៍ បាននិយាយនៅថ្ងៃសៅរ៍ថា ប្រទេសស៊ូដង់ ទើបបានកាន់កាប់នូវទឹកដីភាគច្រើន ដែលខ្លួនចោទប្រទេសអូត្យូពីពីបទបំពានយក នៅជិតព្រំដែនរវាងប្រទេសទាំងពីរ។  លោក Faisal Salih ជារដ្ឋមន្ត្រីព័ត៌មានស៊ូដង់ បានមានប្រសាសន៍យ៉ាងដូច្នេះថា “យើងជឿជាក់ចំពោះការពិភាក្សាគ្នា ដោះស្រាយបញ្ហាណាមួយ ប៉ុន្តែទាហានរបស់យើង នឹងធ្វើកាតព្វកិច្ចរបស់ខ្លួន យកត្រឡប់មកវិញនូវទឹកដីរបស់យើង ហើយបច្ចុប្បន្ននេះ ទាហានយើងបានយកមកវិញនូវទឹកដី ស៊ូដង់ចន្លោះពី៦០ទៅ៧០ភាគរយហើយ”។  គួរបញ្ជាក់ថា...

ក្រសួងយុត្តិធម៌​ ៖​ ការប្រមាថដល់ អង្គព្រះមហាក្សត្រ មិនមែនជាការអនុវត្ត សិទ្ធិសេរីភាព នៃការបញ្ចេញមតិឡេីយ​ តែជាបទល្មើសព្រហ្មទណ្ឌ

ភ្នំពេញ​ ៖​ លោក​ ជិន​ ម៉ាលីន​ អ្នកនាំពាក្យក្រសួងយុត្តិធម៌​ បានថ្លែងថា​ ការប្រមាថដល់អង្គព្រះមហាក្សត្រ មិនមែនជាការអនុវត្តសិទ្ធិសេរីភាពនៃការបញ្ចេញមតិនោះទេ​ តែជាបទល្មើសព្រហ្មទណ្ឌ​ ដែលមានចែង​ និងផ្តន្ទាទោសតាមបញ្ញតិនៃមាត្រា៤៣៧ស្ទួន។ តាមរយៈបណ្ដាញទំនាក់ទំនងសង្គមហ្វេសប៊ុក​របស់​ លោក​ ជិន​ ម៉ាលី​ន​ នៅថ្ងៃទី២៧​ ខែធ្នូ​ ឆ្នាំ​២០២០នេះ​ បានឲ្យដឹងថា​ តបតាមការស្នើសុំរបស់អ្នកសារព័ត៌មានលោកបញ្ជាក់ជូន៣ចំណុច អំពីទិដ្ឋភាពច្បាប់នៃការចេញអធិបញ្ជារបស់​...

មានសង្ឃឹមខ្លះហើយ អឺរ៉ុប ចាប់ផ្ដើមចាក់វ៉ាក់សាំង ការពារជំងឺកូវីដ-១៩ ខណៈកំពុងមានករណី ឆ្លងទម្រង់ថ្មី

ប៉ារីស៖ ប្រទេសហុងគ្រី និងស្លូវ៉ាគី បានចាប់ផ្តើមចាក់វ៉ាក់សាំងការពារប្រជាជនប្រឆាំងនឹងជំងឺកូវីដ-១៩ នៅថ្ងៃសៅរ៍ (ថ្ងៃទី ២៦ ធ្នូ) មួយថ្ងៃមុនការចេញលក់នៅក្នុងប្រទេសជាច្រើនទៀតរួមមានបារាំង និងអេស្បាញ ខណៈដែលការរាតត្បាតរីករាលដាលពាសពេញទ្វីប។ យោងតាមការចុះផ្សាយ របស់ទីភ្នាក់ងារសារព័ត៌មានសិង្ហបុរី បានឲ្យដឹងថា នៅប្រទេសអាល្លឺម៉ង់ មនុស្សមួយចំនួនតូចនៅផ្ទះថែទាំមនុស្សចាស់ ត្រូវបានគេចាក់ថ្នាំបង្ការ កាលពីថ្ងៃសៅរ៍ មួយថ្ងៃមុនពេលចាប់ផ្តើមយុទ្ធនាការ ចាក់វ៉ាក់សាំងជាផ្លូវការរបស់ប្រទេសនេះ។ ការចាក់ថ្នាំបង្ការរោគនៅទូទាំងសហភាពអឺរ៉ុប ដែលមានប្រជាជនជិត...

ប្រធាន WHO៖ ជំងឺរាតត្បាតកូវីដ-១៩ នឹងមិនមែនជាប្រភេទ ជំងឺចុងក្រោយនោះទេ

ហ្សឺណែវ៖ ប្រធានអង្គការសុខភាពពិភពលោក WHO បានលើកឡើងថា វិបត្តិជំងឺរាតត្បាតកូវីដ-១៩ នឹងមិនមែនជាជំងឺរាតត្បាតចុងក្រោយនោះទេ ហើយការប៉ុនប៉ងដើម្បីលើកកម្ពស់សុខភាពមនុស្ស នឹងត្រូវវិនាសសាបសូន្យ ដោយមិនមានការដោះស្រាយ ការប្រែប្រួលអាកាសធាតុនិងសុខុមាលភាពសត្វឡើយ។ យោងតាមការចុះផ្សាយ របស់ទីភ្នាក់ងារសារព័ត៌មានសិង្ហបុរីបានឲ្យដឹងថា អគ្គនាយកអង្គការសុខភាពពិភពលោកបានឲ្យដឹងថា វាដល់ពេលដែលត្រូវរៀនមេរៀនពីជំងឺរាតត្បាតរ៉ាំរ៉ៃ (COVID-19) ។ លោកបានបញ្ជាក់ថា “អស់រយៈពេលជាយូរមកហើយពិភពលោកបានដំណើរការវដ្តនៃភាពភិតភ័យ និងការធ្វេសប្រហែស យើងបោះលុយចោលរាប់មិនអស់នៅពេលមានការផ្ទុះឡើងហើយនៅពេលវាចប់យើងភ្លេចអំពីវា ហើយមិនធ្វើអ្វីដើម្បីការពារអ្នកបន្ទាប់នោះទេ នេះគឺជាការមើលឃើញដ៏គ្រោះថ្នាក់ហើយពិបាកយល់”។...

ពិព័រណ៌ជំនាញសិក្សា និងការងារប្រចាំឆ្នាំ របស់សមាគម FUSAAC ធ្វើតាមអនឡាញ ដោយមាន ការគាំទ្រ ពីក្រុមហ៊ុន Smart Axiata

ភ្នំពេញ៖ សមាគមអតីត និស្សិតអាហារូបករណ៍ សហរដ្ឋអាមេរិក (FUSAAC) ក្រោមភាពជាដៃគូ ជាមួយក្រុមហ៊ុន Smart Axiata បានផ្ដើមកម្មវិធី «ពិព័រណ៌ជំនាញសិក្សា និងការងារ» ប្រចាំឆ្នាំរបស់ខ្លួន តាមអនឡាញ ដោយបង្កើតបណ្ណាល័យឌីជីថល ដែលមានវីដេអូ និងកម្មវិធីផតឃែស (Podcasts) ចំនួន ១០០  ស្ដីអំពី មុខវិជ្ជាសិក្សា និងវិជ្ជាជីវៈផ្នែក វិទ្យាសាស្ត្រ គណិតវិទ្យា វិស្វកម្ម និងបច្ចេកវិទ្យា (STEM) ជាច្រើន និងមានសេវាផ្តល់ប្រឹក្សាមុខរបរ និងអាជីពផងដែរ។   ពិព័រណ៌ជំនាញសិក្សា និងការងារ របស់សមាគម FUSAAC ដែលបានរៀបចំឡើង រៀងរាល់ឆ្នាំតាំងពីឆ្នាំ ២០០៩ នៅតែមានគោលបំណង ដូចរាល់ដង ពោលគឺជួយសិស្សានុសិស្ស ជ្រើសរើស ជំនាញសិក្សា ដែលត្រឹមត្រូវសម្រាប់ពួកគេ។ ក៏ប៉ុន្ដែដោយសារការរាតត្បាត ជាសកលនៃវីរុសកូវីដ១៩ សមាគម និងក្រុមហ៊ុន Smart បានផ្ដួចផ្ដើមបង្កើតបណ្ណាល័យឌីជីថល នៃជំនាញសិក្សា ដែលជួយឱ្យសិស្សានុសិស្សកាន់តែច្រើនឡើង នៅទូទាំងប្រទេស អាចស្វែងរកព័ត៌មានបាន។ ចាប់តាំងពីពិព័រណ ត្រូវបានរៀបចំដំបូងព្រឹត្តិការណ៍នេះ បានជួយសិស្សានុសិស្ស ចំនួនជាង ២៤០០ នាក់ជារៀងរាល់ឆ្នាំ ក្នុងការជ្រើសរើស មុខជំនាញសាកលវិទ្យា-ល័យរបស់ពួកគេ រួមទាំងអាជីព ដែលពួកគេប្រាថ្នានាពេលអនាគត ។   កម្មវិធីពិព័រណ៌ ជំនាញសិក្សា និងការងារតាមប្រព័ន្ធអនឡាញនេះទទួលបានគាំទ្រ ពីក្រសួងអប់រំ យុវជន និងកីឡា និង ការគាំទ្រពីស្ថានទូតសហរដ្ឋអាមេរិក នៅកម្ពុជា និងក្រុមហ៊ុន Smart Axiata។   លោក ហោ តូនី អ្នកសម្របសម្រួល គម្រោងនៃសមាគម FUSAAC បានឲ្យដឹងថា៖ «ថ្វីបើមានការរឹតត្បិត ដោយសារ កូវីដ១៩យើងនូវតែប្ដេជ្ញា បន្តពិព័រណ៌ ជំនាញសិក្សា និងការងារ តាមរយៈអនឡាញ ដើម្បីចែករំលែក ព័ត៌មាន ដែលមានប្រយោជន៍ និងជួយសិស្សានុសិស្ស ក្នុងការសម្រេចចិត្ត លើជំនាញសិក្សា ឬអាជីពនាពេលអនាគរបស់ពួកគេ ហើយ សូមថ្លែងអំណរគុណ ដល់ក្រុមហ៊ុនSmart Axiata ដែលបានគាំទ្រ ពួកយើងផ្នែកហិរញ្ញវត្ថុ។»  ការផ្តល់លទ្ធភាពឱ្យយុវជន ធ្វើការជ្រើសរើស មុខជំនាញប្រកបដោយព័ត៌មាន គ្រប់ជ្រុងជ្រោយ  គឺជាជំហានដ៏សំខាន់មួយ ក្នុងការបង្កើតឱកាស សម្រាប់ពួកគេ ដើម្បីបន្តការសិក្សា ទៅថ្នាក់ឧត្តមសិក្សា។ កម្មវិធី អាហារូបករណ៍ SmartEdu ដែលបានផ្តល់និស្សិត នូវអាហារូបករណ៍ជាមួយនិងប្រាក់ខែ ពេញលេញ ក៏ដូចជាប្រាក់ឧបត្ដម ប្រចាំខែពេញមួយ ឆ្នាំសិក្សានៅមហាវិទ្យាល័យផងដែរ ក៏មានមានគោលដៅ បង្កើតឱកាសទាំងអស់ នេះផងដែរ។   នាយកប្រតិបត្តិ របស់ក្រុមហ៊ុន Smart Axiata លោក ថូម៉ាស ហ៊ុន (Thomas Hundt) បានលើកឡើងថា៖ «ពិព័រណ៌ជំនាញសិក្សានិងការងារ ស្របតាមគោលដៅដែលយើងព្យាយាម សម្រេចជាមួយ កម្មវិធី SmartEdu Discovery Day ដែលជាពិព័រណ៌មួយនៅតាមបណ្តាខេត្តនានាជុំវិញ ប្រទេសកម្ពុជា ក្នុងគោលបំណង លើកកម្ពស់ការយល់ដឹងអំពីមុខ វិជ្ជាផ្សេងៗ នៅសាកលវិទ្យាល័យនិងស្វែងរកអ្នកមាន ទេពកោសល្យឆ្លាតវៃ សម្រាប់កម្មវិធីអាហារូបករណ៍ SmartEdu។»  លោក ថូម៉ាស បានបន្ថែមទៀតថា៖ «ការបង្កើតឱកាសសម្រាប់សិស្សានុសិស្សកម្ពុជា ក្នុងវិស័យអប់រំ ជាពិសេសក្នុង  វិស័យអប់រំSTEM  គឺជាភាពស្នូល នៃបេសកកម្មរបស់ក្រុមហ៊ុន Smart Axiata។ ដូច្នេះ ទោះបីយើង មានការសោកស្តាយ ដែលយើងមិនបានចូលរួម ក្នុងព្រឹត្តិការណ៍ពិព័រណ៍ដោយផ្ទាល់ ក្នុងឆ្នាំនេះ យើងរីករាយដែលបានឃើញ ពិព័រណ៌ជំនាញសិក្សា និងអាជីពបន្ត ធ្វើតាមអនឡាញ ជាមួយការគាំទ្រពីយើង។»  វីដេអូ និងកម្មវិធីផតឃែស (Podcasts) ចំនួន ១០០ នឹងត្រូវចាក់បញ្ចាំង លើទំព័រហ្វេសប៊ុករបស់ សមាគម FUSAAC និង Smart for Cambodia និង គេហទំព័រផ្លូវការរបស់ សមាគម FUSAAC តាមរយៈ www.fusaac.org។ សម្រាប់ព័ត៌មានបន្ថែម សូមចូលទៅកាន់គេហទំព័រ www.facebook.com/fusaac ឫ www.facebook.com/smartforcambodia៕

រំលឹកខួបអនុស្សាវរីយ៍ លើកទី១៤៥ ព្រះវស្សាព្រះករុណា ព្រះបាទ សម្ដេចព្រះ សុីសុវត្ថិ មុនីវង្ស ចមចក្រពង្ស

ភ្នំពេញ ៖ ព្រះមហាក្សត្រកម្ពុជាព្រះបរមរាជានុញ្ញាតក្រាបថ្វាយមហាព្រះរាជកុសលខួបអនុស្សាវរីយ៍លើកទី១៤៥(២៧ ធ្នូ ១៨៧៥-២៧ ធ្នូ ២០២០)ព្រះវស្សា ព្រះរាជសម្ភព នៃព្រះករុណា ព្រះបាទ សម្ដេចព្រះ សុីសុវត្ថិ មុនីវង្ស ចមចក្រពង្ស ហរិរក្សបរមិន្ទ្រ ភូវន័យក្រៃកែវហ្វា សុលាល័យ ព្រះបរមខត្តិយកោដ្ឋ ព្រះចៅក្រុងកម្ពុជាធិបតី ជាទីគោរពសក្ការៈដ៏ខ្ពង់ខ្ពស់បំផុត ៕

ក្រសួងការបរទេស អាមេរិកអនុម័ត លក់យន្តហោះ ឲ្យកាហ្សាក់ស្ថាន

បរទេស៖ យោងតាមការឲ្យដឹង ពីទីភ្នាក់ងារសហប្រតិបត្តិការសន្តិសុខ ការពារជាតិ ក្រសួងការបរទេស សហរដ្ឋអាមេរិក បានអនុម័តកិច្ចព្រមព្រៀង មានទំហំទឹកប្រាក់ ១២៨,១លានដុល្លារ នៅក្នុងសប្ដាហ៍នេះ ដើម្បីលក់យន្តហោះ King Air Scorpion ចំនួន៣គ្រឿង ឲ្យទៅប្រទេស កាហ្សាក់ស្ថាន។  កិច្ចព្រមព្រៀងនោះ នឹងបំពេញសំណើ ពីរដ្ឋាភិបាលរបស់ប្រទេសកាហ្សាក់ស្ថាន សុំទិញយន្តហោះ៣គ្រឿង ឧបករណ៍ស៊ើបការណ៍សម្ងាត់ ផ្នែកទំនាក់ទំនង Raytheon AST TITAN ចំនួន៣ និងឧបករណ៍ចាប់សញ្ញា WESCAM MX-15HDiចំនួន៣។  នៅក្នុងសេចក្តីប្រកាស ព័ត៌មានមួយ ទីភ្នាក់ងារសហប្រតិបត្តិការសន្តិសុខការពារជាតិ បាននិយាយថា ការលក់ដែលស្នើសុំនោះ នឹងគាំទ្រដល់គោលដៅ របស់គោលនយោបាយបរទេស និងគោលដៅ សន្តិសុខជាតិ របស់សហរដ្ឋអាមេរិក តាមរយៈការធ្វើឲ្យប្រសើរឡើង នូវសន្តិសុខរបស់ប្រទេសជាដៃគូ ដែលជាកម្លាំង សម្រាប់ស្ថិរភាព នយោបាយនិងភាពរីកចម្រើន ផ្នែកសេដ្ឋកិច្ច នៅតំបន់អាស៊ីកណ្ដាល៕  ប្រែសម្រួល៖ប៉ាង កុង 

ករណីឆ្លងថ្មី នៃជំងឺកូវីដ-១៩ កំពុងកើនឡើង នៅក្នុងប្រទេសថៃ

បាងកក៖ ការឆ្លងមេរោគកូវីដ-១៩ ថ្មីជាង ២០ ករណី ត្រូវបានគេរកឃើញ នៅខេត្តជាប់ឆ្នេរសមុទ្រមួយ ក្នុងប្រទេសថៃ កាលពីថ្ងៃសៅរ៍ ប៉ុន្មានម៉ោងបន្ទាប់ពី អាជ្ញាធរបានបញ្ជាក់ពីចំនួន អ្នកផ្ទុកទិន្នន័យ ប្រចាំថ្ងៃចំនួន ១១០ នាក់។ យោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួបានឲ្យដឹងថា ករណីទាំង ២៧ ត្រូវបានគេរកឃើញនៅក្នុងខេត្តរ៉ាក់យ៉ង ដែលជាគម្រោង សម្រាប់គម្រោងធំៗ នៅក្រោមច្រករបៀង សេដ្ឋកិច្ចភាគខាងកើតរបស់ប្រទេស។  លោក Charnna Iamsaeng អភិបាលខេត្តរ៉ាក់យ៉ង បានប្រាប់ប្រព័ន្ធផ្សព្វផ្សាយ ក្នុងស្រុកថាភាគច្រើន នៃករណីថ្មីត្រូវបានគេជឿថា មានជាប់ទាក់ទង ទៅនឹងកន្លែងលេងល្បែងខុសច្បាប់ ដែលធ្វើឱ្យមានការលំបាក ក្នុងការតាមដាន ការឆ្លងមេរោគ។  មុនពេលរបាយការណ៍ នៃករណីទាំង ២៧ ករណីសរុបនៃប្រទេសថៃ បានបញ្ជាក់ថា បានកើនឡើងដល់ ៦,០២០នាក់ ដោយមាន៤,០៦១ នាក់ជាអ្នកឆ្លង ជំងឺក្នុងស្រុក៕ ដោយ ឈូក បូរ៉ា

ចូរប្រុងប្រយ័ត្ន! ករណីឆ្លង ជំងឺកូវីដ-១៩ នៅទូទាំង ពិភពលោក កើនឡើង ដល់ជាង ៨០លាននាក់ ហើយ

ញូវយ៉ក៖ យោងតាមមជ្ឈមណ្ឌលវិទ្យាសាស្ត្រនិ ងវិស្វកម្មប្រព័ន្ធ CSSE នៅសកលវិទ្យាល័យ Johns Hopkins បានបញ្ជាក់ថាករណីឆ្លងជំងឺកូវីដ-១៩ នៅទូទាំងពិភពលោកកើនឡើងលើសពី ៨០ លានករណីហើយ កាលពីថ្ងៃសៅរ៍។ ចំនួនករណីសកល បានឈានដល់ ៨០,០៧០,៣២៧ នាក់ដែលមានអ្នកស្លាប់ សរុប ១,៧៥៣,៨៣៩ នាក់នៅទូទាំងពិភពលោក គិតត្រឹមម៉ោង ១២ និង២២ នាទី។  ម៉ោងនៅក្នុងស្រុក នេះយោងតាម ទិន្នន័យរបស់ CSSE បានបង្ហាញ។ សហរដ្ឋអាមេរិក បានរាយការណ៍ពីករណី និងការស្លាប់ច្រើនបំផុតនៅជុំវិញ ពិភពលោក ដែលមានចំនួន ១៨,៧៩៤,៥៤៥ និងករណីស្លាប់ ចំនួន ៣៣០,៥០៩នាក់ ។  ប្រទេសឥណ្ឌា បានកត់ត្រាករណី ចំនួន ១០,១៦៩,១១៨ ករណី ដែលជាប់ចំណាត់ថ្នាក់ទី ២ លើពិភពលោក។  ប្រទេសប្រេស៊ីល បានតាមពីក្រោយ ប្រទេសឥណ្ឌា ដែលមានករណី ចំនួន ៧,៤៤៨,៥៦០ ករណី និងចំនួនអ្នកស្លាប់ច្រើនបំផុតទី ២ លើពិភពលោកចំនួន ១៩០,៤៨៨ នាក់។  ប្រទេសដែលមាន ករណីជាង ២ លាន ក៏រួមមានប្រទេសរុស្ស៊ី បារាំង អង់គ្លេស តួកគី និងអ៊ីតាលី ខណៈប្រទេសដទៃទៀត ដែលមានអ្នកស្លាប់ជាង ៥ ម៉ឺននាក់រួមមានឥណ្ឌា ម៉ិចស៊ិកូ អ៊ីតាលី អង់គ្លេស បារាំង អ៊ីរ៉ង់ និងរុស្ស៊ី៕ ដោយ ឈូក បូរ៉ា