ព័ត៌មានអន្តរជាតិ
AP៖ កងទ័ពអ៊ីស្រាអែល បើកការបាញ់ប្រហារ លើជនស៊ីវិលប៉ាឡេស្ទីន ក្នុងពេលមានបទឈប់បាញ់គ្នា
បរទេស៖ ទាហានអ៊ីស្រាអែលបានបើកការបាញ់ប្រហារទៅលើជនស៊ីវិលប៉ាឡេស្ទីនដែលព្យាយាមត្រឡប់ទៅផ្ទះរបស់ពួកគេវិញនៅភាគខាងជើងហ្គាហ្សា ភ្លាមៗបន្ទាប់ពីការចាប់ផ្តើមនៃបទឈប់បាញ់រយៈពេល៤ថ្ងៃរវាងអ៊ីស្រាអែល និងក្រុមហាម៉ាស, នេះបើតាមអ្នកសារព័ត៌មាន AP បានរាយការណ៍ពីកន្លែងកើតហេតុ។ កងកម្លាំងការពារអ៊ីស្រាអែល (IDF) មុននេះ បានព្រមានអ្នកផ្លាស់ទីលំនៅនៅតំបន់ហ្គាហ្សា ប្រឆាំងនឹងការប៉ុនប៉ងផ្លាស់ទីទៅភាគខាងជើងនៃតំបន់នោះ។ យោងតាមសារព័ត៌មាន RT ចេញផ្សាយនៅថ្ងៃទី២៤ ខែវិច្ឆិកា ឆ្នាំ២០២៣ បានឱ្យដឹងដោយផ្អែកតាមទីភ្នាក់ងារសារព័ត៌មានបានអះអាងកាលពីថ្ងៃសុក្រថា យ៉ាងហោចណាស់មនុស្ស២នាក់បានស្លាប់ និង១១នាក់ផ្សេងទៀតបានរងរបួសក្នុងអំឡុងពេលឧបទ្ទវហេតុនេះ។ អ្នកនាំពាក្យយោធាអ៊ីស្រាអែលបានប្រាប់សារព័ត៌មាន Haaretz...
